تمام مومنین کرام کی خدمت میں عید سعید فطر کے موقع پر دل کی گہراییوں سے مبارک باد پیش کی جاتی ہے انشاء اللہ اس مبارک موقع پر پاکستان کے سیلاب زدہ بھای بہنوں کو ضرور یاد رکھیں اور اپنی بھر پور مدد سے دریغ نہ کریں کیونکہ ایک حقیقی منتظر کی صفات میں سے ہے کہ وہ دوسروں سے تعاون کو ہمیشہ مدنظر رکھتا ہے ۔

شیعہ نیوز کی خبر کے مطابق سعودی عرب میں وھابی مفتیوں کے شیعوں کے خلاف تکفیری اور غیر اخلاقی فتاوی اور شیعوں کے خلاف ناجائز اقدامات کرنے سے سعودی یونیورسٹیوں کے بہت سے طلباء کہ جن میں سے اکثر کا تعلق شمالی افریقا اور مشرق وسطی کے ممالک سے ہے نے شیعہ مذھب اثنا عشریہ میں تحقیق و بحث کرنا شروع کردی ہے ۔

ادھر سٹلایٹ پر شیعہ عربی چینل کے شروع ہونے اور وھابیوں کے شبہات کا جواب دینے اور وہابیوں پر ایسے عقایدی سوالات کرنے کہ جنکا انکے پاس کوی واضح جواب نہیں ہے اس سے بہت سے طلبا مذھب حقہ شیعہ کی طرف میلان پیدا کرنے اور مستبصر ہونے لگے ہیں

فقط سعودی عرب کی قصیم یونیورسٹی میں ساٹھ (۶۰)سے زائد طلباء وطالبات پچھلے تین سالوں سے اپنا مذھب تبدیل کرکے مذھب اہلبیت علیھم السلام کو اختیار کیا ہے۔

حالانکہ قصیم کا علاقہ وھابیوں کے اہم مراکز میں سے ہے اور قصیم یونیورسٹی اس علاقہ میں سلفیوں کی فعالیت کا مرکز شمار ہوتی ہے۔

اس یونیورسٹی کے طلباء کا مذھب جعفری کی طرف میلان نے یونیورسٹی کی انتظامیہ کو سخت پریشان کیا ہے کہ انہوں نے طلباء وطالبات میں اس شیعہ لہر کا مقابلہ کرنے کے لیے وہابی علماء سے مدد مانگی ہے۔

شیعہ نیوز کی رپورٹ کے مطابق ایران کی مختلف یونیورسٹیوں مثلاً امیرکبیر یونیورسٹی ،امام صادق علیہ السلام  یونیورسٹی اور شریف یونیورسٹیی کے طلباء نے خط و کتابت کے ذریعے آیت اللہ العظمی نوری ہمدانی اور آیت اللہ العظمی مکارم شیرازی سے قران مجید کی اہانت کرنے والوں کی سزا کے حوالے سے فتوی مانگا ہے ۔

آیات عظام کا جواب مندرجہ ذیل ہے:

جواب آیت اللہ العظمی نوری ہمدانی:

بسمہ تعالی

سلام علیکم

فقہ اسلامی کی رو سے اس قسم کے افکار کے خلاف شدید مخالفت لازمی ہے اور جو اس قسم کا کام کرنا چاہتے ہیں انکا قتل نیز واجب ہے۔

لیکن اس قسم کا پروگرام حاکم شرع کی راے کے ساتھ ہو اور اسکی اجازت کے بغیر جایز نہیں اور ہم اس قسم کی فکر (اھانت قران ) اور کام(جلانا) کی شدت کے ساتھ مذمت کرتے ہیں

حسین نوری ھمدانی

۲۲۔۶۔۸۹(قمری شمسی)

جواب آیت اللہ العظمی مکارم شیرازی :

بسمہ تعالی

بلا شبہ قران مجید کو جلانا سبب بنے گا کہ جلانے والے کا خون مباح ہو لیکن اس قسم کے مسایل میں حاکم شرع کی اجازت کے بغیر قدم نہ اٹھایا جایے البتہ سب پر ضروری ہے کہ اسکی شدید مخالفت کریں

۲۲۔۶۔۸۹(شمسی)

ابنا ـ کی رپورٹ کے مطابق رہبر مسلمین حضرت آیت اللہ العظمی امام سید علی خامنہ ای کے پیغام کا متن درج ذیل ہے:

بسم الله الرحمن الرحیم

قال الله العزیز الحکیم: انا نحن نزلنا الذکر و انا له لحافظون

ملت عزیز ایران ـ عظیم ملت اسلامیہ!
امریکہ میں قرآن مجید کی توہین جیسا نفرت انگیز اور مکروہ اقدام ـ جو امریکی پولیس کی سیکورٹی کے سائے میں ـ انجام پایا ایک عظیم اور تلخ سانحہ ہے جس کو چند بےقدر و قیمت اور بکے ہوئے عناصر کی احمقانہ حرکت کے دائرے تک محدود نہیں کیا جاسکتا۔ یہ ان مراکز کی طرف سے ایک طے شدہ منصوبے کا نتیجہ ہے جو کئی برسوں سے اسلام فوبیا اور اسلام کے خلاف جنگی صورت حال پیدا کرنے کی پالیسی کو اپنے ایجنڈے میں شامل کئے بیٹھے ہیں اور سینکڑوں روشوں اور ہزاروں تشہیراتی اور عملیاتی وسایل سے اسلام اور قرآن کے خلاف جنگ لڑ رہے ہیں۔ یہ اس شرمناک سلسلے کی ایک کڑی ہے جو مرتد سلمان رشدی کی خیانت سے شروع ہوا اور ڈنمارک کے خبیث کارٹونسٹ کی گستاخی اور ہالی ووڈ میں دسیوں فلموں کی شکل میں جاری رہا اور اب یہ سلسلہ اس نفرت انگیز نمائش تک آن پہنچا ہے۔
ان شرارت انگیز اقدامات کے پس پردہ کیا ہے اور کون ہے؟
شرارت کے اس سلسلے کے مطالعے کے نتیجے میں ـ جو ان برسوں کے دوران افغانستان، عراق، فلسطین، لبنان اور پاکستان میں مجرمانہ کاروائیوں کی صورت میں نمودار ہوا ـ کوئی شک و شبہ باقی نہیں رہتا کہ ان اقدامات کی منصوبہ بندی اور اس کا کنٹرول روم تسلط پسند عالمی نظام اور صہیونی تھنک ٹینکس کے ہاتھوں میں ہے جو امریکہ اور بعض یورپی حکومتوں کے سیکورٹی و فوجی اداروں میں سب سے زیادہ اثر و رسوخ رکھتے ہیں۔ یہ وہی لوگ ہیں جو حقائق تلاش کرنے والے آزاد ذرائع کی جانب سے روز بروز 11 ستمبر کے دن عالمی تجارتی مرکز کی عمارتوں پر حملے کے حوالے سے اصل ملزم پائے جارہے ہیں۔ اس واقعے نے امریکہ کے اس وقت کے جرائم پیشہ صدر کو افغانستان اور عراق پر چڑھائی کا بہانہ فراہم کیا اور اس نے صلیبی جنگ کا اعلان کیا اور بعض ذرائع سے موصول ہونے والی اطلاعات کے مطابق اسی شخص (جارج دبلیو بش) نے کل (11 ستمبر 2010 کو) کہا ہے کہ اس کا اعلان کردہ صلیبی جنگ کلیسا کے میدان میں اترجانے کے ساتھ مکمل ہوگئی ہے۔
حالیہ نفرت انگیز اقدام کا مقصد یہ ہے کہ ایک طرف سے عیسائی معاشروں میں اسلام اور مسلمانوں کا مقابلہ عوام کی عمومی سطح تک لایا جائے اور کلیسا (گرجا گھر) اور پادری کی مداخلت سے اس مقابلے کو مذہبی رنگ و روپ دیا جاسکے اور اس کو دینی تعصبات اور وابستگیوں کی پشت پناہی حاصل ہوسکے اور دوسری طرف سے اس عظیم گستاخی سے غیظ و غضب میں مبتلا اور مجروح ہونے والے مسلمانوں کو عالم اسلام اور مشرق وسطی کے مسائل سے غافل کیا جاسکے۔
کینہ پروری پر مبنی یہ اقدام کسی نئے اقدام کا آغاز نہیں ہے بلکہ یہ صہیونیت اور امریکی حکومت کی سرکردگی میں اسلام کے خلاف طویل المدت جنگ کا ایک مرحلہ ہے۔ اس وقت استکباری طاقتوں کے تمام سرغنے اور ائمۃالکفر اسلام کے مد مقابل آکھڑے ہوئے ہیں۔ اسلام انسان کی آزادی اور معنویت کا دین اور قرآن رحمت و حکمت اور عدل و انصاف کی کتاب ہے؛ یہ تمام حریت پسند انسانوں اور تمام ابراہیمی ادیان کا فرض ہے کہ مسلمانوں کے ساتھ مل کر ان نفرت انگیز اقدامات کے ذریعے اسلام کے خلاف لڑی جانے والی جنگ کا مقابلہ کریں۔ امریکی انتظامیہ کے سرکردگان اپنی فریبکارانہ اور کھوکھلی باتوں سے اس بھونڈے فعل کے حوالے سے اپنی حمایت پر پردہ نہیں ڈال سکتے۔ برسہا برس سے افغانستان اور پاکستان، عراق اور لبنان اور فلسطین میں کروڑوں مسلمانوں کے تمام حقوق اور تمام حرمتیں پاؤں تلے روندی گئی ہیں؛ لاکھوں مقتولین، دسیوں ہزار اسیر اور اذیت و آزار سے دوچار عورتیں اور مرد، اغوا ہونے والے ہزاروں بچے اور عورتیں اور لاکھوں معذور، بے گھر اور خانہ بدوش انسان، کس چیز کے بھینٹ چڑھ گئے ہیں؟
ان تمام مظلومیتوں کے باوجود، مغرب کے عالمی ذرائع ابلاغ میں، مسلمانوں کو کیوں تشدد کا مظہر اور اسلام و قرآن کو انسانیت کے لئے خطرہ بنا کر پیش کر رہے ہیں؟ 
کون ہی جو باور کرسکے کہ یہ وسیع سازش امریکی حکومت کے اندر صہیونی حلقوں کی مدد اور مداخلت کے بغیر ممکن اور قابل عمل ہوسکتی ہے؟
ایران اور پوری دنیا میں بسنے والے مسلمان بہنو اور بھائیو!
میں آپ کو بعض نکات کی طرف متوجہ کرانا چاہتا ہوں:
اولاً: یہ حادثہ اور اس سے قبل رونما ہونے والے حوادث اور واقعات بخوبی ظاہر کرتے ہیں کہ آج عالمی استکبار کی یلغار کا نشانہ بننے والا اسلام عزیز کا وجود اور قرآن مجید ہے؛ اسلامی جمہوریہ ایران کے ساتھ عداوت میں مستکبرین کا واضح موقف، استکبار کے خلاف اسلامی ایران کے واضح موقف کا نتیجہ ہے اور یہ جو وہ اسلام اور دوسرے مسلمانوں کے ساتھ عدم دشمنی کا ڈھنڈورا پیٹ رہے ہیں یہ ایک بڑا جھوٹ اور شیطانی فریب ہے۔ وہ اسلام اور اسلام کی پابندی کرنے والے ہر شخص اور مسلمانی کی ہر نشانی اور علامت کے دشمن ہیں۔
ثانیاً: اسلام اور مسلمین کے خلاف کینہ پروری اور عداوت کے اس سلسلے کی بنیاد یہ ہے کہ گذشتہ چند عشروں سے اسلام کا نور ماضی سے کہیں زیادہ تابندہ اور درخشندہ ہوگیا ہے اور عالم اسلام اور حتی مغرب میں اسلام اتہاہ گہرائیوں تک نفوذ کرگیا ہے۔ ان دشمنیوں کا سبب یہ ہے کہ اسلامی امت ہمیشہ کی نسبت بیدارتر ہوگئی ہے اور اسلامی اقوام نے مستکبرین کے استعمار اور جارحیت کی زنجیریں توڑنے کا اردہ کرلیا ہے۔
قرآن اور پیغمبر عظیم الشأن صلی اللہ علیہ و آلہ کی توہین کا سانحہ اپنی تمامتر تلخیوں کے باوجود اپنے اندر ایک بشارت بھی لایا ہے اور وہ یہ ہے کہ "اسلام کا پرنور سورج روز بروز زیادہ سے زیادہ اونچا اور زیادہ سے زیادہ تابندہ اور درخشندہ ہوگا"۔
ثالثاً: ہم سب کو جان لینا چاہئے کہ حالیہ سانحے کا کلیسا اور عیسائیت سے کوئی تعلق نہیں ہے اور چند احمق اور بکے ہوئے پادریوں کی کٹھ پتلیوں کی مانند حرکتوں کو عیسائیوں اور ان کے دینی بزرگوں کے کھاتے میں نہیں ڈالنا چاہئے۔ ہم مسلمین، دیگر ادیان کے حوالے سے مشابہ اقدامات عمل میں نہیں لائیں گے۔ عمومی سطح پر مسلم اور عیسائی کے درمیان جھگڑا دشمنوں اور جنون و دیوانگی کی حالیہ نمائش کے منصوبہ سازوں کا مطمع نظر اور خواہش ہے اور ہمارے لئے قرآن کا درس ان کے منصوبے اور ان کی خواہش کی مخالف سمت میں قرار پایا ہے۔
اور رابعاً: آج تمام مسلمانوں کے مطالبات کا رخ امریکی انتظامیہ اور امریکی سیاستدانوں کی جانب ہے۔ اگر وہ عدم مداخلت کے اپنی دعوے میں سچے ہیں تو اس عظیم اور ناقابل معافی جرم کے اصلی عوامل نیز اس کے میدانی کرداروں کو ـ جنہوں نے ڈیڑھ ارب مسلمانوں کے قلوب کو دکھ اور صدمے سے دوچار کیا ہے ـ، مناسب انداز میں کیفر کردار تک پہنچائیں۔

رہبر معظم انقلاب اسلامی ایران حضرت آیۃ اللہ العظمی سید علی خامنہ ای نے نماز عید سعید فطر کے دوسرےخطبے میں پاکستان میں آنے والے تباہ کن سیلاب کو عالم اسلام کا سب سے فوری اور ضروری مسئلہ قراردیا اور اس تباہ کن سیلاب میں پاکستانی عوام کے درد و رنج اور غم پر اپنے گہرے دکھ کا اظہار کیا اور تمام  مسلمانوں پر زوردیا ہے کہ وہ اس حساس اور نازک موقع پر پاکستان کی مؤمن اور مصیبت زدہ قوم کی بڑھ چڑھ کر مدد کریں ۔
رہبر معظم انقلاب اسلامی نے پاکستان میں سیلاب سے متاثرہ افراد کے لئے ایرانی عوام اور حکومت کی امداد کو ناکافی قراردیتے ہوئے فرمایا: ایران کی حکومت اور عوام ، دیگر مسلمان حکومتیں اور قومیں، اسلامی ادارے، منجملہ اسلامی کانفرنس تنظیم اور دنیا کے تمام مسلمان اپنی پوری طاقت کے ساتھ  پاکستانی حکومت اور پاکستانی قوم کی حمایت کے لئے عملی اورمؤثر قدم اٹھائیں اور سیلاب سے متاثر پاکستانیوں کی مختلف ضرورتوں کو پورا کرنے کے لیے اسباب و وسائل فراہم کریں۔
رہبر معظم انقلاب اسلامی نے پاکستان میں سیاسی عدم ثبات پیدا کرنے کے لئے بعض سامراجی طاقتوں اور فرصت طلب افراد کی تلاش و کوشش پر نگرانی کا اظہار کرتے ہوئے فرمایا: بعض طاقتیں پاکستان کو اپنی فوجی چھاؤنی میں تبدیل کرنا چاہتی ہیں امید ہےکہ پاکستانی حکومت اور عوام اپنی ذمہ داریوں پر عمل کرتے ہوئےحسن و خوبی کے ساتھ اس سخت و دشوار حالت سے نکل جائیں گے۔

روایات کی رو سے جب امام حسن علیہ السلام کی ولادت باسعادت کی بشارت رسول اللہ صلی اللہ علیہ وآلہ کو دی گئی آپ (س) نہایت خوش اور مسرور ہویےاور اشتیاق کے ساتھ سیدہ نساء العالمین  حضرت فاطمہ زہراہ سلام اللہ علیہا  کے بیت مبارک تشریف لے گیے اور فرمایا : «يا اسماء هاتينى ابنى‏»، ای اسماء میرا بیٹا مجھے لاکر دے دے. حضرت اسماء نے حکم کی تعمیل کی اور فرزند زہراء آغوش رسالت میں پہنچ گیا؛ آنحضرت(ص) نے نواسے کے دائیں کان میں اذان دی اور بائیں کان میں اقامہ پڑھی اور یہ پہلی صدا تھی جس سے اس مبارک فرزند نے سماعت فرمایی  اور یہ صدا آپ (ص) کے حق کا اقرار بھی تھی اور پیغام الہی کا مصداق بھی؛ صدائے تکبیر، صدائے توحید، صدائے تہلیل، اور آپ (ع) کے جد امجد خاتم الانبياء صلى اللہ عليہ و آلہ و سلم کی رسالت کی صدائے تصدیق.
دعا ہے کہ خداوند متعال امت اسلامی اور شیعیان محمد و آل محمد (ص) کو اس مبارک سنت پر عمل کرنے کی توفیق عنایت فرمائے. پيغمبر صلى اللہ عليہ و آلہ  نے علی ابن ابیطالب (ع) سے مخاطب ہوکر فرمایا: «يا على هل سميت الوليد المبارك؟» کیا آپ نے اپنے مبارک نومولود کے لئے کوئی نام منتخب کیا ہے؟ علی علیہ السلام نے عرض كیا: «ما كنت لاسبقك يا رسول اللہ؟» یا رسول اللہ (ص) میں آپ پر سبقت نہیں لیتا. ابھی کچھ لمحے ہی گذرے تھے کہ امین وحى حضرت جبرائيل علیہ السلام نازل ہوئے اور پیغام پروردگار لے کر آئے؛ نومولود کا نام خدائے عزّ و جلّ نے خود رکھا تھا چنانچہ جبرائیل نے عرض کیا: یا رسول اللہ (ص)! سَمِّه حسناً  اس فرزند کا نام حسن رکھیں.
رسول اللہ صلى اللہ عليہ و آلہ و سلم نے امام حسن علیہ السلام کے لئے بذات خود عقیقہ کاانتظام بھی فرمایا۔

ابنا ـ کی رپورٹ کے مطابق حضرت آیت اللہ العظمی سید عبدالکریم موسوی اردبیلی اور حضرت آیت اللہ العظمی لطف اللہ صافی گلپائگانی نے اپنے الگ الگ پیغامات میں پاکستان میں رونما ہونے والے تباہ کن سیلاب کے نتیجے میں جانی اور مالی نقصانات اور کروڑوں پاکستانی بھائیوں اور بہنوں کے بے گھر ہونے پر افسوس ظاہر کیا اور سیلاب زدگان کے لئے تیزرفتار امداد رسانی کی ضرورت پر زور دیا۔
حضرت آیت اللہ العظمی سید عبدالکریم موسوی اردبیلی کے پیغام کا متن:

بسم الله الرحمن الرحیم و به نستعین و صلی الله علی سیدنا محمد وآله الطیبین الطاهرین
إِنَّا لِلّهِ وَإِنَّا إِلَيْهِ رَاجِعونَ
پاکستان میں حالیہ سیلاب کی تباہ کاریوں کے نتیجے میں ایک ہزار سے زائد ایمانی بھائیوں اور بہنوں کے جان بحق ہونے اور دو کروڑ سے زائد افراد کے بےگھر ہونے جیسے حوادث شدید صدمے کا باعث ہوئے؛ افسوس ہے کہ اس حادثے میں ـ جس کی حدود مسلسل بڑھ رہی ہیں ـ لوگوں کی ایک بڑی تعداد جان بحق ہوگئی ہے اور کئی ہزار افراد زخمی ہوگئے ہیں جبکہ ان سے بھی زیادہ تعداد میں لوگ بے گھر ہوگئے ہیں اور اپنا ساز و سامان کھو گئے ہیں۔
میں رب جلیل سے زخمیوں کے لئے شفائے عاجلہ اور صحت کاملہ، گھر اور مال و اسباب کھونے والے افراد کے لئے وسعت رزق اور جاں بحق ہونے والوں کے لئے مغفرت اور ان کے پسماندگان کے لئے صبر جمیل اور اجر جزیل کی دعا کرتا ہوں۔
دنیا کے تمام شیریں اور تلخ واقعات دنیا کے اس گھرمیں اللہ کی آزمائشات میں سے ہیں جو انسان کے درجات و مراتب کی ترقی و ارتقاء کا سبب بنتے ہیں یا خدا نخواستہ بعض لوگوں کی منزلت و حیثیت گھٹ جانے کا وسیلہ بنتے ہیں۔
پاکستان سمیت بعض دیگر بلاد میں بھی انسانوں کے جان و مال خطرے میں ڈال دینے والا سیلاب بھی بے شک ابتلا اور آزمائش کی سنت الہیہ سے الگ نہیں ہے؛ اب ماہ رمضان کے ابتدائی ایام میں ہم سب عظیم آزمائش میں مبتلا ہیں۔ خداوند رحمن، انبیاء و رسل  نیز شہداء کی ارواح ہمارے اعمال کی نگران و ناظر ہیں؛ جیسا کہ خداوند متعال نے قرآن مجید میں ارشاد فرمایا:
"اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ" (توبه / 105)
([جو چاہو] کرو [یاد رکھو] كہ بہت جلد خدا، رسول خدا (ص) اور مؤمنین تمہارے اعمال کا محاسبہ کریں گے)۔
وہ دیکھیں گے کہ کیا ہم اپنے بھائیوں کے مصائب پر مغموم ہیں یا نہیں؟ کیا ہم اپنے وسائل اور اپنی قوت سے انہیں امداد پہنچانے کی کوشش کررہے ہیں؟ یا خدا نخواستہ ہمیں ان سے ہمدردی نہیں ہے اور ان کے ساتھ تعاون نہیں کررہے؟ مبادا کہ ہم ان سے ہمدردی اور تعاون نہ کریں۔
یہ حدیث شریف نبوی کہ «من اصبح و لم یهتم بامور المسلمین فلیس بمسلم» (جو شخص صبح کرے اور مسلمانوں کے امور کو اہمیت نہ دے (اور ان کے امور کی انجام دہی کا اہتمام نہ کرے) وہ مسلمان نہیں ہے؛ (ثقۃالاسلام محمد بن یعقوب کلینی رازی، اصول کافی، دار الکتب الاسلامیۃ، ج 2، ص 163، حدیث 1) ہم سب کے لئے ایک انتباہ ہے کہ ہمیں ہر وقت ـ خاص طور پر اس وقت پاکستان کی موجودہ دشوار صورت حال میں ـ دوسروں کے بارے میں سوچنا چاہئے۔
ہم احادیث شریفہ سے سیکھتے ہیں کہ یہ احساس نہ صرف مسلمانوں کے غم و مصائب میں ہم میں موجود ہونا چاہئے بلکہ مسلمانوں کو دنیا میں کسی بھی محتاج شخص کے سلسلے میں خاموش تماشائی نہیں بننا چاہئے۔
اس وقت ہم روزہ داری میں مصروف ہیں اور ماہ مبارک رمضان کی شب زندہ داریوں کے لئے تیاری کررہے ہیں ہمیں سیلاب زدگان اور مصیبت زدہ انسانوں کو ـ اپنی طاقت اور وسائل کی حدود میں رہتے ہوئے ـ امداد رسانی کے سلسلے میں اپنی مذہبی، دینی اور انسانی ذمہ داریوں سے غفلت نہیں برتنی چاہئے اور اپنے فریضے پر عمل کرتے ہوئے ہمیں اپنے آپ کو اللہ تعالی کے خاص الطاف و مراحم کا مستحق بنانا چاہئے۔
دنیا کی حکومتوں، بین الاقوامی امدادی تنظیموں پر عام طور پر اور اسلامی ممالک و اسلامی کانفرنس تنظیم پر خاص طور پر، سیلاب کی تباہ کاریوں کی وجہ سے پاکستان کی مظلوم اور مصیبت زدہ قوم اور دنیا کے دیگر مصیبت زدہ انسانوں، کے حوالے سے ذمہ داریاں عائد ہوتی ہیں؛ اور ہمیں امید ہے کہ وقت ضائع کئے بغیر اپنا کردار ادا کریں؛ لیکن اگر اس ذمہ داری پر ان کا عمل کافی اور وافی نہ ہو تو دوسروں کی ذمہ داریاں ساقط نہیں ہوتیں اور جب تک امداد رسانی اور دیگر اقدامات ضرورت کے مطابق نہ ہوئے ہونگے عام مؤمنین پر واجب ہے کہ وہ اپنی طاقت کے دائرے میں امداد رسانی کریں اور اس سلسلے میں وہ متعلقہ قواعد کے دائرے میں وجوہ شرعیہ (سہم امام (ع)، زکاة و صدقات) سے بھی استفادہ کرسکتے ہیں اور انشاء اللہ انہیں اس سلسلے میں وجوہ شرعیہ خرچ کرنے کا اجر ملے گا اور بری الذمہ ہونگے؛ اور اس الہی فریضے پر عمل نہ کرنے کی صورت میں، العیاذباللہ القدیر، عِقابِ خداوندی کے مستحق ہونگے۔
میں عالم اسلام کے علماء، فضلاء اور ائمۂ جمعہ و جماعت،کی نسبت اپنی عقیدت کا اظہار کرتا ہوں اور ماہ مبارک رمضان کے ان روحانی ایام میں ان سے دعائے خیر کی درخواست کرتا ہوں اور اپیل کرتا ہوں کہ رمضان کے خطبوں اور مواعظ کے ضمن میں ہم عقیدہ انسانوں کے سامنے مسلمانوں کے فرائض اور ذمہ داریوں کی تشریح کریں انہیں ان کے اخلاقی عہد و پیمان اور انسانی ذمہ داریوں کی یادآوری کرائیں اور اپنے مخاطَبین کو پاکستان اور ہمسایہ ممالک میں سیلاب زدہ مسلمانوں کے ساتھ تعاون کرنے اور انہیں امداد پہنچانے کی ترغیب دلائیں۔

غفر الله لنا و لکم
سید عبدالکریم موسوی اردبیلی
سوئم رمضان المبارک 1431

آیت الله العظمی شیخ لطف الله صافی گلپائگانی کا فتوی

ادھر پاکستان میں تباہ کن سیلاب کی مناسبت سے حضرت آیت اللہ العظمی لطف اللہ صافی گلپائگانی کے دفتر نے صدمہ برداشت کرنے والے پاکستانی خاندانوں سے ہمدردی کا اظہار کرتے ہوئے اعلان کیا ہے کہ اس مرجع تقلید نے اس انسانی عمل کی انجام دہی کے لئے ایک تہائی سہم امام (ع) خرچ کرنے کی اجازت دے دی ہے اور انھوں نے کہا ہے کہ "مؤمنین اپنا امدادی ساز و سامان قابل اعتماد راستوں سے سانحے کا شکار ہونے والے مسلمانوں کے لئے ارسال کریں"۔

ابنا ـ کي رپورٹ کے مطابق سعودي اہل تشيع کي ويب سائٹ الراصد نے لکھا کہ شيعيان اہل بيت نے الاحساء، الدمام، القطيف اور مدينہ منورہ کي مساجد اور حسينيات ميں رنگارنگ ديني تقريبات منائيں اور دعا و مناجات ميں مصروف رہ کر عالم اسلام کو کفر و شرک کے سامنے فتح و نصرت اور امام زمانہ عجَّلَ اللہ تعالي فَرَجَہ الشريف کے ظہور پرنور ميں تعجيل کے لئے اللہ کي بارگاہ ميں دعا و التجا کي۔
اس رپورٹ کے مطابق سعودي عرب کے شيعہ اکثريتي شہروں اور ديہي علاقوں ميں داخلے کے راستوں پر چراغاں کيا گيا تھا اور امام زمانہ عجَّلَ اللہ تعالي فَرَجَہ الشريف کي ولادت با سعات کے سلسلے ميں تبريک و تہنيت پر مبني بينرز لگائے گئے تھے اور ہر جگہ مٹھائياں بانٹي جارہي تھيں اور شربت اور ٹھنڈے پاني کي سبيليں لگي ہوئي تھيں۔
14 شعبان کي شام کو بچے اور کنبے شيعہ اکثريتي علاقوں ميں نماز مغرب کے بعد سڑکوں پر آئے اور انھوں نے اپنے زمانے کے امام عجَّلَ اللہ تعالي فَرَجَہ الشريف کي ولادت کا جشن منايا۔
سعودي عرب کي قديم رسم کے مطابق اس ملک کے شيعيان اہل بيت (ع) پندرہ شعبان کو "الناصفہ"، "کريکشون، اور "حل وعاد" کا نام ديتے ہيں، نيا لباس زيب تن کرتے ہيں اور سڑکوں اور حسينيات ميں امام زمانہ عجَّلَ اللہ تعالي فَرَجَہ الشريف کي مدح سرائي کرتے ہيں۔
اس سال بعض علاقوں ميں ہلال شعبان کے حوالے سے اختلاف ہوا تھا چنانچہ سعودي عرب ميں پندرہ شعبان کے مراسمات پير کو بھي ہوئے اورمنگل کو بھي تقريبات ہوئيں۔
اس رپورٹ کے مطابق سني مسلمانوں نے بھي اپنے گھروں اور ريسٹ ہاؤسوں ميں جمع ہوکر پندرہ شعبان کے حوالے سے بعض مذہبي تقريبات ميں شرکت کي ہے جبکہ بہت سے سعودي شہري ان مراسمات ميں شرکت کي نيت سے کربلائے معلي، نجف اشرف، مشہد مقدس اور دمشق کے سفر پر گئے ہوئے تھے۔
ادھر الحرمين نيوز سائٹ نے لکھا ہے کہ ان ايام ميں شيعہ اکثريتي علاقوں ميں بڑي تعداد ميں سعودي سيکورٹي فورسز تعينات ہوگئي ہيں اور انھوں نے بعض علاقوں ميں لوگوں کو جشن و سرور سے منع کرنے کي بھي کوشش کي ہے۔
شيعيان حجاز نے ان مراسمات و تقريبات کا اہتمام ايسے حال ميں کيا ہے کہ عرصے سے ان کي متعدد مساجد بند کردي گئي ہيں اور ہر ديني و مذہبي عمل کے بدلے انہيں سعودي سيکورٹي فورسز اور اعلي اہلکاروں کي جانب سے شديد ترين دباؤ کا سامنا کرنا پڑتا ہے۔

قم المقدس کے بلند پایہ مرجع عالیقدر آیت اللہ العظمی وحید خراسانی  احادیث وروایات کی رو سے نیمہ شعبان کے فضایل ، اعمال اور انکا اجروثواب بیان کرتے ہوے تاکید فرماتے ہیں:تمام مومنین اور مومنات کے لیے اس عظیم ومقدس شب میں ضروری ہے کہ سورہ یس کی تلاوت اور اسے حضرت ولی عصر عجل اللہ فرجہ الشریف کی بارگاہ میں ہدیہ کرنے کے بعد زیارت سلام علی آل یس پڑہی جایے اور اسکے بعد ٹھیک ۱۱ بجے دعایے فرج پڑھیں اور پروردگار متعال کی درگاہ میں اس عظیم مولود منجی اور مصلح عالم کے ظہور کی تعجیل کیلیے دعا کریں۔

حضرت آیت اللہ جعفر سبحانی نے ہفتے کی شام کو حضرت فاطمہ معصومہ سلام اللہ علیہا کے حرم مطہر میں جشن بعثت کی تقریبات سے خطاب کرتے ہوئے کہا: دشمن کی ہمیشہ یہی کوشش رہتی ہے کہ مسلمانوں کو تشدد پسند بنا کر متعارف کرائے کیونکہ یورپ میں اسلام تیزی سے فروغ پارہا ہے اور آئندہ چند برسوں میں یورپ میں مسلمانوں کی آبادی عیسائیوں کی آبادی کے برابر ہوجائے گی۔  انھوں نے کہا: یورپی ممالک اسلام کے فروغ کا راستہ روکنے کے لئے پیغمبر اسلام (ص) کو تشدد پسند شخصیت کے عنوان سے پیش کرتے ہیں۔
انھوں نے کہا: پیغمبر اسلام (ص) نے 25 سالہ نبوت کے دور میں 55 سرایا اور 27 غزوات لڑے ہیں اور 23 برسوں کے عرصے میں اتنی ساری جنگوں کے باوجود صرف آٹھ سو افراد مارے گئے ہیں اور یہ آٹھ سو افراد بھی جرائم پیشہ اور قاتل تھے جبکہ مغربی صاحبان نے ہیروشیما میں صرف چند ہی سیکنڈوں میں ایک لاکھ پچاس ہزار افراد کو موت کے گھاٹ اتار دیا۔ انھوں نے ان افراد کو عذاب کے فرشتے قرار دیا اور کہا: یورپی حکمران اس قسم کے انسانیت سوز جرائم پر پردہ ڈالنے کے لئے پیغمبر اسلام (ص) کو تشدد کی ناروا نسبت دیتے ہیں

امام خمینی (رح) کی برسی کے موقعہ پر رہبرانقلاب اسلامی حضرت آيت اللہ العظمی سید علی خامنہ ای نےملکی اور غیر ملکی افراد پر مشتمل لاکھوں افراد کے مجمع سے اپنے عالمی خطاب کے دوران صدیقہ طاہرہ حضرت فاطمہ زہرا سلام اللہ علیھا کے یوم ولادت باسعادت کا ذکرکرتے ہوئے فرمایا کہ ہم سب کوچاہئے کہ شہزادی کونین کی تعلیمات کی روشنی میں اپنی زندگی کوسنواریں  اورساتھ ہی  امام خمینی رہ کے مبارک نام کوزندہ رکھیں جس طرح سے ہمارے عوام نے اب تک امام خمینی کے افکار ونظریات کوزندہ رکھا ہے ۔ رہبرانقلاب اسلامی نے فرمایا انقلاب کی پاسداری کے لئے معیار وشناخت مقررہونی چاہئے  جس کی بنیاد پراس کی حفاظت کی جائے۔ آج انقلاب کی پاسداری کے لئے سب سے بہترمعیار وکسوٹی اورانقلاب کی پہچان  خود امام خمینی (رح) کی شخصیت  اوران کے نظریات و رفتار ہيں ۔بنابریں ان معیاروں اورشناخت  کومسخ نہيں ہونے دینا چاہئے  کیونکہ اگران معیاروں کی غلط تفسیر وتشریح کی گئی تواس صورت میں راستے سے بھٹکنے کا  اندیشہ  پیدا ہوجائے گا ۔ حضرت آیت اللہ العظمی خامنہ ای نے فرمایا کہ امام خمینی نے جوکـچھ بیان فرمایا تھا وہ بہت ہی شفاف تھا انھوں نے کوئی بھی بات ڈھکی چھپی نہيں رکھی تھی ۔ امام خمینی نے مغرب کی تباہ کن پالیسیوں کوبے نقاب کیا امام خمینی نے اپنے بیانات اورکردار سے سامراج اورصہیونیزم کورسوا کرکے رکھ دیا ۔ اسی لئے اسلامی انقلاب کی کامیابی کے بعد ہی سے  یہ دیکھا گیا ہے کہ امریکہ کا کوئی بھی صدردنیا کے کسی بھی ملک میں جاتا ہے تواس کے خلاف  مظاہرے ہوتے ہیں، موجود ہ دورمیں قوموں کوامام خمینی نے بیدار کیا ہے . حضرت آیت اللہ العظمی خامنہ ای نے فرمایا کہ امام خمینی کی نظرمیں سب سے زیادہ اہمیت اسلام کی تھی ان کی نظرمیں حکومت یا منصب کی کوئي اہمیت نہيں ہے ۔ انھوں ایسا اسلام متعارف کرایا جس کے اندرظالموں اورآمروں کے خلاف ڈٹ جانے کی پوری قوت پائی جاتی ہو۔رہبرانقلاب اسلامی نے امام خمینی کی ذاتی خصوصیات کا ذکرکرتے ہوئے فرمایا کہ امام خمینی اللہ پرتوکل  کی اس منزل پرفائزتھے کہ وہ جب تن تنہا تھے تو بھی کبھی  مایوس نہيں ہوئے اور جب پوری قوت اقتدار میں تھےتو اس وقت بھی ان کے اندرذرا بھی تکبروغرور پیدا نہ ہوا ۔ رہبرانقلاب اسلامی نے فرمایا کہ جب عراق کی بعثی فوج نے خرمشہر پرقبضہ کیا تو وہ ذراسا بھی مایوس نہيں ہوئے اورجب خرمشہر آزاد ہوا تو بھی کوئي فخریہ بیان نہيں دیا بلکہ یہی فرمایا کہ خرمشہر کوخدا نےآزاد کرایا ہے امام خمینی نے تمام مراحل میں اللہ پربھروسہ کیا اوراس کے ساتھ ساتھ تمام امورمیں وہ تقوای کوپیشہ بنائے ہوئے تھے  ۔حضرت آيت اللہ العظمی خامنہ ای نے فرمایا کہ امام خمینی اپنی تحریک کوایک عالمی اورآفاقی تحریک سمجھتے تھے جوصرف مسلمانوں سے مربوط نہيں تھی بلکہ ان کا نظریہ تھا کہ اقوام عالم کو یہ سمجھنا چاہئے کہ ان کی ذمہ داریاں کیاہيں ۔ انہی میں سے ایک فلسطین کے بارے میں امام کا نظریہ ہے ۔ جس کے تحت انھوں نے فرمایا کہ اسرائیل ایک سرطانی غدہ ہے ۔ رہبرانقلاب اسلامی نے فرمایا کہ فلسطین ایک تاریخی ملک ہے مگردنیا کے دوسرے گوشے سے کچھ لوگوں نے آکرفلسطینیوں کوان کے گھر اوروطن سے بے گھر کردیا آج کئي ملین فلسطینی پناہ گزینوں کی زندگی گذارہے ہيں ۔ رہبرانقلاب اسلامی نےفرمایا کہ  ایک تاریخی ملک کوجغرافیہ سے حذف کرکے اس کی جگہ ایک غیرقانونی حکومت تشکیل دے دی گئي  جس کا نام اسرائیل رکھ دیا گيا ہے ۔ رہبرانقلاب اسلامی نے فرمایا کہ پہلے برطانیہ اوراس کے بعد امریکہ اورکچھ دیگرملکوں نے یہ کہا کہ فلسطین اوراس کے اصلی وارثوں کوان کے گھروں سے نکال دیا جائے اوراس کی جگہ ایک دوسری حکومت تشکیل دے کردوسری قوم کوبسایا جائے مگرامام نے اس کے مقابلے میں کہا کہ نہيں جس قوم کی سرزمین ہے اورجس کا اپنا ملک ہے وہی اپنے وطن میں رہے اورجوجعلی اورغیرقانونی حکومت تشکیل دی گئی ہے اس کونابود کیا جائے ۔ رہبرانقلاب  اسلامی نے سوال کیا کہ ان دونوں نظریات میں کون سا نظریہ صحیح ہے تواس کا جواب یہی ہے کہ امام کا نظریہ منطقی نظریہ ہے ۔ آيت اللہ العظمی خامنہ ای  نے امام خمینی کے نظریات اوراسلامی نظام کے استحکام کی طرف اشارہ کرتے ہوئے فرمایا کہ دشمن نے جتنی زیادہ دشمنی وعداوت کا مظاہرہ کیا امام کے نظریات اوراسلامی نظام کی بنیاد یں اتنی ہی زیادہ مستحکم ہوئی ہيں اوراس کی زندہ مثال ایران پرمسلط کی گئی آٹھ سالہ جنگ ہے اس جنگ کے بعد ایران پہلے سے کہیں زیادہ مضبوط ومستحکم ہوگیا ۔ رہبرانقلاب اسلامی نے فرمایا اسی طرح پچھلے صدارتی انتخابات کے بعد اسلامی نظام کے دشمنوں نے اس نظام کوکمزورکرنے کی پوری کوشش کی مگرایران کے عوام نے تیس دسمبر اوراس سال گیارہ فروری کے جلوسوں میں اپنی تاریخی شرکت کے ذریعہ دنیا پراپنے مستحکم اتحاد کوبھرپور طریقے سے ثابت کردیا اوراسلامی نظام پہلے سے بھی زیادہ مستحکم ہوگیا ۔رہبرانقلاب اسلامی نے نمازکے دوسرے خطبے میں عالم اسلام بلکہ پورے دنیا میں رونما ہونے والی تبدیلیوں کا ذکرکرتے ہوئے فرمایا کہ ان تبدیلیوں پرایران کی توجہ خاص اہمیت کی حامل ہے ۔ ان میں سے ایک، مسئلہ فلسطین اورغزہ کا مسئلہ اورخاص طورپربین الاقوامی امدادی قافلے پر غدار وقسی القلب صہیونیوں کا حملہ ہے رہبرانقلاب اسلامی نے فرمایا کہ یہ مسائل اس وقت عالم اسلام کے اہم ترین مسائل ہيں  ۔رہبرانقلاب اسلامی نے فلسطین کویہودی علاقے میں تبدیل کرنے کی صہیونی حکومت کی سازشوں کا ذکرکرتے ہوئے فرمایا کہ صہیونی حکام بھی اورپوری دنیا اس بات کا اعتراف کرتی ہے کہ غرب اردن اورفلسطین کے ديگرعلاقے جہاں وہ یہودیوں کی آبادی کے تناسب کوبڑھانا چاہتی ہے مقبوضہ علاقے ہیں  پھر بھی وہ ان علاقوں کویہودی علاقوں میں تبدیل کرنے پرتلی ہوئی ہے بنابریں عالم اسلام کوچاہئے کہ وہ صہیونی حکومت کی اس درند گی اوروحشی گری کے  مقابلے کے لئے اٹھ کھڑا ہو ۔ رہبرانقلاب اسلامی نے فرمایا کہ عالم اسلام کوچاہئے کہ غزہ کا محاصرہ ختم کرنے کےلئےجہاں  آئے دن صہیونی فوجی حملے کرکے فلسطینی بچوں کوخاک وخون میں غلطاں کرتے ہيں  عملی اقدام کرے آپ نے فرمایا کہ صہیونی حکومت یہ سب کچھ اپنے ان  حامیوں کی پشتپناہی میں کررہی ہے جوخود کوانسانی حقوق کا دعویدار کہتے ہيں۔ رہبرانقلاب اسلامی نے مغربی ملکوں اورانسانی حقوق کے اداروں کی خاموشی پرتنقید کرتے ہوئے بعض عرب حکومتوں کی بھی خاموشی کی مذمت کی اوراسے ایک طرح کی خیانت قراردیا ۔ رہبرانقلاب اسلامی نے فرمایا کہ جس طرح سے صہیونیوں نے بین الاقوامی امدادی قافلے پرحملہ کیا ہے وہ اس کی وحشی گری کوثابت کرتا ہے  یہ قافلہ بین الاقوامی سمندری حدودمیں تھا جہاں کسی کوبھی حملہ کرنے کی اجازت نہيں ہے ۔ رہبرانقلاب اسلامی نے فرمایا کہ اسلامی جمہوریہ ایران گذشتہ تیس برسوں سے صہیونی حکومت کی درندگي ووحشیگری کی نشاندہی کررہا ہے ۔ رہبرانقلاب اسلامی نے صہیونی حکومت کے تمام تروحشیانہ اقدمات کا ذکرکرتے ہوئے فرمایا کہ اس کے باوجود صہیونی حکومت کے اندازے غلط ثابت ہوتے جارہے ہيں صہیونیوں نے لبنان پرحملہ کیا ان کا اندازہ غلط نکلا، غزہ پرحملہ کیا ان کا اندازہ غلط نکلا اوراب بین الاقوامی امدادی قافلے پر حملہ کیا اس میں بھی ان کا اندازہ غلط نکلا اس سے یہ ثابت ہوتا ہے کہ صہیونی حکومت کے دن گنے جاچکے ہیں  اوراس کی حیات کا خاتمہ جلد ہونےوالا ہے ۔رہبرانقلاب اسلامی نے نیویارک میں این پی ٹی کانفرنس کا ذکرکرتے ہوئے فرمایا کہ بڑی طاقتوں نے اس کانفرنس سے اسلامی جمہوریہ ایران پربندش لگانے کےلئے منصوبہ بنا رکھا تھا مگران کی ساری کوششیں ناکام ہوگئيں اوراس کانتیجہ اس کے برخلاف برآمد ہوا جو بڑی طاقتوں نے منصوبہ بنارکھا تھاآپ نے فرمایا کہ  اس کانفرنس میں صہیونی  حکومت کے ایٹمی ہتھیاروں اوراس کے ایٹمی پروگرام کے خلاف کھل کرآوازاٹھائي گئي اورتمام ایٹمی ملکوں سے کہا گیا کہ وہ اپنے ایٹمی ہتھیارتباہ کرنے کے لئے قدم اٹھائيں ۔ رہبرانقلاب اسلامی نے فرمایا کہ اسلامی جمہوریہ ایران نے آج نہ صرف اقوام عالم بلکہ دنیا کی حکومتوں کوبھی امریکہ کے مقابلے میں اٹھ کھڑے ہونے اوراس کے خلاف بولنے کی جرآت پیدا کی ہے اور یہ سب اسلامی ایران کے لئے الہی بشارتوں کی نشانیاں ہيں ۔ 

ہماری طرف سے تمام مومنین کرام کی خدمت میں امیرالمومنین امام المتقین،مولود کعبہ، آفتاب آسمان امامت وولایت حضرت علی ابن ابیطالب علیہ الصلاۃ و السلام کی ولادت باسعادت کی مناسبت سے مبارکباد پیش کی جاتی ہے  بلا شبہ حضرت امیرالمومنین علیہ الصلاۃ والسلام، تاریخ بشریت و اسلام کے اس عطیم امام سے محبت کرنا نہ صرف شیعہ اور مسلمانوں کی خصوصیت ہے بلکہ دنیا کے سارے آزاد منش انسان اس میں مسلمانوں کے شریک ہیں واضح ہے کہ وہ افراد جو مسلمان نہیں ہیں اس عظیم شخصیت سے محبت کرتے ہیں ان کے بارے میں کتابیں لکھتے ہیں اور شعر کہتے ہیں آپکی شخصیت ایسی منفرد اور عظیم ہےکہ تمام مسلمان اور تمام اسلامی فرقے اپنے سارے وجوداور دل و جان کی گہرائیوں سے آپ سے محبت کرتے ہیں اور  اس محبت و عشق کا سرچشمہ  وہ ممتازصفات و فضائل و کمالات ہیں کہ جنہیں وہ اپنی کتب اور گفتگو میں بے پناہ اشتیاق اور جذبے سے ذکر کرتے ہیں، یہ بلند وبالا اوصاف انسانیت کے نورانی رخ پر وہ پاکیزہ اور قیمتی اور خوبصورت نقوش ہیں کہ ہر انصاف پسند انسان فروتنی سے سر خم کرتا ہوا نظر آتا ہے ۔

عالم اسلام کے عظیم مرجع آیت اللہ العظمی فاضل لنکرانی کے انتقال پرملال پر ہم امام زمان عجل اللہ فرجہ الشریف اور تمام مومنین کی خدمت میں تعزیت پیش کرتے ہیں

آپ عہد حاضر کی عظیم علمی فقہی شخصیات میں سے تھے اور قم المقدس کے عظیم اشان شیعہ حوزہ کے روح وروان تھے

یقینا اپکی وفات عظمی ایک ایسا بڑا خلاء ہے کہ جو کبھی بھی پر نہیں ہوگا پروردگار انکی روح پر فتوح کو محمد وآل محمد علیہم السلام کی قربت سے سرفراز کرے اور انہیں بےپناہ رحمتوں سے شاد کرے

ابنا ـ کی رپورٹ کے مطابق آیت اللہ العظمی جوادی آملی نے نظریہ مہدویت کی چھٹی بین الاقوامی کانفرنس کے بانی اور مہدویت کے موضوع پرتحقیق و تألیف کے کام میں سرگرم عمل دانشوروں کے ایک گروہ سے خطاب کرتے ہوئے کہا: مہدویت ایک عالمی موضوع ہے جس کے لئے فکر بھی عالمگیر ہونی چاہئے؛ امام عصر (عج) کا وجود مبارک ہم شیعیان اہل بیت (ع) اور اہل سنت یا یہود و نصاری جیسے آسمانی ادیان کے پیروکاروں ہی کو دعوت انتظار نہیں دیتا بلکہ پوری دنیا کو روشن مستقبل کی دعوت دیتا ہے۔
حوزہ علمیہ قم کی اس عظیم فقہی اور فلسفی شخصیت نے انسانوں کے آداب، عادات، روایات و ثقافت کے درمیان فرق کی طرف اشارہ کرتے ہوئے کہا: پوری انسانیت ایک روشن مستقبل کی منتظر ہے، پورا عالم انسانیت روشن مستقبل کی فکر میں ہے اور یہ اس بات کی دلیل ہے کہ یہ فکر ایک عالمگیر اور زمین کی حدود سے بالاتر تفکر ہے۔
انھوں نے کہا: پوری انسانیت ایک ہی مشترکہ سوچ کی حامل ہے اور وہ مشترکہ سوچ عالمی نجات دہندہ اور مصلح کے انتظار کی سوچ ہے؛ اور کسی بھی ثقافت و تہذیب نے یہ سوچ اپنے خاص جغرافیائی خطے با اپنی خاص زبان اور خاص زمانے سے حاصل نہیں کی ہے بلکہ یہ فکر انھوں نے اسی جگہ سے لی ہے جو خود دل و دماغ کی خالق ہے۔
آیت اللہ جوادی آملی نے کہا: جو کام اللہ کی مشیت سے ہوتا ہے وہ اللہ کی سنتوں میں سے ہے جو تغیر و تبدل پذیر نہیں ہے چنانچہ ہمیں انتظار کی فکر کو بالکل واضح اور روشن کر دینا چاہئے، اس فطرت الہی اور اس سنت الہی کو بالیدہ اور شاداب کرنا چاہئے اور اس سلسلے میں ہمیں عالمانہ انداز سے بات کرنی چاہئے تا کہ انتظار کے تفکر کو بھی اور انتظار کے محرکات کو بھی محفوظ رکھ سکیں۔
انھوں نے کہا: دنیا کے تمام انسان عدل و انصاف کے منتظر ہیں اور عدل سب کے لئے مطلوب اور میٹھا ہے جبکہ ظلم سب کے لئے کڑوا ہے چنانچہ عدل و ظلم کا مفہوم روشن ہے اور سب اس کو سمجھتے ہیں مگر عدل اور ظلم کی حقیقت واضح نہیں ہے اور یہ ہمارے اور بہت سے دیگر مکاتب کے درمیان سب سے پہلا اختلاف ہے جسے حل ہونا چاہئے۔
انھوں نے کہا: ہمیں انسانی معاشروں کو نظریہ مہدویت کی تشریح کرتے ہوئے بتا دینا چاہئے کہ ہمارے درمیان بعض مشترک پہلو ہیں جنہیں ہمیں تسلیم کرلینا چاہئے۔ ہمیں ظلم شناسی اور ظلم کے خلاف جہاد کرتے ہوئے ظالم کی مذمت کرنی چاہئے اور اسے مسترد کرنا چاہئے اور عدل شناسی، عدل کی تلاش اور عدل خواہی اور عادل پروری کی راہ پر گامزن ہونا چاہئے۔
آیت اللہ جوادی آملی نے کہا: انسان چونکہ خلیفۃاللہ ہے اسی لئے ایک کریم اور برتر مخلوق ہے اور عدل پسندی اور ظلم کے خلاف جدوجہد بھی اس کی کرامت کے ہمراہ ہونی چاہئے۔
انھوں نے سوال اٹھایا: کیا عدل خواہی سے مراد یہی ہے کہ ہمیں محرومین اور غرباء کے مسائل حل کریں یا نہیں بلکہ عدلخواہی یہ ہے کہ ہم فقر اور غربت کے خلاف جدوجہد کریں؟
انھوں نے کہا: ائمۂ معصومین علیہم السلام کی روایات سے موصول ہونے والے اوصاف اور فرائض، عصر غیبت میں ہماری ذمہ داریوں کے تعین کا معیار ہے اور حضرت قائم عجل اللہ تعالی فَرَجَہ الشریف جب ظہور فرمائیں گے تو ایک معاشرہ آپ (عج) کا منتظر ہوگا جو کرامت کے ساتھ آپ (عج) کا استقبال کرے گا نہ وہ معاشرہ جو آپ (عج) کے فرامین پر عملدرآمد کے لئے تیار نہ ہوگا۔
نظریۂ مہدویت کے عنوان سے عالمی کانفرنس اس سال ماہ شعبان المعظم میں منعقد ہوگی جس میں ایرانی اور بیرون ملک سے آئے ہوئے مفکرین، اور حوزات علمیہ و جامعات کے محققین اور اساتذہ اور بعض اعلی حکام شرکت کریں گے۔

بين الاقوامی گروپ: گزشتہ روز عراق كے مقدس شہر كربلا میں قديمی اور تاريخی خطی نسخوں كی نمائش میں امام سجاد علیہ السلام سےمنسوب قرآن مجيد كا خطی نسخہ نمائش كے لیے ركھا گيا ہے۔

بين الاقوامی قرآنی خبررساں ايجنسی 'ايكنا" نے خبررساں ايجنسی " اصوات العراق" كے حوالے سے رپورٹ دی ہے كہ اس نمائش كے ناظم الامور نے كہا ہے كہ یہ نمائش حضرت عباس علیہ السلام كے حرم میں منعقد ہو رہی ہے۔ انہوں نے مزيد كہا كہ یہ نمائش ايك ہفتہ جاری رہے گی ۔ اس نمائش میں ركھے گئے آثار يكم سے چوتھی صدی ہجری قمری سے متعلق ہیں۔_

جنوبی تھائی لینڈ کے «جزیرہ پوکٹ = Phuket Island» میں شیعہ فارغ التحصیل طلبہ کے سیمینار کے بعد غضب آلود وہابیوں نے شیعہ اور سنی مسلمانوں کے خلاف وسیع سازشوں کا آغاز کردیا ہے.

اہل البیت (ع) نیوز ایجنسی – ابنا کی رپورٹ کے مطابق مارچ 2009 کے آخری ایام میں شیعہ فارغ التحصیل طلبہ نے تھائی لینڈ کے جنوبی جزیرے «Phuket Island» میں ایک سیمینار کا اہتمام کیا تھا جس میں شیعہ علماء «آیت اللہ مروی» اور «حجت الاسلام راستگو» سمیت متعدد سنی علماء بھی شریک ہوئے. اس سیمینار میں شیعہ اور سنی عوام اور علماء کے قریبی تعلق کی وجہ سے انتہاپسند وہابی غضبناک ہوئے اور علاقے کے مسلمانوں کے خلاف سازشوں کا فیصلہ کیا.

تھائی مسلمانوں کے بقول وہابیوں نے وسیع سازشوں کا آغاز کیا ہے اور دیگر مسلم فرقوں کے پیروکاروں کو اہل تشیع کے خلاف اشتعال دلانے لگے ہیں. انہوں نے تشیع کے خلاف شائع شدہ کتابیں اور رسالے ایسے دور دراز جزیروں میں بھی پہنچادیئے ہیں جن تک پہنچنے کے لئے بحری جہازوں کا سہارا لینا پڑتا ہے.

تھائی اہل تشیع کا کہنا ہے کہ تھائی لینڈ کے سنی مسلمان ان کے ساتھ تعاوں کرتے ہیں اور شیعیان اہل بیت (ع)  کے ساتھ رابطوں اور تعلقات سے خوش ہیں جبکہ وہ وہابیوں کو اپنا دشمن سمجھتے ہیں اور ان سے نفرت کرتے ہیں. علاوہ ازیں تھائی لینڈ میں مسلمانوں اور بدھ مت کے پیروکاروں کے درمیان بھی پرامن رابطہ پایا جاتا ہے اور بدھ مت کے پیروکار بھی مسلمانوں کے ساتھ تعاون کے خواہاں ہیں.

قابل ذکر ہے کہ وہابیت وسیع پروپیگنڈا مہم اور وسیع مالی وسائل سے استفادہ کرنے کے باوجود نہ صرف مسلمانوں کے نزدیک قابل نفرت ہیں بلکہ غیر مسلم فرقے بھی ان سے نفرت کرتے ہیں اور ان کے جھوٹے پروپیگڈدوں سے سخت ناراض ہیں.

اہل البیت (ع) نیوز ایجنسی ـ ابنا کی رپورٹ کے مطابق  کمبوڈین اہل سنت کے عالم دین «سيد احمد الموسوي»، نے اپنی قوم کے سرداروں کی موجودگی میں اپنے فیصلے کا اعلان کیا.

سیداحمدالموسوی نے عرصہ 9 سال سعودی عرب کی جامعة المدینہ میں تعلیم حاصل کی تھی اور کمبوڈیا پہنچ کر انہوں نے اپنی قوم کو اپنی تحقیقات کے نتائج سے آگاہ کیا اور قبائل کے سرداروں کے اجلاس میں اپنے فیصلے کا اعلان کردیا.

تہران کے خطیب جمعہ آیت اللہ سید احمد خاتمی نے زاہدان کی مسجد علی ابن ابیطالب (ع) میں ہونے والے دہشت گردانہ بم دھماکے کو امریکہ اور اسرائیل کی سازش قرار دیا ہے ۔آج تہران کی مرکزی نماز جمعہ کےخطیب آیت اللہ احمد خاتمی نے اپنے خطبوں میں دختر رسول حضرت فاطمہ زہرا سلام اللہ علیہا کے یوم شہادت کی مناسبت سے تعزیت پیش کرتے ہوئے آپ کے فضائل بیان کئے اور آپ کی شخصیت کے مختلف پہلوؤں پر روشنی ڈالتے ہوئے آپ کی زندگي کو دنیا کی تمام مسلمان خواتین کےلئے نمونہ عمل قراردیا ۔ آیت اللہ سید احمد خاتمی نے ایران کے جنوب مشرقی صوبے سیستان و بلوچستان کے شہر زاہدان میں ہونے والےدہشت گردانہ بم دھماکے کے بارے میں کہا کہ اس حملے میں امریکی اور اسرائیلی  وہابی وسلفی گروہوں کی سازش پوری طرح سے آشکار ہے ۔ تہران کے خطیب جمعہ نے کہاکہ دہشت گردوں کے سرپرستوں کوجلدہی گرفتارکرلیا جائےگا اورایران کا اسلامی نظام اتنامقتدرہے کہ وہ اس طرح کے دہشت گردانہ اقدامات انجام دینے والوں سے آہنی ہاتھوں سے نمٹ سکتا ہے اورماضی میں بھی اس نے دہشت گردوں کوان کےکئے کی سزادی ہے ۔ انہوں نے رہبر انقلاب اسلامی حضرت آیت اللہ العظمی خامنہ ای کے صوبہ کردستان کے حالیہ دورے کی طرف اشارہ کرتے ہوئے اس دورے کو اہل تشیع اور اہل تسنن کے درمیان قربت کے سلسلے میں ایک مؤثر قدم قراردیا اور کہا کہ زاہدان میں بم دھماکا کرنے والوں کا مقصد شیعہ اور سنی مسلمانوں کے درمیان اختلاف پھیلانا ہے ۔ انہوں نے کہا کہ اس دہشت گردانہ حملے میں امریکہ اور اسرائیل کے ایجنٹوں کا ہاتھ ہے ۔ تہران کی مرکزی نماز جعمہ کے خطیب نے کہا کہ ہمیں شیعہ اور سنی مسلمانوں کے درمیان اختلاف اور تفرقہ ڈالنے کی دشمنان اسلام کی سازشوں سے ہوشیار رہنا چاہئے ۔

فكرونظر گروپ: ۴ جون ۲۰۰۹ء كو روس كے دارالحكومت ماسكو میں ايرانی كلچرل سنٹر كی كوششوں سے " امام خمينی (رح) كی شخصيت اور افكار" كے موضوع پر ايك سيمينار منعقد ہو گا۔

بين الاقوامی قرآنی خبررساں ايجنسی " ايكنا" كی رپورٹ كے مطابق اس سيمينار میں روس میں ايرانی سفير " سجادی"، ايرانی كلچرل سنٹر كے انچارج "ابراہيمی تركمان" اور اسلامی مركز مطالعات كے سربراہ شركت كریں گے۔ روسی اور ايرانی دانشور اس سيمينار میں امام خمينی (رح) كی شخصيت اور افكار كے موضوع پر اپنے آرٹيكلز پيش كریں گے۔ اس كے علاوہ امام خمينی (رح) كی كتب پر مشتمل ايك نمائش بھی منعقد كی جائے گی۔ ياد رہے كہ اس سيمينار میں امام خمينی (رح) كی شخصيت اور افكار كے موضوع پر پيش ہونے والے مقالات كو امام خمينی (رح) كی ۲۰ویں برسی كی مناسبت سے شائع كيا جائے گا۔

اہل البیت (ع) نیوز ایجنسی - ابنا کی رپورٹ کے مطابق رہبر انقلاب اسلامی نے تہران کے سہ فریقی اجلاس کو تین ملکوں کی ضرورت قرار دیا اور فرمایا: میں پوری قوت کے ساتھ سہ فریقی مفاہمت کی حمایت کرتا ہوں اور ہمیں یقین ہے کہ تین ملکوں کے صدور کی صداقت پر مبنی کوششوں کے سائے میں تین ملکوں کے درمیان حاصل ہونے والی مفاہمت نتیجہ بخش ہوگی.

انقلاب اسلامی کے رہبر معطم نے تین ملکوں کے درمیان دینی اور تہذیبی اشتراکات، مشترکہ تاریخ نیز تین پڑوسی ممالک «ایران، پاکستان اور افغانستان» کے مشترکہ دشمنوں کی طرف اشارہ کرتے ہوئے فرمایا: انتہاپسندی نے نہ صرف خطے کے ممالک اور اقوام کے لئے مشکلات کھڑی کردی ہیں بلکہ دوسروں کو بھی دھمکیاں دے رہے ہیں اور یہ مسئلہ آج ان لوگوں کی گردن میں پڑ گیا ہے جنہوں نے ابتدا ہی سے دولت اور پالیسیوں کے ذریعے اس انتہاپسندی کی پرورش کی تھی.

حضرت آیت اللہ العظمی خامنہ ای نے فوجی مداخلت کو علاقے کے لئے ایک اہم مسئلہ قرار دیا اور فرمایا: امریکہ ان مشکلات اور واقعات کے اصلی سبب کے عنوان سے علاقے کی قوموں کے بیچ نہایت منفور اور قابل نفرت ہوچکا ہے.

انقلاب اسلامی کے رہبر معظم  نے دو پڑوسی ممالک «پاکستان اور افغانستان» کی ترقی اور امن و استحکام کو ایران کے لئے نہایت اہم قرار دیتے ہوئے اس طرح کے اجلاسوں کے جاری رہنے کی ضرورت پر تاکید کی اور فرمایا: عمل اور تعاون صرف سیاسی اور امن و امان کی حد تک محدود نہیں ہے بلکہ تین ملکوں کے درمیان اقتصادی اور ترقیاتی میدانوں میں تعاون کے لئے بھی وسیع امکانات موجود ہیں.

اسلامی جمہوریہ ایران کے صدر ڈاکٹر احمدی نژاد نے اس ملاقات میں سہ فریقی کانفرنس کی رپورٹ پیش کرتے ہوئے تین ملکوں کے صدور کے  اجلاس کو نہایت دوستانہ اور خالصانہ قرار دیا اور کہا: اس اجلاس میں تینوں ملکوں کا موقف نہایت شفاف انداز میں پیش کیا گیا اور سربراہی اجلاس کے فیصلوں پر عملدرآمد کے تمام راستوں پر غور و خوض کیا گیا.

محمود احمدی نژاد نے انتہاپسندی، فوجی مداخلتوں ، منشیات اور دہشت گردی کو خطے کے بنیادی مسائل قرار دیا اور کہا: تہران میں منعقدہ سہ فریقی سربراہی اجلاس میں 25 نکاتی مشترکہ بیان تدوین کیا گیا اور تینوں ملکوں نے اس بیان کی توثیق کردی.

صدرپاکستان نے رہبر معظم انقلاب اسلامی کے ساتھ اپنی گذشتہ ملاقات کی طرف اشارہ کرتے ہوئے کہا: گذشتہ ملاقات میں عالی جناب کی رہنمائیوں کی بدولت تہران - اسلام آباد کی دوطرفہ تعلقات میں نئے ابواب کھل گئے اور ہمیں امید ہے کہ تین ملکوں کے تعاون کی برکت سے موجودہ چیلنجوں پر غلبہ حاصل کرلیں گے.

اس ملاقات میں افغانستان کے صدر حامد کرزئی نے بھی کہا: آج کے اجلاس نے مفاہمتوں اور مشترکہ مقاصد کے حصول کے لئے نہایت مناسب موقع فراہم کیا.

بين الاقوامی گروپ: يونانی پوليس اہلكار كی طرف سے قرآن مجيد كے ايك نسخے كو پھاڑنے پر يونان كے دارالحكومت "ايتھنز" میں ۲۱ مئی ۲۰۰۹ء كو مسلمانوں نے مظاہرہ كيا ہے۔

حوزہ علمیہ قم  نیوزکے مطابق ولیعصر (عج) اسپتال کی انتظامیہ کے مطابق آیت الله العظمی شیخ محمد تقی بہجت رضوان اللہ تعالی علیہ اب سے تھوڑی دیر قبل مذکورہ اسپتال میں داعی اجل کو لبیک کہتے ہوئے دنیائے فانی سے رخصت ہوگئے ہیں.

آیت اللہ العظمی بہجت آج صبح 3بجکر 10 منٹ پر دل کا دورہ پڑنے کی بنا پر اسپتال منتقل کئے گئے تھے جہاں تقریبا 15 گھنٹوں تک ان کی جان بچانے کی کوششین کامیاب نہ ہوسکیں.

مختصر حالات زندگی:

حضرت آیة اللہ العظمی حاج شیخ محمدتقی بہجت سن ۱۳۳۴ ہجری قمری میں فومن نامی شہرمیں پیداہوئے ۔ آپ کے والدکربلائی محمودبہجت اپنے علاقہ کی ایک مورد اعتماد شخصیت تھے۔

آیة اللہ بہجت نے  اپنی ابتدائی تعلیم فومن کے مکتب خانہ میں حاصل کی اور ادبیات قمری پڑھنے کے بعد وہ قم آئے اوریہاں پرتھوڑاعرصہ رک نے کے بعد کربلائے معلی تشریف لے گئے ۔ وہاں پرانہوں نے آیة اللہ العظمی ابوالقاسم خوئی سے کسب فیض کیا۔

سن ۱۳۵۲ ہجری قمری میں اپنی تعلیم کوپوراکرنے کے ہدف سے انہوں نے نجف کاسفراختیارکیااوروہاں پ رآخوندخراسانی کے ایک شاگردسے علم حاصل کرتے ہوئے آیة اللہ آقاضیاء عراقی اورآیة اللہ نائینی کے درس میں شریک ہو نے لگے ۔ اس کے بعدانہوں نے آیة اللہ حاج شیخ محمدغروی اصفہانی سے بھی استفادہ کیا۔

انہوں نے آیة اللہ العظمی حاج سیدابوالحسن اصفہانی اورحاج شیخ محمدکاظم شیرازی سے بھی علم حاصل کیا ۔ ا نہوں نے علم فقہ واصول کے علاوہ ابن سیناکی کتاب اشارات اورملاصدراکی کتاب اسفارکومرحوم سیدحسین بادکوئی سے پڑھا۔

سن ۱۳۶۴ ہجری قمری میں ایران واپس آکرقم میں آیة اللہ بروجردی اورآیة اللہ کوہ کمری سے فقہ واصول میں استفادہ کیا۔

وہ   تقریبا ۵۰ سال سے   اپنے گھر پر ہی فقہ واصول کادرس خارج دے رہے تھے۔وہ اس وقت قم کے عظیم علماء میں  گنے جاتے تھےاوراپنے زہدو عرفان کے لئے شہرہ آفاق تھے سینکڑوں اور ہزاروں علماء نے آپ کے حضور علمی اور روحانی فیض حاصل کیا آپ اخلاق و عرفان و سیرو سلوک کے سفر میں عظیم مینارہ نور تھے دنیا بھر میں لاکھوں کڑوروں آپکے مقلدین اور معتقدین کے دل وروح آپکے پاکیزہ نفس و روان سے روشن ہیں۔آپکی وفات پرملال سے قم کی علمی و معنوی فضاء میں ایسا خلاء پیدا ہوا ہے جو شاید کبھی بھی نہ پر ہو آپ اپنی مثال آپ تھے کہ جنکا ذکر و ورد امام زمان (عج)کے ذکر سے جڑا ہوا تھا اور انکی خلوت و جلوت امام کے حضور و یاد سے روشن تھی انکی وفات پر ہم امام زمن(عج)کی خدمت میں تسلیت پیش کرتے ہیں۔

رہبر انقلاب آیت اللہ خامنہ ای کا پیغام

بسم اللہ الرحمن الرحيم

اناللہ و انااليہ راجعون

ہمیں نہایت افسوس کے ساتھ خبر ملی کہ عالم ربانی، فقیہ عالیقدراورعارف روشن ضمیر حضرت آيت‌اللہ آقاي حاج شيخ محمد تقي بہجت (قدس اللہ نفسہ الزكيۃ) دنیائے فانی سے وداع کرکے جوار رحمت حق میں مقیم ہوئے. میرے لئے اور مرحوم کے تمام عقیدتمندوں کے لئے یہ نہایت بھاری صدمہ اور ناقابل تلافی نقصان ہے. ثلم في الاسلام ثلمۃ لا يسدہا شيئ. (= اسلام کی دیوار میں ایسا شکاف پڑ گیا ہے جسے کسی صورت نہیں کیا جاسکتا).

مرحوم، جو کہ معاصر مراجع تقلید میں ایک ابھرے ہوئے مرجع شمار ہوتے تھے، اخلاق و عرفان اور بے انتہا معنوی فیوضات کا سرچشمہ بھی تھے. اس پرہیزگار پارسا کا نورانی اور خالص قلب خداوند قدوس کا کا چمکتا آئینہ اور ان کا معطر کلام سالکین و صالحین کے فکروعمل کے لئے راہنمائی کا سرمایہ تھا.

مین اپنی مخلصانہ تعزیت حضرت بقیة اللہ (ارواحنا فداہ) کے حضور عرض کرتا ہوں اور حضرات علمائے اعلام، مراجع عظام اور مرحوم کے شاگردوں، عقیدتمندوں اور ان کے فیض وجود سے مستفیض ہونے والوں، خاص طور پر ان کے خاندان مکرم کو تعزیت و تسلیت پیش کرتا ہوں اور اپنے لئے اور دیگر سوگواروں کے لئے خداوند متعال سے تسکین اور مرحوم کے لئے رحمت و مغفرت کی التجا کرتا ہوں.

والسلام عليہ و رحمۃ اللہ

سيد علي خامنہ‌اي

17مئی 2009

23 جمادي الاولي 1430

ختمی مرتبت پیغمبراعظم حضرت محمد صلی اللہ علیہ وآلہ اور صادق دوجہاں فقہ جعفریہ کے بانی امام جعفر صادق علیہ السلام کی ولادت با سعا دت تمام دنیاے تشیع اور مومنین کرام کو مبارک ہو                                                                            

تہران کے عارضی امام جمعہ سید احمد خاتمی نے نماز جمعہ کے خطبوں میں ذکر الہی اور یاد خدا کے برکات اور آثار کی طرف اشارہ کرتے ہوئے کہا کہ ذکر اور یاد خدا سے مشکلات برطرف ہوتی ہیں اور دل کو سکون اور اطمینان نصیب ہوتا ہے۔

مہر خبررساں ایجنسی کی رپورٹ کے مطابق تہران میں آج نماز جمعہ آیت اللہ سید احمدی خاتمی کی امامت میں منعقد ہوئی جس میں لاکھوں مؤمنین نے شرکت کی تہران کے عارضی امام جمعہ نے نماز جمعہ کے خطبوں میں  ذکر الہی اور یاد خدا کے برکات اور آثار کی طرف اشارہ کرتے ہوئے کہا کہ ذکر اور یاد خدا سے مشکلات برطرف  ہوتی ہیں اور دل کو سکون اور اطمینان نصیب ہوتا ہے۔ آیت اللہ خاتمی نے کہا کہ لوگوں کو زندگی کے تمام شعبوں میں اسراف سے پرہیز کرنا چاہیے خطیب جمعہ نے رہبر معظم کے نوروز کے پیغام کی لطافت اور اہمیت اور حساسیت کی طرف اشارہ رکتے ہوئے کہا کہ رہبر معظم نے اپنے پیغام میں اسراف سے اجتناب کرنے کی ضرورت پر زوردیا ہے اور اس سال کو کفایت شعاری کا سال قراردیا ہے۔

الهم بلغ مولانا الامام الهادی المهدی                                                

ماہ ربیع اول کی نہم اور حضرت امام مہدی (عج) کی امامت ولایت کا پہلا مبارک دن دنیا کے تمام شیعہ اور مومنین کرام کو مبارک ہو ۔

دعا کرتے ہیں کہ پروردگار اسی سال آپ کے مبارک ظہور کے اسباب فراہم کرے  اور ہمیں ان کا مقدس دیدار  عطا ہو اور آپکے انصار کے زمرہ میں داخل ہونے کا شرف حاصل ہو

 تہران کے خطیب جمعہ آیت  اللہ ہاشمی رفسنجانی نے گذشتہ برسوں کے دوران اس ہفتے میں شہیدہونےوالے علماء ومجاہدین کوخراج عقیدت پیش کیا ۔ اورانھوں نے ایران کے علاقے طبس میں امریکی فوج کوہونےوالی شکست وذلت کومعجزہ الہی سے تعبیرکیا اورکہاکہ طبس کا واقعہ بھی اسی ہفتے میں پیش آیا ۔ انھوں نے تہران میں امریکہ کے جاسوسی اڈے میں یرغمال بنائے گئے امریکی جاسوسوں کوچھڑانے اورایران پرحملہ کرنے کے امریکی منصوبے کی پیچیدگیوں کا ذکرکرتے ہوئے کہاکہ یہ واقعہ ایک ایسے وقت پیش آیا جب ہمیں اس کے بارے میں پہلے سے کسی بھی طرح کا علم نہيں تھا مگراللہ نے انھیں ذلیل ورسوا کیا اوریہ وہ حقیقت ہے جس کا اعتراف خودامریکیوں نے بھی کیا ہے  ۔تہران کے خطیب جمعہ نے اسی طرح عراق کے شہر مقدادیہ میں گذشتہ روزایرانی زائرین پرہونےوالے دہشت گردانہ حملے  کی شدید الفاظ میں مذمت کرتے ہوئے کہاکہ جولوگ اسلام کے نام پراس طرح سے عام شہریوں اورزائرین کا خون بہاتے ہيں وہ اس دورکے سب سے بڑے جاہل اوربے دین ہيں ۔انھوں نے کہاکہ ایسے لوگ اسلام کے دشمن ہيں کیونکہ وہ اپنے اس طرح کے اقدامات سے اسلام کوبدنام کررہے ہيں ۔تہران کے خطیب جمعہ نےاسی طرح قابض امریکی فوج کوبھی اس طرح کے حملے کا ذمہ دارقراردیا اورکہاکہ چونکہ امریکہ نے عراق پرقبضہ کررکھا ہے اس لئے وہاں ہرطرح کی سیکورٹی کی ذمہ داری امریکہ پرہی عائد ہوتی ہے ، تہران کے خطیب جمعہ نے اسی طرح جنیوا میں ہونے والے ڈربن ٹواجلاس کا ذکرکرتے ہوئے کہاکہ اس اجلاس میں یورپی ممالک بری طرح رسواہوئے ہيں اوروہ اپنے امتحان میں ناکام ہوگئے ہیں ۔انھوں نے کہا کہ انسانی حقوق کے دعویداروں نے گذشتہ تیس برسوں سے خودکوانسانی حقوق کا علمبردارقراردے رکھا ہے مگرانھوں نے جنیوااجلاس میں جوکچھ کیا اس سے یہ ثابت ہوگیا ہے کہ وہ نسل پرستی کے کسی بھی طرح مخالف نہيں ہيں اورانسانی حقوق کے بارے میں ان کے دعوے کہيں سے بھی صداقت پرمبنی نہيں ہيں ۔  

اہل البیت (ع) نیوز ایجنسی ـ ابنا کی رپورٹ کے مطابق سوڈانی مصنف اور سابق قاضی «شیخ النیّل عبدالقادر محمد ابو قرون» - جو عرصہ دراز سے مذہب تشیع قبول کرچکے ہیں – اردن میں صحابہ رسول (ص) کی توہین کے حوالے سے مورد الزام ٹہرے ہیں.

اردن کے نشریات و مطبوعات کے ادارے کے ڈائریکٹر «نبیل المؤمنی» نے توہین صحابہ کے الزام میں شیخ «النیل عبدالقادر ابوقرون» کے خلاف پٹیشن دائر کی ہے.

المؤمنی نے شیخ ابوقرون کی کتاب «رسائل الشيخ النيل، مراجعات في الفكر الإسلامي» کو اپنے الزام کا ثبوت قرار دیا ہے جس میں المؤمنی کے بزعم شیخین اور ام المؤمنین عائشہ کی توہین ہوئی ہے. انہوں نے کہا ہے کہ شیخ النیل پر مقدمہ، اردن کے نشریات و مطبوعات کے قانون کے مطابق ہے جس میں ادیان کی توہین پر مبنی کسی بھی قسم کے مضمون کی اشاعت ممنوع قرار دی گئی ہے.

المؤمنی نے اس کتاب کو شائع کرنے والے اشاعتی ادارے "دار الورد للنشر والتوزيع" کے خلاف بھی پٹیشن دائر کی ہے اور ان کے ادارے نے اردن میں اس کتاب کی اشاعت اور فروخت پر بھی پابندی لگادی ہے.

اب دیکھنا یہ ہے کہ المؤمنی نے اس کتاب کے کونسے حصے کو لائق گرفت قرار دیا ہے؟

دلچسپ امر یہ ہے کہ شیخ النیل نے اپنی کتاب میں بعض تاریخی حقائق پر سے پردہ اٹھایا ہے اور اہل سنت کی متعدد کتابوں کے عین مطابق صحیح بخاری اور صحیح مسلم پر علم حدیث کے حوالے سے تنقید کرتے ہو‏ئے مسلم اور بخاری کی عصمت کے حوالے سے بعض مورخین و محدثین کے اقوال کی تردید کی ہے.

یادرہے کہ وضع و جعل حدیث کے سلسلے میں اہل سنت کی متعدد کتابوں میں تاکید ہوئی ہے کہ صحیح مسلم اور صحیح بخاری میں بھی موضوعہ احادیث موجود ہیں.

اہل سنت کے نوجوانون کو شیعہ کتابوں سے دور کرنے کی پرانی روش سے استفادہ کرتے ہوئے مطبوعات و نشریات کے اردنی ادارے نے ادارہ اوقاف کے نام اپنی رپورٹ میں لکھا ہے: «یہ کتاب متعدد مغالطون کا مجموعہ ہے جس میں شریعت مطہرہ کی تضحیک ہوئی ہیں(!) چنانچہ سفارش کی جاتی ہے کہ اس کتاب کی اشاعت و فروخت کا اجازت نامہ منسوخ کیا جائے».

دریں اثناء اردن کے ادارہ اوقاف نے قبل از این اس کتاب کی اشاعت کی اجازت دے دی تھی.

قابل ذکر ہے کہ شیخ النیل ابوقرون سوڈان کے نئی شیعیان اہل بیت (ع) میں مشہورترین شخصیت گردانے جاتے ہیں جنہوں نے سوڈان میں «خلوة اہل البیت» نامی ادارہ قائم کیا ہے اور اس ادارے میں اہل بیت علیہم السلام کی ولادت و شہادت کے سلسلے میں محافل و مجالس کا انعقاد کیا جاتا ہے اور یہ ادارہ دریائے نیل کے مشرقی کنارے پر واقع ہے جس سے تعلیمات اہل بیت (ع) کی تدریس و تربیت کا استفادہ بھی کیا جاتا ہے.

یہ امر بھی قابل ذکر ہے کہ سنہ 2002 میں ایک متعصب ویب سائٹ نے لکھا تھا کہ شیخ النیل نے توبہ کرکے مذہب تشیع کو ترک کردیا ہے مگر اب ثابت ہورہا ہے کہ یہ پروپیگنڈا بے بنیاد تھا.

شیخ النیّل سابق سوڈانی صدر «جعفر نمیری» کے دور میں سوڈان کے شرعی قوانین کی تدوین کے عمل میں شریک رہے ہیں اور اس وقت تألیف و تبلیغ کے کام میں مصروف عمل ہیں.

بلاگ گروپ : كافی شريف كے مٶلف شيخ محمد بن يعقوب كلينی كی علمی خدمات كو خراج تحسين پيش كرنے كے لیے عالمی سيمينار میں لكھے گۓ مقالات كا خلاصہ انٹر نیٹ پر دے ديا گيا ہے ۔

{ بين الاقوامی قرآنی خبر رساں ايجنسی ﴿﴿ ايكنا ﴾﴾ } كی رپورٹ كے مطابق شيخ كلينی عالمی سيمينار كی سائیٹ كے انچارج ٫٫ مہدی خوش قلب ٬٬ نے كہا ہے كہ یہ سائیٹ چار زبانوں فارسی ، انگريزی ، عربی اور اردو پر مشتمل ہے اور اس میں ايسی خبریں ، مضامين اور مقالات موجود ہیں جو صاحب كتاب اصول كافی سے تعلق ركھتے ہیں ۔

اصول كافی شيعہ مكتب كی چار معتبر كتب احاديث میں سے ايك ہے انہوں نے كہا كہ اس بين الاقوامی سيمينار كے لیے مذكورہ چار زبانوں میں سے كسی ايك میں بھی مضامين ارسال كیے جا سكتے ہیں

{ بين الاقوامی قرآنی خبر رساں ايجنسی ﴿﴿ ايكنا ﴾﴾ } كے شعبہ قم كی رپورٹ كے مطابق اس نشست میں حجت الاسلام ٫٫ علی رضا پناھيان ٬٬ نے تبليغ كے متعلق گفتگو كرتے ہوۓ كہا كہ اسلام ، قرآنی اور دينی معارف كی طرف رجحان میں پوری دنيا میں اضافہ ہوا ہے ۔

انہوں نے مزيد كہا كہ مختلف مذاھب اسلام كو مٹانے كے در پے ہیں اور اس كی جگہ پر ايك اور اسلام دنيا كے سامنے پيش كيا ۔

انہوں نے وضاحت كی كہ طالبان كا اسلام اور تركی كا اسلام امريكہ كے لیے قابل قبول ہے كيونكہ یہ خالص اسلام نہیں ہیں ۔

جناب پناھيان نے كہا كہ وہابيت كی سرگرمياں بہت تيز ہو گئی ہے اور یہ معاشرے كے لیے بہت خطر ناك ہیں

{ايران كی بين الاقوامی قرآنی خبر رساں ايجنسی ﴿﴿ ايكنا ﴾﴾ } كے شعبہ قم كی رپورٹ كے مطابق آيت اللہ مكارم شيرازی نے اپنے فقہ كے درس خارج میں كہا كہ قرآن و سنت مختلف اسلامی مذاھب كے درميان روابط كا وسيلہ ہے اور مسلمانوں كو چاہیے كہ وہ قرآن اور سنت كی پيروی كرتے ہوۓ اپنی صفوں كے اندر اتحاد و وحدت كو مستحكم كریں اور دشمنوں كی سازشوں كو خاك میں ملا دیں ۔

آيت اللہ مكارم شيرازی نے قرآن مجيد كے ضعيف ترجموں كی اشاعت پر افسوس كا اظہار كرتے ہوۓ ان كی جمع آوری كی درخواست كی ۔ انہوں نے پيغمبر اسلام صلی اللہ علیہ و آلہ و سلم اور قرآن مجيد كی توھين كے حوالے سے گفتگو كرتے ہوۓ كہا كہ اس توھين سے دشمن كا مقصد مسلمانوں كی اعتقادی بنيادوں كو كمزور كرنا ہے انہوں نے مزيد كہا كہ كتاب آيات شيطانی كی اشاعت پر امام خمينی ﴿ رح ﴾ نے سخت مٶقف اختيار كيا تھا اور ان كی عميق نگاہوں نے یہ محسوس كر ليا تھا كہ یہ كسی ايك شخص كا كام نہیں اسی لیے انہوں نے اس بات پر بہت مناسب رد عمل ظاہر كيا تھا ۔

انہوں نے اس بات كا حوالہ ديتے ہوۓ كہا كہ يورپ كے ايك شخص نے كہا كہ تمام يورپی ممالك كو ڈنمارك جيسا كام كرنا چاہیے ، كہا كہ یہ بے حرمتی ايك شخص اور ايك اخبار كا كام نہیں ہے بلكہ ايك منظم سازش ہے ۔

آيت اللہ مكارم شيرازی نے كہا كہ وہ اسلام كے تيزی سے پھيلنے سے خوف زدہ ہو گۓ ہیں اور اس قسم كی جاھلانہ حركتوں پر اتر آۓ ہیں ان كو یہ معلوم ہونا چاہیے كہ وہ اسلام كا كچھ بھی نہیں بگاڑ سكتے اور وہ اس قسم كے اقدامات كر كے اپنے سماج میں آزادی بيان كو ثابت كرنا چاہتے ہیں ۔

آيت اللہ مكارم شيرازی نے اس بات پر زور ديا كہ پيغمبر اسلام صلی اللہ علیہ و آلہ و سلم كی توھين كا مسئلہ ايك سازش كے طور پر سامنے آيا ہے اور مسلمانوں كو چاہیے كہ وہ سب مل كر اس سازش كے خلاف اپنی نفرت كا اظہار كریں اور اسلامی ممالك كو بھی چاہیے كہ وہ ڈنمارك كے اس اقدام كے خلاف اپنی ذمہ داری ادا كرتے ہوۓ شديد رد عمل دكھائیں ۔

انہوں نے میڈيا كو خطاب كرتے ہوۓ كہا كہ وہ اس مسئلے كو اہميت دے اور اس مسئلے كو صحيح انداز میں پيش كرے ۔

آٓیت اللہ جعفر سبحانی نے اپنے خظاب میں فرمایا:ایک منظم سازش کے ساتھ اہل مغرب نے آنحضرت (ص)کی نعوذ باللہ توہین کا سلسلہ مرتد سلمان رشدی کی کتاب سے شروع کیا اور پھر اپنی اس ناپاک حرکت کو کارٹونوں اور اسلام کے خلاف فلموں کی صورت میں آگے بڑہایا۔

انہوں نے فرمایا :ان شاللہ اس شیطانی حرکت کا مقابلہ کرنے کے لیے تمام مسلمان پھر اسلام کی صفوں کو اپنے اتحاد سے منظم کریں گے  اور ایک آواز کے ساتھ اس کے خلاف قیام کرتے ہویے آنحضرت (ص) کی عظمت اور اپنے ایمان کو تحفظ دیں گے۔

آخر میں انہوں نے فرمایا :تمام مسلمانوں کے لیے ضروری ہے کہ ایک معیں دن بالخصوص آپ (ص) کی وفات کے دن مساجد میں اجتماع کریں اور اس قسم کی سازشوں کے خلاف اپنے عزم راسخ ا اظہار کریں،اپنے اتحاد اور نظم کے ساتھ پوری دنیا پر ثابت کریں کہ ہم اسلام ،قران اور آنحضرت (ص) کے دفاع کے لیےہر قسم کی قربانی دینے کے لیے تیار ہیں۔

حضرت آیت اللہ العظمی مکارم شیرازی کے پیغام کا متن:

بسم اللہ الرحمن الرحیم

اسلامی ممالک میں حکامِ جور کے خلاف وسیع تحریکوں میں جو چیز خاص طور پر نظر آتی ہے وہ ان کے بعض بڑے علماء کا موقف ہے۔
اطلاعات کے مطابق حجاز اور مصر کے بعض مفتیوں نے ان تحریکوں کو حرام قرار دیا ہے اور بعض نے تو ـ حیرت انگیز انداز سے ـ قیام کرنے والوں کو مفسدین فی الارض (روئے زمین پر فساد پھیلانے والے) قرار دیا ہے جبکہ ان سب کا قیام روئے زمین پر ظلم و فساد کے خلاف تھا۔
ان کے غلط موقف اور فتؤوں کی بنیاد وہ پرانا فتوی ہے جس کے مطابق "ہر ظالم یا غیر ظالم حکمران ـ چاہے وہ یزید یا چنگیز ہی کیوں نہ ہو ـ اولو الامر قرار دیا جاتا تھا"؛ ان حضرات کے یہ فتوے انہیں عالم اسلام سے دور کررہے ہیں اور نوجوان نسل کو ان سے متنفر کردیتے ہیں۔
اب وہ زمانہ آن پہنچا ہے کہ اس پرانے اور غلط فتوے پر نظر ثانی کریں اور ظالم حکمرانوں کو "اولوالامر" کے زمرے سے نکال باہر کریں اور ان کے خلاف قیام کو واجب قرار دیں اور ظالم حکمرانوں اور ان کے حامیوں کو مفسدین فی الارض (زمیں پر فساد پھیلانے والوں کے زمرے میں قرار دیں۔
قرآن مجید میں واضح طور پر فرمایا گیا ہے کہ اگر مسلمانوں کے دو گروہ آپس میں لڑ پڑیں تو امکان کی حد تک ان کے درمیان صلح کراؤ اور اگر ممکن نہ ہوا تو ظالم فریق کے خلاف لڑو حتی کہ وہ خدا کے حکم کے سامنے سر تسلیم خم کرے۔ (حجرات ـ آیت 9) تو کیا لیبیا، مصر اور بحرین کے حکام اس آیت میں ظالم فریق کے زمرے میں شامل نہیں ہیں؟۔
اہل سنت کی معروف کتاب "تاریخ طبری" میں ہے کہ پیغمبر خدا صلی اللہ علیہ و آلہ و سلم نے فرمایا: جو شخص ایسے ظالم و جابر حکمران کو دیکھے جس نے خدا کا حرام حلال قرار دیا ہے یا خدا کا عہد توڑدیا ہے یا خدا کے نبی (ص) کی سنت کی خلاف ورزی کا مرتکب ہوا ہے اور بندگان خدا پر ظلم و ستم روا رکھتا ہے، اور وہ اپنے قول و عمل سے اس کی مخالفت نہ کرے تو اللہ تعالی اس کو  روز آخرت اسی ظالم کے مقدر سے دوچار فرمائے گا۔ (تاریخ طبرى، ج 4، ص 304)
ظالم حکمرانوں کے خلاف عوامی قیام کی مذمت کرنے والے مفتی جلد از جلد اس پرانے اور غلط فتوے پر اور اپنے فتووں اور اپنے موقف پر نظر ثانی کریں اور مسلمانوں کی صفوں میں شامل ہوجائیں اور ان تحریکوں کا باگ ڈور سنبھالیں تا کہ اسلام دشمن قوتیں ان انقلابات کو اپنے فائدے میں ہائی جیک نہ کرسکیں کیونکہ اگر دشمنان اسلام ان تحریکوں اور انقلابات کو ہائی جیک کرلیں تو یہ ایک نئی اور بہت بڑی مصیبت ہوگی۔

شبستان اخبار ایجنسی کی رپورٹ کے مطابق:مجتمع فرھنگی بلال کے سربراہ اور مشہور خطیب حجت الاسلام  ادیب یزدی ،امام زمانہ عجل اللہ فرجہ الشریف کی آغاز امامت کی مناسبت سے تبریز میں منعقد پروگرام میں خطاب کے دوران فرماتے ہیں:غیبت کے زمانہ میں شیعہ الہی امتحان میں ہیں اور ہم سب مل کر حضرت کے ظہور کے اسباب فرایم کریں۔

انہوں نے امام مھدی (ع) کو الہی غیرت کا مظہر بتایا اور کہا :حضرت (عج) شیعوں سے کویی گناہ نہیں دیکھنا چاہتے ۔اسی لیے ان کے ظہور کے لیے عاجزی سے دعا کرنی چاہیے۔

جناب ادیب یزدی نے معصوم (ع) کی حدیث کی طرف اشارہ کرتے ہویے کہا :سب سے ناتواں شخص وہ ہے کہ جو دعا کرنے سے بھی عاجز ہو۔لہذا دعا باعث بنتی ہے کہ شیعہ حضرت حجت (عج) کے ظہور کی تعجیل کے لیے تیار ہوں۔

انہوں نے واضح کیا کہ:سب جان لیں کہ امام زمان (ع) کی حکومت وہی امام علی (ع) کی حکومت عدل ہوگی اب یہ دیکھنا چاہیے کہ ہم عدالت علی علیہ السلام کو تحمل کرنے کا ظرف رکھتے ہیں۔

ادیب یزدی نیز واضح کرتے ہیں کہ :آج امام (ع) کی غیبت کو گیارہ سوسال گذر گیے ہیںاب یہ دیکھنا ہے کہ اس طولانی مدت میں شیعوں نے اپنی ذمہ داریاں کیسے نبھایی ہیں۔

انہوں نے حضرت کی سلامتی کے لیے صدقہ دینا ،فقراء کی مدد ،رشتہ داروں سے صلہ رحمی اور ہمسایوں کے حقوق کی رعایت کو شیعوں کے وظایف میں سے بتایا اور کہا کہ کویی گھر بھی امام قایم (ع) کی یاد سے خالی نہیں ہونا چاہیے ۔

شیراز یونیورسٹی کے پروفیسراور مفسر نہج البلاغہ"محمد مہدی جعفری"امام حسین علیہ السلام کے ایام سوگوری کی منابست سے منعقد کیے گیے سیمینار"اربعین تک چالیس منزل عاشوراتحقیق"کی آخری نشست میں اپنے خطاب میں فرماتے ہیں:۔ ۔ ۔ امام حسین علیہ السلام کے روضہ مبارک کے گنبد پر سرخ پرچم بتارہا ہے کہ ابھی حق وباطل کی جنگ ختم نہیں ہویی،یہ پرچم حق کی حمایت میں لہرارہا ہےتاکہ ہمارا اصلی صاحب آیے اور قبیلہ باطل سے امام حسین علیہ السلام کے خون مبارک کا انتقام لے،اس وقت یہ پرچم سبز ہوگا۔۔۔۔۔ ۔۔ ۔۔

ممتاز شاعر ابو ترابی کہتے ہیں:ہم ماہ رمضان میں ایک ماہ روزہ رکھنے کے بعد جب عید فطر تک پہنچتے ہیں تو ایک اندرونی لذت اور نشاط کا احساس کرتے ہیں لیکن نوروز میں ہم اس باطنی شادابی سے غفلت کرتے ہوے صرف ظاہری بھار کی خوشیوں پر اکتفاء کرتے ہیں۔

۔یہ شاعر یاد دلاتے ہیں :کیا بہتر تھا کہ جیسے مذھبی اعیاد میں ہمارے اندر سرور کا انقلاب پیدا ہوتا ہے اس اہم دن بھی ہم معنوی شادمانی کو سمیٹتے

آخر میں کہتے ہیں:نوع انسانی کی سب سے بڑی عید حضرت حجت(عج) کا ظہور ہے،ہم اس عظیم دن کے منتظر ہیں کہ جو اپنی جگہ بے نظیر وبے مثل ہے۔وہ دن کہ جس کی ہمیں بشارت دی گی ہے ،ایک دن حضرت آجا ییں گے پھر مظلوم تھکی ہویی بشریت کو عدالت کی نوید ملے گی پھر سرد و تاریک دور ختم ہو جاییگا اور ہم مدینہ فاضلہ میں قدم رکھیں گے

قائد انقلاب اسلامی کے دفتر کی جانب سے امام زمان (عج) کی معرفت کے عنوان سے ایک خصوصی پروگرام کا انعقاد کیا جا رہا ہے

اس پروگرام کے اہم مراحل لیکچرز ،سوال و جواب کی نشستیں ،کتب کا مطالعہ اور علمی مقابلے وغیرہ ہیں،نیز مختلف موضوعات مثلا انتظار ، امام مہدی (ع) کی حکومت ،تاریخ کا اختتام ،امام سے ملاقات ،زمانہ ظہور اور انحرفات وغیرہ پر اسلامی ماہرین کے خطابات ہونگے

خبر رساں ایجنسی ''مھدویت'' کی رپورٹ کے مطابق: پیغمبر اکرم (ص) اور امام صادق(ع) کی ولادت با سعادت اور امام زمان (عج) کی امامت کی سالگرہ کی مناسبت سے  ''مہدیہ تہران '' میں ایک عظیم الشان جشن کا انعقاد کیا گیا ہے ۔

بين الاقوامی قرآنی خبررساں ايجنسی ايكنا نے خبررساں ادارے راصد كے حوالے سے نقل كيا ہے كہ سعودی عرب كی طرف سے سيكورٹی كے سخت اقدامات كے باوجود ہزاروں شيعہ مظاہرين سڑكوں پر نكل آئے اور سعودی حكومت كے خلاف شديد نعرے بازی كی ہے۔

سعودی سيكورٹی فورسز نے ۱۹ افراد كو گرفتار كر ليا ہے۔ سعودی عرب كے صوبہ الاحساء كے شہر "الھفوف" كے مسجد كے سامنے سے شروع ہوا مظاہرين نے سعودی حكومت كے خلاف شديد نعرہ بازی كی اور اپنے قيديوں كی رہائی كا مطالبہ كيا۔

پرامن مظاہرين پر پوليس نے تشدد كيا اور ۱۹ افراد كو گرفتار كر ليا جس میں نامور شيعہ عالم دين "شيخ علی الوائل" بھی شامل ہیں۔

واضح رہے كہ سعودی عرب كےدوسرے شيعہ نشين علاقوں میں بھی مظاہروں كی اطلاع موصول ہوئی ہے۔

761871

مہدویت انسٹیٹیوٹ کی طرف سے عنقریب  پاکستانی اور ہندی طلباء (سطح ۳و۴ ) کیےلیے ایک خصوصی یکسالہ دورہ شروع کیا جا رہا ہے اس دورہ کے بارے میں مزید اطلاع بعد میں دی جایے گی۔

حوزہ اور یونیورسٹی کے محقق استاد ڈاکٹر سید رضی موسوی گیلانی مدرسہ عالی دارالشفاء قم میں منعقد ہونے والے  سیمینار  عاشورا و انتظار سے خطاب  میں عاشورا اور غیبت میں منطقی ربط کی طرف اشارہ کرتے ہوے فرماتے ہیں: بعثت پیغمبر (ص)،غدیر ،عشورا،غیبت اور ایک عالمی حکومت کا قیام تاریخ اسلام کی پانچ اہم کڑیاں ہیں۔عاشورا در اصل غدیر کو تحریف کرنے کا منطقی نتیجہ ہے اور عاشورا کے بعد آیمہ معصومین علیہم السلام کا تقیہ اس بہت سے ظلم کا نتیجہ ہے کہ جو ان کے حق میں روا رکھا گیا کہ جس کا نتیجہ غیبت کی صورت میں نکلا

ڈاکٹر موسوی اس مطلب کہ عاشورا کی روایت اور عقیدہ مہدویت تاریخ میں ہمیشہ زندہ رہے کی طرف اشارہ کرتے ہوے فرماتے ہیں کہ: امام مہدی (عج) کا ظہور در اصل عاشورا میں امام حسین (ع) کا عین پیام ہے کہ جو انبیاء اور اماموں کے پیام کو کمال کی بلندیوں کی طرف لیجایے گا

انہوں نے اس مطلب  کہ پوری تاریخ میں عاشورا کی اساس پر ایک ثقافت نے جنم لیا لیکن اس ثقافت و کلچر اور مہدویت میں ایک نوع جدایی موجود رہی کی طرف اشاہ کرتے ہویے فرمایا: افسوس ہے کہ گذشتہ چند عشروں میں مہدویت کی اساس پر مبنی ثقافت و تہذیب کو وجود میں لانے کے لیے ضروری سعی و کاوش نہیں کی گی۔ ۔ ۔ ۔

حوذہ علمیہ قم کے ممتا ز دانشور عالم آیت اللہ  استادی سیمینار سے اپنے خطاب میں فرماتے ہیں: امام حسین علیہم السلام کے بعد تمام معصوم اماموں کا ہمیشہ سے یہ ہدف تھا کہ عاشورا اور شہادت کی اس روایت کو ہمیشہ زندہ رکھا جایے اور توجہ رکھی جایے کہ یہ عظیم واقعہ کبھی بھی فراموش نہ ہو

انہوں نے عاشورا اور انتظار کے درمیان نہ ٹوٹنے والے ربط کی طرف اشارہ کرتے ہویے فرمایا:آج عاشورا اور محرم کی برکت سے انتظار کی روایت اور کلچر پوری دنیا میں پھیل گیا ہےاور دنیا کے لوگ نجات دھندہ بشریت کے منتظر ہیں، انہوں نے اپنے خطاب میں امام زمانہ کے ظہور اور اس الہی وعدہ کے تحقق کے اسباب فراہم کرنے پر زور دیا اور فرمایا:یہ الہی وعدہ اس وقت پورا ہوگا کہ جب عاشورا کی روایت انتظار کے کلچر سے مخلوط ہو گی

آیت‏اللہ العظمی صافی گلپایگانی نے "امام موعود (ع) کے ساتھ بیعت" کے عنوان سے منعقدہ سمینار ایک پیغام میں ظلم و استکبار سے انسان کے دوران آزادی، عصر نجات و خلاص کے منتظرین کو ہدایت کی ہے کہ وہ نو ربیع الاول کو نہایت عقیدت و احترام سے منائیں۔

اہل البیت (ع) نیوز ایجنسی ـ ابنا ـ کی رپورٹ کے مطابق آیت اللہ العظمی صافی گلپائگانی نے نو ربیع الاول اور آغاز امامت امام عصر (عج) کے مبارک موقع پر "بیعت با امام موعود (عج)" کے عنوان سے منعقده سمینار کے نام اپنے پیغام میں ظلم و استکبار سے انسان کے دوران آزادی، عصر نجات و خلاص کے منتظرین کو ہدایت کی ہے کہ نو ربیع الاول کو نہایت عقیدت و احترام سے منائیں۔

انهوں نے کہا ہے: عظیم اور مقدس ایام اللہ میں ایک ربیع الموعود کی نویں تاریخ ہے؛ یہ مقدس اور مبارک دن حضرت ولی اللہ الاعظم، امام مبین، حصن حصین بقیۃ اللہ فی الارضین، موعودالانبیاء و المرسلین کی ولایت کے آغاز کا دن ہے۔

ظلم و استکبار اور استضعاف سے رہائی اور نجات و خلاص کے منتظرین پر لازم ہے کہ اس روز کو عقیدت و احترام کے ساتھ منائیں اور اس کی تعظیم کو اپنے لئے فخر و اعزاز سمجھیں؛ حقیقت یہ ہے کہ اس روز سے ہجری تاریخ کے اندر اب "عصر مہدوی" کا آغاز ہوتا ہے۔

آیت اللہ العظمی صافی گلپائگانی نے کہا ہے کہ: کریمۂ اہل بیت حضرت فاطمہ معصومہ (علیہا السلام) کے آستانۂ عزت و عصمت و عظمت میں امام موعود (عج) کی بیعت کے عنوان سے منعقده سمینار نہایت شائستہ اور مناسب اقدام ہے جو اہل تشیع کو تولّی اور تبرّی کے اصولوں، ولایت کے ساتھ تجدید عهد اور عالم امکان کے قطب یگانہ اور خدائے عز و جل اور  ـ آدم (ع) سے خاتم (ص) تک ـ انبیاء علیہم السلام کے موعود کی بیعت کی طرف بلاتا ہے۔ یہ سمینار شعائر الہیہ کی تعظیم کی واضح مثال ہے جو کلمۃاللہ کی سربلندی اور مکتب اہل بیت علیہم السلام کی نورانی تعلیمات و معارف کے فروغ اور امام عصر (عج) کے ظہور موفور السرور کو ان تعلیمات و معارف کی حیات بخش اور حرکت انگیز پیغامات پہنچانے کا سبب بنتا ہے۔

ابنا ـ کی رپورٹ کے مطابق "أحمد بن سعد بن حمدان الحمدان الغامدی" نے علماء الازہر کے نام اپنے پیغام میں ـ جو کل "سبق" نامی الیکٹرانک جریدے میں شائع ہوا ـ دعوی کیا ہے کہ اثنی عشری شیعہ قرآن و سنت کے ساتھ ساتھ 12 دیگر منابع سے بھی اپنے عقائد اخذ کرتے ہیں اور یہ امر دین خدا کی خلاف ورزی ہے۔
وہابی مفتی نے سوال اٹھایا ہے کہ: "علمائے الازہر قرآن اور سنت نبوی کے ساتھ ساتھ ان بارہ منابع و مأخذ کو کیونکر تسلیم کرسکتے ہیں؟
وہابی مفتی نے عالم اسلام میں اتحاد و یکجہتی کی کوششوں اور دارالتقریب کی تأسیس کو دھوکہ اور فریب (!) قرار دیا ہے اور کہا ہے کہ اگر مذہب شیعہ کو دیگر فقہی مذاہب کی مانند باضابطہ طور پر تسلیم کیا جانا ہے تو اہل تشیع کو قرآن اور سنت ہی کو اپنے عقائد کا منبع قرار دینا پڑے گا!.
واضح رہے کہ تشیع کے عقائد و احکام کے منابع قرآن اور سنت ہی ہیں، اور بارہ منابع کا دعوی نہایت بے بنیاد اور جھوٹا اور من گھڑت ہے۔ اگر اس وہابی مفتی کا اشارہ 12 اماموں کی طرف ہے تو وہ نہ تو حلال محمد (ص) کو حرام کرتے ہیں اور نہ ہی حرام محمد (ص) کو حلال کرتے ہیں بلکہ رسول اللہ (ص) کے احادیث ہی نقل کرتے ہیں، وہ تشریع نہیں کرتے بلکہ تشریح کرتے ہیں اور ان کی ذمہ داری بیان و نفاذ احکام ہے اور اگر اس وہابی الزام کو درست قرار دیا جائے تو اہل سنت کے تمام محدثین کو بھی الگ الگ منبع قرار دیا جاسکے گا اور یوں وہاں بھی قرآن و سنت ہی منابع حقیقی نہیں ہونگے بلکہ منابع کی تعداد میں اضافہ ہوگا۔
حضرت امام صادق علیہ السلام فرماتے ہیں:
حدیثی حدیث ابی (ع) و حدیث ابی (ع) حدیث جدی (ع) و حدیث جدی (ع) حدیث الحسین (ع) و حدیث الحسین (ع) حدیث الحسن (ع) و حدیث الحسن (ع) حدیث امیر المومنین (ع) و حدیث امیر المومنین (ع) حدیث رسول اللّٰہ (ص) و حدیث رسول اللّٰہ (ص) قول اللّٰہ عز و جل“ (جامع احادیث الشیعۃ، ج۱ ص 127)
حضرت امام جعفر صادق علیہ السلام ارشاد فرماتے ہیں : میری حدیث میرے والد کی حدیث ہے اور ان کی حدیث میرے دادا علی بن الحسین (ع) کی حدیث ہے اور ان کی حدیث حسین ابن علی (ع) کی حدیث ہے اور حسین ابن علی (ع) کی حدیث حسن ابن علی (ع) کی حدیث ہے اور حسن ابن علی (ع) کی حدیث امام علی علیہ السلام کی حدیث ہے اور حضرت علی (ع) کی حدیث،کلام رسول خدا (ص) ہے اور رسول خدا (ص) کا کلام، کلام الٰہی ہے۔
شاید مسلمانوں کے درمیان وحدت کی کوششوں سے اسرائیل اور امریکہ کو بھی اس وہابی مفتی جتنی تکلیف نہ ہوتی ہو جو دین کو صرف وہابیت کے دائرے میں محدود کردیتے ہیں اور دین کے خودساختہ ٹھیکیدار بنے ہوئے ہیں جبکہ قرآن میں وحدت مسلمین کو واجب قرار دیا گیا ہے اور عصری تقاضوں کو مد نظر رکھ کر تفرقہ کی جانب قدم بڑھانا کفر کی خدمت ہے اور یہ وہابی مفتی صاحبان وحدت و تقریب کو دھوکہ اور فریب قرار دیتے ہیں!!!.
اب سوال یہ ہے کہ ہم اہل بیت سے اپنا دین، اپنی احکام اور اپنی شریعت کیوں لیتے ہیں؟ کیا یہ تشیع کے لئے طعنہ ہے یا اعزاز و افتخار؟
اس متواتر حدیث کی طرف توجہ فرمائیں:
قال رسول الله صلی الله علیه و آله و سلم "انی تارک فیکم الثقلین کتاب الله وعترتی ما ان تمسکتم بهما لن تضلوا بعدی: کتاب الله فیه‏الهدی والنور حبل ممدود من السماء الی الارض وعترتی اهل بیتی وان اللطیف الخبیر قد اخبرنی‏انهما لن یفترقا حتی یردا علی الحوض وانظروا کیف تخلفونی فیهما".
ترجمہ: میں تمہارے درمیان دو عمدہ اور گرانقدر چیزی چھوڑے جارہا ہوں ایک کتاب اللہ ہے اور دوسری میری عترت یعنی میری اہل بیت، میرے بعد جب تک تم ان دو کا دامن تھامے رہوگے ہرگز گمراہی میں مبتلا نہ ہوسکو گے: کتاب اللہ میں ہدایت اور نور ہے اور یہ آسمان سے زمین کی طرف کھنچی ہوئی رسی ہے اور میری اہل بیت میرے اہل خاندان ہیں اور خدائے لطیف و خبیر نے مجھے خبر دی ہے کہ میری یہ دو یادگاریں ایک دوسرے سے ہرگز جدا ہونے والی نہیں ہیں حتی کہ حوض کوثر کے کنارے مجھ پر وارد ہوجائیں۔ اب تم خود خیال رکھو اور "دیکھو کہ ان دو امانتوں میں تم میرے امتی ہونے کا حق کیونکر ادا کرتے ہو؟
منابع و مآخذ حدیث:
مستدرک حاکم، ج ۳، ص ۱۲۴ ـ صواعق المحرقہ، ابن حجر، فصل ۹، بخش ۲، ص ۱۹۱، ۱۹۴ ـ تاریخ الخلفا، جلال الدین سیوطی، ص ۱۷۳ ـ صحیح بخاری، باب کتابہ العلم من کتاب العلم، ۱/ ۲۲ و مسند احمد حنبل، تحقیق احمد محمد شاکر، حدیث ۲۹۹۲ و طبقات ابن سعد، ۲/ ۲۴۴، چاپ بیروت.

اہل البیت (ع) نیوز ایجنسی – ابنا – کی رپورٹ کے مطابق لبنان کے وزیر ترقیات «ابراہيم شمس‏الدين» نے مصر کے دورے سے واپسی پر ذرائع ابلاغ کے نمائندوں سے بات چیت کرتے ہوئے کہا ہے کہ شیعہ مذہب جماعتی یا فرقہ وارانہ رجحان کا نام نہیں بلکہ اس کی بنیاد اسلام کامل ہے.

انہون نے بعض ممالک میں اہل تشیع کے خلاف لگنے والے الزامات پر حیرت و تعجب کا اظہار کرتے ہوئے کہا ہے کہ اسلامی ممالک میں تشیع کی ترویج کے سلسلے میں حزب اللہ پر لگنے والے الزامات بےجا، بےبنیاد اور مردود ہیں.

شمس‏الدین نے کہا ہے کہ یہ الزامات در حقیقت ان تمام مسلمانوں کے خلاف تہمت و افتراء کے زمرے میں آتے ہیں جو دینی احکام و تعلیمات کو 5 مذہبی مکاتب سے اخذ کررہے ہیں.

انہوں نے کہا کہ اس وقت مسلمانوں کے لئے اتحاد کی ضرورت ہے اور اتحاد و یکجہتی صرف اس صورت میں ممکن ہے جب اختلافات سے پرہیز کیا جائے اور اس قسم کے فتنہ انگیز الزامات کا سلسلہ بند کیا جائے.

یادرہے کہ مصری سرکار نے حال ہے میں صہیونی ریاست کی خدمت کی تکمیل کے سلسلے میں حزب اللہ پر مصر کے اندر عدم استحکام پیدا کرنے جیسے بےبنیاد الزامات لگانا شروع کردیئے ہیں جبکہ عالم عرب کی سیاسی اور مذہبی شخصیات سمیت حزب اللہ کے راہنماؤں نے بھی ان الزامات کی سختی سے تر دید کی ہے.

سعودی عرب کے سنی قانوندان اور عالم دین شيخ «مخلف بن دہام الشمری»، نے وہابیوں کی جانب سے اہل تشیع کی خلاف توہین آمیز اقدامات کی مذمت کرتے ہوئے کہا کہ سعودی عرب کے شیعہ شہریوں پر دباؤ بڑھانے کا نتیجہ معکوس نکلے گا اور اس سے سعودی عرب کی قومی یکجہتی پر منفی اثرات مرتب ہونگے.

انہوں نے شیعہ آبادی کے خلاف وہابی گروہوں کے انتہاپسندانہ اقدامات، توہین و جارحیت، مساجد میں اور ویب سائٹوں پراہل تشیع کے خلاف سب و لعن جیسے اقدامات کی مذمت کرتے ہوئے سعودی حکمرانوں سے مطالبہ کیا کہ تکفیری گروہوں کی سرکوبی کے لئے اقدام کریں اورانہیں یہ اقدامات جاری رکھنے سے روک دیں.

انہوں نے حکومت سے مطالبہ کیا کہ مذہبی فتنہ بھڑکانے اور دیگر مذاہب کے پیروکاروں کی توہین و بے حرمتی کرنے والے افراد کو سزا دینے کے لئے قانون سازی کرے.

یہ امر قابل ذکر ہے کہ گذشتہ جمعرات کو مدینہ منورہ میں سینکڑوں وہابی انتہاپسندوں نے اہل تشیع کے محلے القباء پر حملہ کرکے مکانات، دکانوں اور گاڑیوں کو نقصان پہنچایا، اور تین افراد کو زخمی کردیا. وہ عام شہریوں کو اہل تشیع کے خلاف جہاد پر اکسانے کے لئے اشتعال انگیز نعرے لگارہے تھے.

بين الاقوامی قرآنی خبررساں ايجنسی "ايكنا" نے " محيط" سائٹ كے حوالے سے رپورٹ دی ہے كہ " مائيكل ہارٹ نے كہا ہے كہ حضرت محمد (ص) نے اپنے پيغام كے ذريعے دنيا كے سب سے بڑے دين كو پھيلايا ہے جس نے ۱۳ سو سال گزر جانے كے بعد بھی مختلف معاشروں میں اپنے اثر كو باقی ركھا ہے۔ امريكی رائٹر كہتا ہے كہ حضرت محمد (ص) نے حضرت مسيح (ع) كی طرح انسانی سماج پر بڑے حيرت انگيزاثرات مرتب كیے ہیں۔ ليكن حضرت مسيح (ع) اور حضرت محمد (ص) میں فرق یہ ہے كہ حضرت محمد (ص)فقط دينی رہنما نہیں بلكہ دنياوی رہنما بھی تھے۔ وہ كہتا ہے كہ حضرت محمد (ص) وہ واحد شخصيت ہیں جن كا نام ہميشہ زندہ رہے گا اور وہ اس خاصيت كی بدولت تاريخ بشريت میں بے نظير ہیں۔ مائيكل ہارٹ نے قرآن مجيد سے استفادہ كرتے ہوئے گرانقدر تحقيقات تحريركیں ہیں۔ انھوں نے امريكہ كی پرنسٹن يونيورسٹی سے علم نجوم میں ڈاكٹریٹ بھی كيا ہے اور امريكہ كے علم نجوم كے مراكز میں ان كا شمار علم نجوم كے ماہرين میں كيا جاتا ہے۔

مصركے مفتی علی جمعہ نے اسرائيلی جارحيت كے حوالے سے كہا ہے كہ اسرائيل نے مقبوضہ فلسطين میں نيا ہولو كاسٹ برپا كر ديا ہے۔ جس سے تاريخ بشريت میں ايك نئے تاريك موڑ كا اضافہ ہو گيا ہے اور

اسرائيل كے جرائم نازيوں كے جرائم سے كہیں زيادہ سنگين ہیں۔

  سعودی اخبار "عكاظ" نے لكھا ہے كہ مفتی مصرعلی جمعہ نے سعودی عرب میں موجود فلسطينی زخميوں كی تيمارداری كی اور كہا: اسرائيل نے انسانيت كے خلاف وحشی ترين جارحيت كا ارتكاب كرتےہوئےفلسطينی عوام كا قتل عام كيا ہے۔ انھوں نے كہا كہ اسرائيل ايسے جرائم كا ارتكاب كر رہا ہےجس كا تاريخ كےظالم ترين افراد نے بھی ارتكاب نہیں كيا ۔ دوسری طرف سے الازہر يونيورسٹی كے ۱۲ ہزار اراكين نے اپنی ايك دن كی تنخواہ غزہ كے مظلوموں كو دينے كا اعلان كيا ہے ۔ الازہر يونيورسٹی كے فارغ التحصيل طلباء نے ايك عالمی كانفرنس كا انعقاد كر كے اسلامی ، عربی اور عالمی اداروں سے اپيل كی ہے كہ غزہ میں اسرائيلی جارحيت كو فوراً بند كروائیں۔ كانفرنس كے اختتام پر شركاء نے قاہرہ میں ايك بہت بڑا مظاہرہ بھی كيا جس میں اسرائيل كے خلاف سخت نعرہ بازی كی گئی اور فوری جنگ بندی كا مطالبہ دہرايا گيا۔

رہبر معظم انقلاب اسلامی  حضرت آیۃ اللہ خامنہ ای نے، " جھاد اسلامی فلسطین " کے جنرل سیکریٹری جناب ڈاکٹر رمضان عبد اللہ  اور ان کے  ہمراہ آئے ہوئے وفد سے ملاقات میں اس بات کی یاد دہانی کی کہ : فلسطین ، مستکبران عالم پر مستضعفین کے غلبے اور کامیابی کے خدائی ارادے و مشیّت کو جامہ عمل پہنانے کے میدان میں تبدیل ہو چکا ہے۔

رہبر معظم انقلاب اسلامی  نے گزشتہ تیس برس سے لے کر آج تک ، فلسطین اور غاصب صیہونی حکومت کے حالات کا موازنہ کرتے ہوئے فرمایا : فلسطین ،عصر حاضر میں زندگی ، عزم و ارادے ، ایمان ،جہاد اور عزت کا مظہر ہے۔ اور فلسطینی عوام نے ہر قدم پر اس بات کا مظاہرہ کیا ہے کہ وہ صیہونیوں سے معنوی اور روحانی اعتبار سے کہیں زیادہ قوی ہیں ۔ یہی وجہ ہے کہ اسرائیلی فوج اپنی فوجی برتری کے باوجود فلسطینی عوام کے ایمان و ارادے کی طاقت پر غلبہ نہیں حاصل کر سکی اور شکست اس کا مقدّر بنی ۔

رہبر انقلاب اسلامی نے "غزّہ " پر تسلط اور قبضے کے حصول میں صیہونی حکومت کی ناکامی کو " معجز نما " بتاتے ہوئے فرمایا : غاصب صیہونی حکومت ، اپنے تمام مادی اور سیاسی وسائل کو بروئے کار لانے اور تقریبا دوسال تک " غزّہ " کا محاصرہ کرنے کے باوجود ، فلسطینی عوام کی تحریک مزاحمت کو توڑنے میں کامیاب نہیں ہو سکی ۔ اس سلسلے میں رہبر معظم نے مزید فرمایا : مشیت الٰہی یہ ہے کہ وہ اس خطے سے ظلم و ستم کا خاتمہ کر کے دنیا کی استکباری طاقتوں کو ذلت و رسوائی کی دھول چٹائے ۔

رہبر معظم انقلاب اسلامی نے ، جہاد و سیاست کے میدان میں " جہاد اسلامی فلسطین " کے نمایاں کردار کو سراہتے ہوئے فرمایا : میں فلسطین کے مستقبل کے تئیں بہت خوش بین ہوں اور مجھے اس بات کا یقین ہے کہ غاصب صیہونی حکومت بہت تیزی کے ساتھ اپنے زوال کی طرف گامزن ہے ۔ اور انشاء اللہ اس کی نابودی یقینی ہے۔

ابنا ـ کی رپورٹ کے مطابق ڈاکٹر کمال الہلباوی نے العالم چینل سے براہ راست نشر ہونے والی بات چیت میں کہا: ہم سید حسن نصر اللہ کا شکریہ ادا کرتے ہیں جنہوں نے مصری عوام کے انقلاب کی حمایت کی اور اس طرح اسلامی جمہوریہ ایران کے بعد لبنان کے اہم راہنما کی حمایت کے ساتھ ہی انقلاب مصر کی حمایت میں عالمی سطح پر اضافہ ہوا ہے۔

 الہلباوی کی بات چیت کے اہم نکات درج ذیل ہیں:
ـ حسنی مبارک کو اسرائیل جانا چاہئے کیونکہ وہ اسرائیل کا نوکر ہے اور اس کا مقدر بھی یہی ہے کہ وہیں چلا جائے۔
ـ امریکہ حیرت کے دوراہے پر کھڑا ہے اور یہ تشخیص دینے سے عاجز ہے کہ اسے کرنا کیا چاہئے۔
ـ امریکہ آزادی، خودمختاری، جمہوریت اور اسلام کا خواہاں نہیں ہے اور انہیں سعودی بادشاہ عبداللہ کی نصیحتوں کی بھی ضرورت نہیں ہے بلکہ امریکی وہی کرتے ہیں جو خود اپنے لئے بہتر سمجھتے ہیں۔

سعودی بادشاہ کی طرف سے انقلاب مصر کی مخالفت اور حسنی مبارک کی حمایت اور امریکہ سے رجوع کرکے مصر کے انقلاب کا راسته روکنے کے لئے شاہ عبداللہ کی درخواستوں اور سعودی مفتیوں کی طرف سے انقلاب مصر کو حرام قرار دیئس جانے پر اپنا رد عمل ظاہر کرتس ہوئے اخوان المسملین کے بزرگ راہنما نے کہا:
- سعودی بادشاہ عبداللہ اور سعودی مفتی اہل سنت کے پیروکار نہیں ہیں کیونکہ اگر وہ سنی ہوتے تو  نبی اکرم (ص) کی سنت پر عمل کرتے۔
ـ قرآن مجید اور سنت پیغمبر (ص) کا حکم ہے کہ فحشاء اور منکرات کے خلاف لڑو جبکہ شاہ عبداللہ فحشاء کو فروغ دے رہے ہیں۔
ـ اگر کوئی بیرونی قوت مصر میں مداخلت کررہی ہے تو وہ صہیونی ریاست ہے جس نے گیس پائپ لائن میں دھماکہ کیا تا کہ مصر کی انقلابی قوتوں پر تخریبکاری کا الزام لگایا جاسکے۔
ـ ہم حکومت ایران پر فخر کرتے ہیں؛ ہم ایسی حکومت پر فخر کرتے ہیں جس نے سائنس اور ٹیکنالوجی اور دیگر شعبوں میں بے پناہ ترقی کی ہے اور مغربی قوتوں کی آنکھوں میں آنکھیں ڈال کر کھڑا ہے۔
ڈاکٹر الہلباوی نے اس سے قبل بی بی سی ٹی وی کو انٹرویو دیتے ہوئے کہا تھا کہ:
ـ ہم امام سید الخامنہ ای کی جانب سے انقلاب مصر کی حمایت کا شکریہ ادا کرتے ہیں اور اگر ہمارے ملک میں آزادی ہوتی تو ہم بھی انتخابات منعقد کرکے ڈاکٹر احمدی نژاد جیسا محبوب و ہردلعزیز اور بہادر صدر منتخب کرتے۔

مومنین کرام اگر آپ امام زمانہ(عج) کے موضوع پر مقالہ یا مضمون لکھنا چاہتے ہوں تو سایٹ کی طرف سے استقبال کیا جایے گا اور سایٹ کے مقالہ جات والے حصہ میں شایع کیا جایے گا. اس حوالے سے آپ اپنی فایل اس ای میل پر ارسال کرسکتے ہیں:saifi512@yahoo.com   

ابنا ـ کی رپورٹ کے مطابق صدرجناب احمدی نژاد نے کہاکہ کامیابی قریب ہے اورہم جتنا آگے کی سمت بڑھتے جائيں گے تسلط پسندانہ نظام کا زوال اتنی ہی تیزی سے انجام پائے گا انھوں نے کہاکہ آزاد وخودمختار اقوام اپنی کامیابی کی سمت آگے بڑھ رہی ہیں ۔

اس ملاقات میں حزب اللہ لبنان کے سکریٹری جنرل سید حسن نصراللہ نے بھی کہاکہ ہم پوری دقت کے ساتھ علاقے کی صورت حال پرنظررکھے ہوئے ہيں ۔ انھوں نے کہاکہ ہم صہیونی حکومت کے ہرطرح کے حملے کا سامنا اوردفاع کرنے کوتیارہيں انھوں نے کہاکہ صہیونی حکومت کی طرف سے جارحیت کی صورت میں اس کا منہ توڑجواب دیا جائے گا اسلامی جمہوریہ ایران کے صدرڈاکٹراحمدی نژاد نے حماس کے سیاسی دفتر کے سربراہ خالد مشعل سے بھی ملاقات میں کہاکہ حتمی کامیابی استقامت کی ہوگی جبکہ شکست دشمن کامقدر ہے۔

صدرمملکت ڈاکٹراحمدی نژاد نےدمشق میں تحریک حماس کے سیاسی شعبے کے سربراہ خالد مشعل سمیت فلسطینی تنظیموں کے مختلف رہنماؤں سےملاقات میں کہاکہ تسلط پسندانہ نظام سقوط کے دہانے پر پہنچ چکاہے اوراس کی حالت، نزاع کے عالم میں ہاتھ پیرمارنےوالوں جیسی ہے۔صدرمملکت ڈاکٹر احمدی نژاد کہاکہ نےاس کےباوجود صیہونیوں کی جانب سے اپنے وجود کوبچانے کےلئے مہم جوئی جاری ہے ۔ صدرڈاکٹر احمدی نژاد نے کہاکہ ملت ایران علاقے کی استقامت کےساتھ ہے اوراگرصیہونی اپنی غلطی دہرائیں گے تو انھیں پوری طرح تہس نہس کردیاجائے گا۔

آیت‏اللہ ہاشمی رفسنجانی نے چوتھی خبرگانِ قیادت اسمبلی کے ساتویں اجلاس سے خطاب کرتے ہوئے کہا:خبرگان ولایت فقیہ اور رہبر معظم کی مرکزیت و محوریت کو مد نظر رکھتے ہوئے وحدت و اتحاد کی حفاظت کے لئے کوشش کریں موجودہ حالات میں رہبر معظم کے سوا کوئی بھی اتحاد اور ہمدلی کا مرکز نہیں ہوسکتا۔ ہمیں نظام اسلام کے وفادار قوتوں کی حفاظت کی خاطر غیرسنجیدہ باتوں سے پرہیز کرنا چاہئے تاکہ دشمنوں کے تیر رہبر معظم اور انقلاب کو نشانہ نہ بنا سکیں۔

انھوں نے کہا: ممکن ہے کہ ہم علمی، صنعتی اور سائنسی ترقی کے ذریعے دنیا والوں کے سامنے اسلام کا چہرہ نہایت مقتدر اور طاقتور ثابت کرکے دکھا سکیں مگر ملت ایران کی کوششوں کا بنیادی ماحصل اور ثمرہ سیرت اہل بیت (ع) پر مبنی نظام ہے جو 1400 سال بعد اس ملک میں اس ملک میں باضابطہ طور پر قائم ہوچکا ہے اور نظام کے تمام ادارے اسے نظام کی بنیاد پر تشکیل پائے ہیں

بين الاقوامی قرآنی خبررساں ايجنسی ايكنا كی رپورٹ كے مطابق چوبيسيویں انٹرنيشنل وحدت كانفرنس میں شريك ممتاز لبنانی عالم دين شيخ احمد الزين نے ايكنا كے نمائندے كے ساتھ خصوسی گفتگو كرتے ہوئے كہا كہ امت مسلمہ كو متحد كرنے كے لیے سياسی، اقتصادی، سماجی اور ديگر شعبوں كے ماہرين كے كميشن تشكيل ديئے جائیں اور پھر ان كی تجاويز كی روشنی میں امت مسلمہ كے اتحاد كی جانب قدم بڑھائے جائیں۔

انہوں نے كہا كہ اتحاد كی جانب قدم نہايت عالمانہ انداز میں اور سوچ سمجھ كر اٹھائے جائیں اور رہبر انقلاب آيت اللہ العظمی سيد علی خامنہ ای جيسی شخصيت كی قيادت میں یہ سفر طے كيا جائے۔

آیت اللہ احمد جنتی نے  تہران میں نمازجمعہ کےدوسرے خطبے میں اسلامی انقلاب کی کامیابی کی سالگرہ یعنی عشرہ فجرکی آمد کی مناسبت سے مبارکباد پیش کی انھوں نے کہاکہ یہ کامیابی وہ ہے جس نے ہماری عوام کو استبداد وظلم سے نجات دلائی ۔انھوں نے کہاکہ امام خمینی رحمۃ اللہ نے اس انقلاب کوبرپا کرکے  العلماء ورثۃ الانبیاء کا خود کومصداق قراردیا وہ کارنامہ انجام دیا جواس وقت دنیا کے لئے ناقابل یقین تھا ۔ آیت اللہ احمد جنتی نے کہا کہ موجودہ دورمیں امام خمینی رحمۃ اللہ نے اسلام کوحیات نوعطاکی اور ایک ایسے وقت جب اسلام کوایک کہنہ اورپرانی شئی کے عنوان سے متعارف کرایا جارہا تھا اورمسجدیں اورمذہبی مقامات خالی ہورہے تھے اورحتی لوگ خود کومسلمان کہتے ہوئے بھی شرماتے تھےایسے میں امام خمینی رحمۃ اللہ نے اسلامی انقلاب برپا کرکے اسلام کی حقیقی تصویردنیا کے سامنے پیش کی ۔ امام خمینی رحمۃ اللہ نے اس نظریہ کوباطل قراردیا کہ یا تومشرقی بلاک سےوابستہ رہ کرزندگی گذاری جاسکتی ہے یا پھرمغربی بلاک سے وابستہ رہ کرزندہ رہا جاسکتا ہے بلکہ انھوں نےنہ شرقی ونہ غربی کانعرہ بلند کرکے دنیا پریہ ثابت کردیا ہے کہ اسلام وہ دین ہے جواپنے پیروں کھڑے ہوکراوراپنی جاودانی  تعلیمات پرتکیہ کرکے امورمملکت بہت ہی اچھے طریقےسے چلاسکتا ہے ۔تہران کے خطیب جمعہ نے کہا کہ امام خمینی رحمۃ اللہ نے لوگوں میں خوداعتمادی پیدا کی اوریہ باورکرایا کہ وہ بھی ترقی وپیشرفت کرسکتے ہيں اور اس چیزکودنیا پرثابت بھی کیا۔ انھوں نے ایرانی عوام کویہ باورکرایا کہ اپنی مملکت اورملک کے مالک خودآپ  ہيں ۔اورآج دنیا دیکھ رہی ہے کہ ایران کے عوام نے اپنے اندرخوداعتمادی پیدا کرکے تمام میدانوں میں کتنی زیادہ ترقی کی ہے ۔ امام خمینی رحمۃ اللہ نے ایک نئی اسلامی حکومت کاماڈل  پوری دنیا خاص طورپرعالم اسلام کے سامنے پیش کیا مگرافسوس کہ اسلامی ملکوں نے ابھی تک اس بات کوقبول نہیں کیا اگرچہ اپنے اندرخوداعتماد پیداکرنے کا پیغام ایک بہت ہی اہم اورتقدیرسازپیغام تھا ۔ امام خمینی رحمۃ اللہ نے حکومت کوملوکیت سے نکال کرعوام کی ملکیت میں دے دیا اورجس طرح انھوں نے حکومت کا طرزپیش کیا وہ آج دنیا کے لئے مثال بن سکتا ہے ۔کیونکہ انھوں نے عوام کے سامنے خود کوعوام کا خادم قراردیا تھا اوردلوں پرحکومت کی تھی ۔ تہران کے خطیب جمعہ نے کہاکہ جوبھی امام خمینی رحمۃ اللہ کی زندگی اوران کے ارتحال کے بعد ان کی سادہ زندگی دیکھنےآیا وہ انگشت بدنداں رہ گیا ۔ امام خمینی رحمۃ اللہ نے عوام کے اندراس قدرشعوروبیداری پیدا کردی تھی کہ آج تیس سال کا عرصہ گذرجانے کے بعد بھی عوام دشمن کے ہرطرح کے منصوبوں کوناکام بنارہے ہيں بنابریں امام خمینی رحمۃ اللہ آج بھی ہمارے لئے زندہ ہیں کیونکہ ان کے افکارونظریات زندہ ہيں ۔

آیت اللہ رضا استادی امام جمعہ قم المقدس اپنے ایک مقالہ"قیام عشورا اور انتظار"میں تاریخ بشر کے مختلف ادوار میں حق مخالف حرکات اور واقعات کا تجزیہ کرتے ہیں اور ساتھ ساتھ واضح کرتے ہیں کہ اللہ تعالی کا ارادہ اور وعدہ ہے کہ بالآخر اسلام دنیای عالم پر حاکم ہوگا،وہ اس مطلب کہ"قیام عاشورا در اصل دین الہی کو اسکے اصلی راستے پر لوٹانے کی ایک تحریک تھی "کی تشریح میں تحریر کرتے ہیں"امام حسین علیہ السلام کی عزاداری کا معنی یہ ہے کہ ہم اس راہ کا دفاع کریں اور ان کے مخالفین کی مذموم روش اور طور طریقے سے بیزاری اور نفرت کا قول اور عمل میں اظہار کریں"۔

وہ مہدوی حکومت کے منتظرین کو تین دستوں میں تقسیم کرتے ہویے واضح کرتے ہیں کہ یہ تینوں گروہ عزداران امام حسین علیہ السلام میں موجود ہیں۔

ماہ ربیع الاول میں جہاں امام عسکری کی دلسوز شہادت کا غم ہے وہاں امام عصر عجل اللہ کی تاجپوشی ولایت کی بے پناہ خوشی بھی ہے ۔

بہت سے امام زمان عجل اللہ کے شیعوں اور عاشقوں کے دلوں میں انکے انتطار کی تڑپ کے ساتھ ساتھ یہ سوال ہے کہ ہم ان کے وجود پرنور سے کیسے فیض لیں ؟قابل توجہ بات یہ ھے کہ جب امام مھدی علیہ السلام سے آپ کی غیبت کے زمانہ میں فیضیاب ھونے کے طریقہ کار کے بارے میں سوال کیا جاتا ھے تو آپ فرماتے ھیں:  ”وَ اٴمَّا وَجہُ الإنْتِفَاعِ بِی فِی غَیْبَتِی فَکا الإنْتِفَاعِ بِالشَّمْسِ إذَا غَیَّبَتْہَا عَنِ الاٴبْصَارِ السَّحَابَ“۔(احتجاج، ج۲، ش ۳۴۴، ص ۵۴۲۔)

”میری غیبت کے زمانہ میں مجھ سے مستفید ھونا اسی طرح ھے جس طرح سورج سے فائدہ اٹھایا جاتا ھے جبکہ وہ بادلوں میں چھپ جاتا ھے“۔

امام مھدی علیہ السلام نے اپنی مثال سورج جیسی اور اپنی غیبت کی مثال بادلوں کے پیچھے چھپے سورج کی دی ھے جس میں بھت سے نکات پائے جاتے ھیں لہٰذاھم ان میں سے بعض کی طرف اشارہ کرتے ھیں:

سورج ، نظام شمسی میں مرکزی حیثیت رکھتا ھے اور دوسرے سیارے اس کے گرد حرکت کرتے ھیں ، اسی طرح امام عصر علیہ السلام کا وجود گرامی بھی کائنات کے نظام میں مرکزی حیثیت رکھتا ھے۔

”بِبَقَائِہِ بَقِیَتِ الدُّنْیَا وَ بِیُمْنِہِ رُزِقَ الوَریٰ وَ بِوُجُوْدِہِ ثَبَتَتِ الاٴرْضُ وَ السَّمَاءُ“۔(مفاتیح الجنان، دعای عدیلہ)

”اس (امام) کی وجہ سے دنیا باقی ھے، اور اس کے وجود کی برکت سے کائنات کے ھر موجود کو روزی ملتی ھے اور اس کے وجود کی خاطر زمین اور آسمان مستحکم طور پر باقی ھیں“۔

سورج ایک لمحہ کے لئے بھی نور افشانی میں کنجوسی نھیں کرتا، اور ھر چیز اپنے رابطہ کے لحاظ سے سورج کے نور سے فیضیاب ھوتی ھے۔ چنانچہ حضرت ولی عصر علیہ السلام کا وجود بھی تمام مادّی اور معنوی نعمتوں کو حاصل کرنے میں واسطہ ھے، ھر شخص اس مرکز کمالات سے اپنے رابطہ کے مطابق مستفیض ھوتا ھے۔

اگر یہ سورج بادلوں کے پیچھے بھی نہ رھے تو پھر اس قدر ٹھنڈک اور اندھیرا ھوجائے گا کہ کوئی بھی جاندار زمین پر نھیں رہ سکے گا۔ اسی طرح اگر یہ کائنات امام علیہ السلام کے وجود سے محروم ھوجائے (اگرچہ پردہ غیبت میں بھی نہ ھو) تو پھر مشکلات، پریشانیاں اور مختلف بلائیں انسانی زندگی کو آگے بڑھنے میں مانع ھو جائیں گی اور تمام موجودات کا خاتمہ ھوجائے گا۔

امام مھدی (عجل اللہ تعالیٰ فرجہ الشریف) شیخ مفید علیہ الرحمہ کو ایک خط لکھتے ھیں جس میں اپنے شیعوں سے خطاب فرماتے ھیں:

”اِنَّا غَیْرُ مُہْمِلِیْنَ لِمُرَاعَاتِکُمْ وَ لاٰ نَاسِیْنَ لِذِکْرِکُمْ وَ لَولٰا ذَلِکَ لَنَزَلَ بِکُمُ اللاَّوَاءُ وَ اصْطَلَمَکُمُ الاٴعْدَاءُ“۔(احتجاج، ج۲، ش ۳۵۹، ص ۵۹۸)

”ھم تم کو ھرگز اپنے حال پر نھیں چھوڑتے، اور ھرگز تمھیں نھیں بھولتے، اگر (ھمیشہ ھماری توجہ) نہ ھوتی تو تم پر بھت سی سختیاں اور بلائیں نازل ھوتیں اور دشمن تم کو نیست و نابود کردیتے“۔

لہٰذا امام علیہ السلام کے وجود کا سورج پوری کائنات پر چمکتا ھے اور تمام موجودات تک فیض پہنچاتا ھے، اور ان تمام مخلوقات کے درمیان بشریت خصوصاً اسلامی معاشرہ ، شیعہ اور ان کے پیروکاروں تک مزید خیرو برکت پہنچاتا ھے. 

اہل البیت (ع) نیوز ایجنسی ـ ابنا نے ایران کی ادارہ حج و زیارت کے حوالے سے رپورٹ دی ہے کہ "عراق پر چھ سالہ قبضے کے بعد جو نئی تشویش واشتگٹن کے حکام کو لاحق ہوئی ہے وہ یہ ہے کہ کہیں ان کے بھیجے ہوئے فوجی دینی، ثقافتی اور سیاسی اعتقادات کے سلسلے میں مکتب تشیع سے متأثر نہ ہوجائیں".

امریکی حکام کی یہ تشویش بے بنیاد بھی نہیں ہے بلکہ حقیقت یہ ہے کہ جو امریکی سپاہی گذشتہ 6 برسوں سے عراق کے مختلف علاقوں میں تعینات ہیں، عراقی عوام خاص طور پر اس ملک کی اکثریتی شیعہ آبادی کے دینی، ثقافتی اور سیاسی اعتقادات پر ان کی نگاہ کافی گہری ہے اور صورت حال یہ ہے کہ اب امریکی فوجی اہل تشیع کے مذہبی مقامات پر حاضری دینے لگے ہیں.

سپاہیوں سمیت کئی امریکی سینئر افسران بھی شیعیان عراق کے اعتقادات کے بارے میں تحقیق کرکے اس عظیم سوال کا سامنا کررہے ہیں کہ مسلمانوں کے ایک امام کا روضہ دنیا کے مختلف گوشوں سے کروڑوں مسلمانوں کو کیونکر اتنے جوش و جذبے کے ساتھ اکٹھا کرسکتا ہے؟

عراق میں تعینات امریکی فوجی امریکہ میں اپنے خاندانوں کے لئے خط لکھتے ہوئے اہل تشیع کے مذہبی شعائر ـ خاص طور پر تاسوعا، عاشورا، اربعین حسینی، حضرت امام امیرالمؤمنین اور امام موسی کاظم علیہما السلام کی شہادت کے ایام ـ کا عقیدت کے ساتھ ذکر کرتے ہیں اور لکھتے ہیں: یہ محض مذہبی اعتقادات نہیں بلکہ وہ اپنے اماموں کی شہادت کے ایام میں عزاداری کے دوران گریہ و زاری پر اکتفا نہیں کرتے بلکہ ان کی راہ و روش پر گامزن ہونے کا عہد بھی کرتے ہیں اور ان کی راہ و روش میں سب سے اہم عنصر ظلم و استبداد کے خلاف جدوجہد ہے اور وہ اپنے چھوٹے بچوں کو بھی اس کی تعلیم و تربیت دیتے ہیں.

امریکی فوجیوں کی اہل تشیع کے اعتقادات کی طرف یہ خاص توجہ امریکی فوجی اور سیاسی حکام کی شدید تشویش کا باعث بنی ہوئی ہے.

امریکی فوجیوں کے اس رجحان میں اضافے کا ایک سبب یہ بھی ہے کہ ہزاروں سنی مسلمان ائمہ اہل بیت علیہم السلام کی ولادت اور شہادت کے ایام میں نذر و نیاز لے کر روضات مقدسہ پر حاضر ہوتے ہیں اور منتیں مان کر حاجتیں لیتے ہیں.

اس رپورٹ کے مطابق آج تک 400 امریکی فوجیوں کے بارے میں منکشف ہوا ہے کہ انہوں نے اہل تشیع کے بارے میں وسیع تحقیق کررکھی ہے اور یہ مذہب ان کے خیال میں ایک عظیم ظرفیت کا حامل ہے جو انسانی کے ذہنی تفکرات اور دنیاوی خواہشات کے دائرے سے برتر و بالاتر ہے.

عراق میں جاری صورت حال کے تسلسل میں ہی بہت سے امریکی فوجیوں نے اسلام قبول کیا ہے اور وہ عراقی عوام کے ساتھ امریکیوں کے طرز سلوک برملا تنقید کرتے ہیں.

امریکی فوجیوں کے متأثرکن خطوط کو ایک کتاب کی شکل میں اکٹھا کردیا گیا ہے اور اگر یہ کتاب امریکہ میں اشاعت کی اجازت حاصل کرنے میں کامیاب ہوجائے تو یقینی طور پر امریکہ اور دیگر مغربی ممالم میں اس کے دور رس اثرات کسی سے بھی مخفی نہ رہ سکیں گے.

اہل البیت (ع) خبر ایجنسی ـ ابنا ـ کی رپورٹ کے مطابق حوزہ علمیہ قم کے سینکڑوں طلبہ و طالبات نے محرم الحرام کی آمد آمد پر تبلیغی دورے پر جانے سے قبل انقلاب اسلامی کے رہبر معظم حضرت آیت اللہ العظمی خامنہ مد ظلہ العالی سے ملاقات کی. اس ملاقات میں حوزہ علمیہ کے بعض اعلی پائے کے علماء اور سینئر اساتذہ بھی موجود تھے.
رہبر انقلاب نے حاضرین سے خطاب کرتے ہوئے مبلغین کی طرف سے معاشرے میں بصیرت پر تأکید کی ضرورت پر زور دیا.

رہبر انقلاب اسلامی نے حالیہ واقعات کی طرف اشارہ کرتے ہوئے سیاسی میدان میں سرگرم افراد سے مخاطب ہوکر فرمایا: جو شخص اسلام اور امام کے لئے کام کرتا ہے جب دیکھتا ہے کہ اس کی سرگرمیاں دشمنوں کی طرف سے معاندانہ اقدامات کا باعث بن رہے ہیں، تو اسے خود بخود متنبہ ہونا چاہئے.
آیت اللہ العظمی خامنہ ای نے سیاسی گروہوں سے مخاطب ہو کر سوال اٹھایا: وہ افراد جو کسی زمانے میں امام (ع) کی حمایت کی وجہ سے بعض قوتوں کی طرف سے توہین کا سامنا کرچکے ہیں جب دیکھتے ہیں کہ ان کے حامی افراد اسلام اور انقلاب اسلامی پر عقیدہ ہی نہیں رکهتے تو وہ اس کے باوجود کنارہ کشی کیوں اختیار نہیں کرتے؟.
انہوں نے زور دے کر فرمایا: "انتخابات ختم ہوچکے ہیں" اور یہ درست ہے کہ دونوں فریقوں کے اعمال میں اچهائیاں اور برائیاں ہیں مگر قانون کی پابندی اور قانون کے احترام کا تقاضا ہے کہ انسان قانون کے سامنے سرتسلیم خم کرے».
انهوں نے معاشرے اور جامعات (یونیورسٹیوں) میں امن و  سکون کی ضرورت پر زور دیتے ہوئے عوام اور جامعات سے وابستہ افراد سے تقاضا کیا کہ پرسکون رہیں اور یاد رکهیں کہ اس قسم کے ٹولوں کی کوئی جڑ اور کوئی اساس نہیں ہے اور وہ انقلاب اسلامی کا مقابلہ کرنے سے عاجز ہیں.

اہل البیت (ع) نیوز ایجنسی ـ ابنا ـ کی رپورٹ کے مطابق سعودی عرب کی بدنام زمانہ امربالمعروف اور نہی عن المنکر پولیس نے تین شیعہ زائرین کو جنت البقیع کی زیارت کرتے ہوئے گرفتار کرلیا ہے۔

الحرمین نیوز ویب سائٹ کے مطابق مدینہ منورہ کے مقامی ذرائع کے حوالے سے لکھا ہے کہ گرفتار ہونے والے شیعہ زائرین میں العوامیہ کے رہنے والے 29 سالہ ڈاکٹر موسی جعفر الزاہر، قطیف کے رہنے والے عباس الجنوبی اور ام الحمام کے رہنے والے حسین عبداللطیف شامل ہیں جنہیں پیر کے روز گرفتار کرکے جیل بھیج دیا گیا ۔

مذکورہ نیوز ویب سائٹ نے لکھا ہے کہ اس دوران بقیع کے دیگر زائرین کو بھی سعودی پولیس اور امربالمعروف اور نہی عن المنکر پولیس کی طرف سے نہایت شدید ناروا برتاؤ کا سامنا کرنا پڑ رہا ہے اور اس وہابی پولیس نے حالیہ ہفتے کے دوران تاجیکستان کے ایک شیعہ زائر اور عراق کے شہر دیالہ کی عدالت کے ایک جج کو حراست میں لیا ہے۔

واضح رہے کہ ان شیعہ زائرین کا سب سے بڑا جرم اپنے آئمہ معصومین علیہم السلام کی قبور مبارک کی زیارت تھا ۔

اہل البیت (ع) نیوز ایجنسی ـ ابنا ـ کی رپورٹ کے مطابق حضرت آيت اللہ العظمی صافي گلپايگاني نے صوبہ قم کے "غدیر اسٹاف" نامی تنظیم کے کارکنوں سے خطاب کرتے ہوئے کہا: غدیر کے معارف ترویج اور امیرالمؤمنین (ع) کے تعارف کے سلسلے میں ہونے والی تمام تقریبات قابل قدر ہیں خاص طور پر اگر یہ تقریبات بیرونی ممالک میں ہوں تو ان کی قدر وقیمت میں اضافہ ہوگا اور مجھے امید ہے کہ یہ سلسلہ وسیع سے وسیعتر ہو.

انھوں نے کہا کہ دنیا کے ہر گوشے میں رہنے والے پیروان اہل بیت (ع) کا فرض ہے کہ وہ غدیر کی تعظیم و تکریم کا اہتمام کریں لیکن تشیع اور ولایت اہل بیت (ع) کے حوالے سے شہر قم کے پس منظر، حضرت معصومہ سلام اللہ علیہا کے حرم مطہر کی موجودگی اور حوزہ علمیہ کے حوالے سے قم مقدسہ بعض ممتاز خصوصیات کا حامل ہے جن کی بنا پر ضروری ہے کہ اس شہر میں منعقد ہونے والی تقریبات اور دینی مراسمات دوسروں کے لئے نمونۂ عمل ہوں.

موصوف نے قم میں غدیر اسٹاف کی تشکیل کا خیر مقدم کرتے ہوئے کہا: قم میں ایام ذی الحجة الحرام اور (عیدالاضحی سے عید غدیر تک) عشرہ غدیر کی تقریبات کے اہتمام کے لئے اس طرح کے ادارے کی تشکیل کی ضرورت تھی تا کہ سال کے دیگر ایام کے دوران غدیر کے موضوع پر کام کرے اور عشرہ غدیر کی تقریبات شایان شان انداز سے منعقد ہوسکیں.

مرجع تقلید شیعیان نے کہا: اگر کسی کو دنیا میں جینے کا موقع ملے اور وہ تمام اعمال صالحہ کو بخوبی انجام دے اور تمام انبیاء عظام علیہم السلام سے محبت کرے مگر امیرالمؤمنین علیہ السلام کی ولایت سے محروم ہو تو روز قیامت اسے اپنے کسی بھی عمل کا فائدہ نہ ملے گا کیونکہ اعمال کی قبولیت کی شرط لازم امیرالمؤمنین اور ائمۂ طاہرین علیہم السلام کی ولایت ہے؛ اور دنیا اور آخرت کی سعادت ان ہی کے واسطے ملتی ہیں اور اگر کوئی معاشرہ سعادت و خوشبختی کا خواہاں ہے تو سعادت کا راستہ امیرالمؤمنین علیہ السلام کی ولایت ہے۔

انھوں نے زور دے کر کہا کہ دنیا اور آخرت کے معاملات میں اقتدا اور پیروی کے لئے حضرت علی علیہ السلام سے بہتر و برتر کوئی بھی نہیں ہے۔

انھوں نے کہا: خدا پر ایمان، جہاد، زہد اور علم ایسی چار صفتیں ہیں جو مسلمانوں کے عقیدے کے مطابق کسی شخص میں مجتمع ہوجائیں تو وہ فضیلت کے لحاظ سے تمام اصحاب پیغمبر (ص) سے افضل و برتر ہوگا اور امیرالمؤمنین علیہ السلام ان صفات کا اعلی ترین مظہر ہیں اور ہمیں کسی بھی دوسرے شخص میں ان صفات کا عروج نظر نہیں آتا اور ہم دیکھتے ہیں کہ غیر مسلم بھی اس حقیقت کے معترف ہیں.

آیت اللہ العظمی صافی گلپائگانی نے کہا: دنیا کی خلقت انسانی معاشروں کو امیرالمؤمنین علیہ السلام کے وجود مبارک سے وابستہ گردانتی ہے؛ امیرالمؤمنین (ع) کا پورا وجود عظمت ہے اور آپ کی عظمت اور فضائل کی کوئی انتہا نہیں ہے اور آپ (ع) کے وجود مبارک کے مختلف جہتوں اور پہلؤوں نے آپ (ع) کو یہ موقع فراہم کیا ہی کہ اپ (ع) رسول اللہ الاعظم صلی اللہ علیہ و آلہ و سلم کے بعد عالم امکان اور مخلوقات الہیہ کا شخص اول قرار پائے ہیں.

انھوں نے امیرالمؤمنین علیہ السلام کو تمام اوصاف و خصوصیات میں انسانیت کی ترقی اور کمال کے لئے مثالی نمونہ قرار دیا اور کہا کہ امیرالمؤمنین علیہ السلام کو دنیا والوں سے متعارف کرانا عظیم ترین خدمت اور امیرالمؤمنین علیہ السلام کا مکتب عظیم ترین الہی مکتب اور خیرات و برکات کا منبع ہے۔

رہبر انقلاب اسلامی نے ملت ایران اور تمام مسلمانان عالم کو عید غدیر کی مبارک باد پیش کی اور عید غدیر کو "عید اللہ اکبر" سے موسوم کئے جانے کی وجہ بیان کرتے ہوئے فرمایا: واقعہ غدیر دیگر اسلامی عیدوں سے زیادہ گہرے مفاہیم کا حامل ہے کیونکہ اس نے الہی معیاروں کی بنیاد پر ہدایت و حکومت کے سلسلے میں مسلمانوں کے فریضے کو ہمیشہ کے لئے معین اور واضح کر دیا ہے۔

رہبر انقلاب اسلامی آیت اللہ العظمی خامنہ ای نے واقعہ غدیر خم میں دین اسلام کے مکمل اور اس عظیم تاریخی واقعے کے بعد کفار کے مایوس ہونے کی سند دینے والی آيت قرآنی کی جانب اشارہ کیا اور فرمایا: ولایت کا اعلان اور حضرت امیرالمومنین علیہ السلام کا پیغمبر اسلام کے جانشین کی حیثیت سے انتخاب در حقیقت اللہ تعالی کی جانب سے انجام پانے والا انتخاب تھا جس کا اعلان کرکے پیغمبر اسلام نے اپنی رسالت کی تکمیل کی۔

رہبر انقلاب اسلامی نے قرآن کریم کی متعدد آیتوں کے شان نزول اور معتبر اسلامی روایات کی روشنی میں حضرت علی ابن ابی طالب علیہ السلام کو علم و تقوی، ایثار و انفاق، جہاد و جاں نثاری اور دیگر فضائل کے سلسلے میں تاریخ اسلام کی نمونہ اور منتخب ہستی قرار دیا اور تمام مسلمانوں کو ان حقائق کے مطالعے اور ان پر غور و خوض کی دعوت دی۔ رہبر انقلاب اسلامی نے مسلمانوں کے اتحاد پر اسلامی جمہوریہ ایران کی دائمی تاکید کا اعادہ کرتے ہوئے فرمایا: ہمارا ہرگز یہ اصرار نہیں ہے کہ اسلامی فرقوں میں کوئی فرقہ دوسرے فرقے کے عقائد و نظریات کو قبول کر لے لیکن ہماری منطقی درخواست یہ ہے کہ دنیا کے تمام مسلمان، ان حقائق پر غور و فکر کریں جو علامہ سید شرف الدین عاملی اور علامہ امینی جیسے ممتاز علمائے کرام نے حضرت امیرالمومنین علیہ السلام کے سلسلے میں پیش کئے ہیں۔

رہبر انقلاب اسلامی نے حضرت امیر المومنین علیہ السلام کے پاک و پاکیزہ جوانی کے ایام کو جوانوں کے لئے نمونہ کامل قرار دیا اور دیگر طبقات کو بھی اس عظیم ہستی کے زندگی کے دیگر مراحل میں نظر آنے والے طرز عمل کو اپنانے کی دعوت دی۔ آپ نے مذہب تشیع کو وحی الہی اور معیار و اقدار قرآنی پر استوار صحیح و خالص عقائد کا حامل مذہب قرار دیا اور مذہب تشیع کو جعلی اور سیاسی مسئلہ قرار دینے کی تشہیراتی کوششوں اور افواہوں کی جانب اشارہ کرتے ہوئے فرمایا: واقعہ غدیر جو تاریخ اسلام کے مسلمہ اور متفق علیہ حقائق میں سے ایک ہے ان الزامات پر خط بطلان کھینچنے والا اور تشیع کی روح و بنیاد کا آئینہ دار ہے۔

رہبر انقلاب اسلامی حضرت آیت اللہ العظمی خامنہ ای نے حج کے عظیم اجتماع کے نام اپنے پیغام میں حجاج کرام کو اس مبارک موقع سے حصول فیض اور فرائض کی شناخت کا فائدہ اٹھانے کی تلقین کرتے ہوئے فرمایا: آج امت اسلامی کا بنیادی فریضہ الفت، اخوت، باہمی رشتوں کا استحکام، استعمار کے متعدد چہروں والے دیو کے مد مقابل استقامت کی تقویت اور قول و فعل میں مشرکین سے برائت و بیزاری کا اظہار امت مسلمہ کی اولین ذمہ داری ہے۔

اپنے پیغام میں مزید فرماتے ہیں: آج ہم واضح و آشکار طور پر دیکھتے ہیں کہ عالم اسلام کے بدخواہوں کے ہاتھ ماضی سے کئی گنا زیادہ مسلمانوں کے درمیان اختلاف افکنی اور تفرقہ اندازی میں مصروف عمل نظر آرہے ہیں چنانچہ یقینی امر ہے کہ امت مسلمہ کو آج گذشتہ ادوار سے کہیں زیادہ یکجہتی اور وحدت و یگانگت کی ضرورت ہے۔

آج دشمنوں کے خونی چنگل عالم اسلام کے کے ہر گوشے میں مسلمانوں کے لئے المیئوں کا سبب بن رہے ہیں؛ فلسطین صہیونیوں کی خباثت کے زیر تسلط ہے؛ مسجد الاقصی سنجیدہ خطرات میں گھری ہوئی ہے؛ غزہ کے عوام المناک نسل کشی کے بعد سے اب تک دشوار ترین حالات سے گذر رہے ہیں؛ افغانستان قابضین کے بوٹوں تلے ہر روز ایک نئی مصیبت سے دوچار ہے؛ عراق میں امن و امان کے فقدان نے لوگوں کا سکون و اطمینان چھین لیا ہے؛ اور یمن میں برادرکشی نے مسلمانوں کے قلب پر ایک نیا داغ رکھ لیا ہے۔

پوری دنیا کے مسلمانوں کو سوچنا چاہئے کہ حالیہ برسوں میں عراق، افغانستان اور پاکستان میں شروع ہونے والے فتنوں، جنگوں، دھماکوں، ٹارگٹ کلنگ اور اندھادھند دہشت گرد حملوں اور قتل عام کے واقعات کیونکر شروع ہوئے ہیں اور ان کی منصوبہ بندی کہاں ہورہی ہے؟

علاقے میں امریکہ کی سرکردگی میں مغربی افواج کے تحکم آمیز مالکانہ داخلے سے قبل علاقے کی قوموں کو اس طرح کے واقعات اور مصائب وغم و حزن کا سامنا کیوں نہیں تھا؟

قابضین و غاصبین ایک طرف سے فلسطین، لبنان اور دیگر علاقوں میں مزاحمتی تحریکوں کو دہشت گرد قرار دیتے ہیں اور دوسری طرف سے علاقے کی قوموں کے درمیان درندگی پر مبنی فرقہ وارانہ اور قومی و قبائلی دہشت گردی کو فروغ دیتے ہیں اور اس کی سرپرستی اور راہنمائی کرتے ہیں۔

اسلامی ایران "امام خمینی کبیر" کی تعلیمات کا اتّباع کرنے کی بدولت اس کامیاب مزاحمت کی عملی اور کامیاب مثال ہے۔ انہیں اسلامی ایران میں شکست فاش ہوئی ہے۔ انھوں نے تیس برسوں سے مسلسل حیلہ گریوں، مکاریوں، سازشوں اور عداوتوں سے لے کر فوجی کودتا کے ذریعے اسلامی نظام کا تختہ التنے کی سازش اور آٹھ سالہ مسلط کردہ جنگ تک، معاشی اور تجارتی پابندیوں سے لے کر اثاثے منجمد کرنے تک، نفسیاتی اور تشہیراتی یلغار اور ذرائع ابلاغ کی صف آرائی سے لے کر علمی اور سائنسی ترقی اور جوہری دانش سمیت سائنسی ترقی اور علمی پیشرفت کی راہ میں روڑے اٹکانے تک اور حتی حالیہ عظیم الشان انتخابات کے بامعنی اور پر شکوہ واقعے میں اعلانیہ مداخلت اور فتنہ انگیزی تک ساری کی ساری دسیسہ کاریان دشمن کی شکست و رسوائی اور انفعال و سرگردانی پر منتج ہوئیں اور ایران کی مسلم ملت کی آنکھوں کے سامنے قرآن مجید کا ارشاد گرامی " إِنَّ كَيْدَ الشَّيْطَانِ كَانَ ضَعِيفًا" (3) مجسم ہوکر نمودار ہوا۔ [ایران سمیت] دنیا کے دیگر نقاط میں بھی جب کبھی عزم و ایمان پر مبنی استقامت نے عوام کو مستکبرین کے سامنے ڈٹ جانے پر آمادہ کیا ہے فتح اور کامیابی نے مؤمنین کے قدم چومے ہیں اور رسوائی اہل ستم کا حتمی مقدر بن گئی ہے۔ 

لبنان کی 33 روزہ مزاحمت میں نمایاں فتح اور گذشتہ تین برسوں کے دوران غزہ کا سربلند و سرفراز جہاد اور اہہلیان غزہ کی فتحیابی اس حقیقت کی زندہ مثال ہے۔

اس میعاد الہی میں حاضر ہونے والے تمام سعادت یافتہ حجاج کرام کو عمومی طور پر اور اسلامی ممالک کے علماء اور خطباء ـ اور حرمین شریفین کے ائمۂ جمعہ و جماعت ـ کو خصوصی طور پر میری پرزور سفارش ہے کہ مسائل کا صحیح ادراک کرکے اپنے آج کے فوری فرائض کو صحیح انداز میں پہچان لیں اور اور پوری قوت کے ساتھ اپنے مخاطبین اور سامعین کے لئے دشمنان اسلام کی سازشیں طشت از بام کردیں اور لوگوں کو الفت اور اتحاد کی دعوت دیں؛ پوری سنجیدگی کے ساتھ ان تمام مسائل سے پرہیز کریں جو مسلمانوں کے درمیان باہمی رنجش اور غلط فہمی کا موجب بنتے ہیں اور اپنے تمام جذبات اور اپنی تمامتر فریادوں کو مستکبرین، امت اسلامی کے دشمنوں اور تمام فتنوں کے نوک پر واقع صہیونیت اور امریکہ پر کس دیں اور اپنے قول و فعل میں مشرکین سے برائت و بیزاری کا اظہار کریں۔

گوکہ شیعہ اکثریتی ملک بحریں کے سنی حکمرانوں نے بعض شیعہ قیدیوں کو رہا کردیا مگر لگتا ہے کہ خلیج فارس کے کنارے واقع یہ ملک ابھی تک تفرقہ اور اختلاف سے دوچار ہے البتہ شیعہ عوام نے اپنے راہنماؤں کی رہائی پر جشن منایا.  

اہل البیت (ع) نیوز ایجنسی (ابنا) کی رپورٹ کے مطابق رائٹرز خبر ایجنسی نے لکھا ہے کہ بحرینی اہل تشیع کا یہ جشن و سرور قلیل المدت تھا اور گذشتہ ایک مہینے کے دوران صورتحال یہاں تک تشویش ناک ہوگئی ہے کہ شیعہ راہنماؤں کے کہنے کے مطابق «اگر بحرینی حکمران اہل تشیع کے ساتھ سنجیدہ مذاکرات کا آغاز نہ کریں تو عیں ممکن ہے کہ یہ ملک بغاوت کا شکار ہوجائے.

رائٹرز کی مطابق بحریں کی کل آبادی پانچ لاکھ تیس ہزار ہے اور اس کا کل رقبہ نیویارک کے رقبے سے بھی کم ہے مگر یہ ملک خطے میں امریکہ کا خاص حلیف شمار ہوتا ہے؛ امریکی بحریہ کا پانچواں بیڑہ اسی ملک کے ساحل پر تعینات ہے.

رائٹرز کے بقول اس ملک میں اہل تشیع کی آبادی کا تناسب "70 فیصد» ہے مگر  اس ملک کی مرکزی حکومت اہل سنت کے کنٹرول میں ہے اور بقول رائٹرز کی «عرب حکومتیں تہران کی خوف اور اہل تشیع کے نفوذ کی وجہ سے بحرینی حکمرانوں کی حمایت کررہی ہیں».  

شیعیان بحرین دسیوں برسوں پر محیط امتیازی سلوک سے نالاں ہیں. اچھے گھر اور اچھے روزگار کے مواقع صرف سنی اقلیت کے لئے میسر ہیں جبکہ شیعیان بحریں کی اکثریت غربت و افلاس کا شکار ہیں اور انہیں اہم فوجی اور سیکورٹی عہدوں میں کردار ادا کرنے کی اجازت نہیں دی جارہی.

بحری کے انسانی حقوق مرکز کی تحقیقات کے مطابق 1999 میں وزارتخانوں اور اعلی سرکاری مناصب پر اہل تشیع کا تناسب 30-25 فیصد تھا اور یہ تناسب 2008 میں تیرہ فیصد رہ گیا ہے؛ «وفاق» بحرینی پارلیمان کا واحد شیعہ گروہ ہے جس کی 40 رکنی پارلیمان میں صرف 17 نمائندے ہیں. یہ امر بحرین میں مذہبی امتیاز کی اہم علامت ہے کہ 70 فیصد اکثریتی آبادی کے باوجود شیعہ باشندوں کے حقوق کو اہمیت نہیں دی جاتی.

بحریں کے شیعہ راہنماؤن نے کئی بار بحرین کے حکمرانوں پرالزام لگایا ہے کہ وہ بحریں کی شیعہ اکثریت کو اقلیت میں تبدیل کرنے کی غرض سے یمن، شام، پاکستان اور دیگر ممالک کے سنی باشندوں کو بحرینی قومیت دے رہے ہیں ۔

گذشتہ ایک سال کے دوران بحریں کے بیشتر شیعہ راہنماؤں کو پابند سلاسل کیا گیا اور بحرین کے بادشاہ نے اپریل میں 150 شیعہ اسیروں میں سے صرف 22 افراد کی رہائی کا فرمان جاری کیا.

بہرحال ابھی تک شیعہ اور سنی باشندوں کےدرمیان تعلقات میں بہتری نہیں آئی ہے اور شیعہ عوام کا کہنا ہے کہ اہل تشیع کے درمیان بے روزگاری کی سطح عروج پر ہے اور یہ مسئلہ شیعہ معاشرے میں بخوبی عیاں ہے.

غدیر کاینات میں اللہ تعالی کے اقتدار کی تجلی ہے غدیر اسلام میں نبوت کا اختتام اور امامت ولایت کا نقطہ آغاز ہے غدیر اسلام کے تحفظ کی ضامن ہے غدیر قران کی نگہبان اور حدیث کا سر چشمہ ہے غدیر مومنین کے قلوب کا قبلہ ہے غدیر آدم سے لیکر خاتم تک تمام انبیاء ، رسل اور اوصیاء کی میراث ہے غدیر تشیع کی مظلومیت بھری تاریخ کا صفحہ آغاز ہےغدیر امام علی (ع)کی امامت پر سند اور بارہ اماموں کی امامت پر دلیل ہے غدیر امام مہدی (عج)کی آمد اور صالحین کی زمین پر حکومت کا اعلان ہے غدیر ۔ ۔ ۔ ۔۔ ۔

العالم کي رپورٹ کے مطابق سعودي حکام نے اس نوجوان کو چھے دنوں سے قيد ميں رکھا ہوا ہے۔ يہ نوجوان ايک سياحتي کمپني ميں مينجر ہے۔ اس سعودي نوجوان کو پوليس نے تھانے بلايا تھا اور جيسے ہي وہ تھانے پہنچا اسے گرفتار کرليا گيا اور اسے زد و کوب بھي کيا گيا ہے۔ اس سے قبل بھي سعودي پوليس نے الاحساء کے بہت سے نوجوانوں کو گاڑيوں ميں سيد حسن نصراللہ کي تصويريں لگانے پر گرفتار کر ليا تھا۔ياد رہے کہ متعدد سروے رپورٹوں سے معلوم ہوا ہے کہ حزب اللہ لبنان کے سربراہ سيد حسن نصراللہ عرب دنيا کے سب سے محبوب رہنما ہيں اور ان سے ہرکوئي محبت کرتا ہےخواہ شيعہ ہو يا سني۔

بسم اللہ الرحمن الرحيم

والحمدللہ رب العالمين و صلي اللہ علي سيدنا محمّد المصطفي و آلہ الطيبين و صحبہ المنتجبين

کعبہ، وحدت و عظمت کا راز، توحيد و معنويت کي علامت، حج کے موسم ميں مشتاق اور پراميد دلوں کا ميزبان ہے جو پوري دنيا سے رب جليل کي دعوت قبول کرکے لبيک کہتے ہوئے اسلام کے مقامِ ولادت پر حاضر ہوئے ہيں۔ اب امت اسلامي دنيا کے چار گوشوں سے اس مقام پر اکٹھے ہونے والے نمائندوں کي آنکھوں سے اپني وسعت اور گوناگوني اور اس دين حنيف کے پيروکاروں کے دلوں پر حکمفرما ايماني گہرائي کا مشاہدہ کرسکتي ہے اور اس عظيم اور بے مثل سرمائے کو صحيح انداز سے پہچان سکتي ہے۔
يہ اپني بازشناسي (دوبارہ شناخت حاصل کرنا) ہميں مدد ديتي ہے کہ ہم مسلمان دنيا کے حال و مسقبل ميں اپنے شايان شان مقام و منزلت کو سمجھ ليں اور اس مقام و منزلت کي جانب قدم بڑھائيں۔
آج کي دنيا ميں اسلامي بيداري کي لہر، ايک ايسي حقيقت ہے جو امت اسلامي کو نہايت نيک مستقبل کي نويد سناتي ہے۔ تين عشرے قبل انقلاب اسلامي کي کاميابي اور اسلامي جمہوري نظام کي تشکيل و تأسيس سے ہي اس طاقتور نشأت (Rise) کا آغاز ہوا، ہماري عظيم امت بلاناغہ آگے بڑھتي رہي ہے، کئي رکاوٹوں کو راستے سے ہٹا چکي ہے اور کئي مورچوں کو فتح کرچکي ہے۔ يہ عالمي استکبار جو دشمنيوں کے پيچيدہ شيووں پر عمل پيرا ہے اور اسلام کے مقابل ميں مہنگي کوششيں اور سازشيں کررہا ہے، يہ بھي اسلام کي اسي ترقي اور پيشرفت کي دليل ہے۔ دنيا کو اسلام سے خوفزدہ کرنے اور اسلامو فوبيا کو فروغ دينے کے سلسلے ميں دشمن کي وسيع تشہيراتي مہم، اسلامي فرقوں کے درميان فرقہ وارانہ تفريق کے فروغ اور فرقہ واران تعصبات کي ترويج کے بارے ميں ان کے جلدبازانہ اقدامات، جھوٹي دشمن تراشياں ـ شيعہ کو سني کا دشمن ثابت کرنے اور سني کو شيعہ کا دشمن ثابت کرنے ـ کے حوالے سے دشمنوں کي سازشيں، مسلم حکومتوں کے درميان تفريق و اختلاف پيدا کرنے، اختلافات کو شدت دينے اور انہيں دشمني اور ناقابل حل جھگڑوں ميں تبديل کرنے کي سازشيں، نوجوان نسل ميں برائي اور فحاشي کا پرچار کرنے کے سلسلے ميں جاسوسي اور سيکورٹي ايجنسيوں کے وسيع استعمال، سميت تمام کے تمام اقدامات عزت و عظمت، بيداري اور حريت کي جانب امت اسلامي کي با وقار پيشرفت اور مضبوط قدموں کے مد مقابل اندھا دھُند اور آشفتہ رد عمل ہي کا حصہ ہيں۔
آج تيس سال قبل کے زمانے کے برعکس، صہيوني رياست مزيد ايک ناقابل شکست ہيولا نہيں رہي ہے، دو عشرے قبل کے زمانے کے برعکس، امريکہ اور مغربي ممالک مشرق وسطي ميں بلا چون و چرا فيصلہ کن قوت نہيں رہے ہيں، آج دس سال قبل کے زمانے کے برعکس، جوہري ٹيکنالوجي اور دوسري پيچيدہ صنعتي و  فني مہارتوں کا حصول خطے کي مسلم اقوام کي رسائي سے خارج اور افسانوي نہيں رہا ہے۔ آج فلسطيني قوم استقامت کي ہيرو ہے، لبناني قوم تن تنہا صہيوني رياست کي جھوٹي ہيبت توڑ کر33 روزہ جنگ کي فاتح ہے؛ اور ملت ايران دشمن کي فرنٹ لائن توڑ کر عظمت کي چوٹيوں کي جانب گامزن کارواں کي علمبردار ہے۔
آج مستکبر امريکہ، اسلامي خطے کا خودساختہ کمانڈر اور صہيوني رياست کا اصلي حامي، ايسے دلدل ميں پھنس چکا ہے جو اس نے خود ہي افغانستان ميں تيار کيا تھا؛ عراق ميں ـ عوام پر مختلف قسم کے مظالم ڈھاکر اور جرائم کا ارتکاب کرکے ـ گوشہ نشيني اور تنہائي کي جانب بڑھ رہا ہے؛ مصيبت زدہ پاکستان ميں ہميشہ سے زيادہ منفور (قابل نفرت) ہے۔ آج دو صديوں تک اسلامي اقوام اور ممالک پر ظالمانہ حکمراني کرنے اور ان کے وسائل لوٹ کر لے جانے والا اسلام مخالف محاذ، اپني آنکھوں سے اپنے اثر و رسوخ کے زوال اور اپنے مدمقابل مسلمان قوموں کي دليرانہ استقامت و مزاحمت کا مشاہدہ کررہا ہے اور دوسري جانب سے اسلامي بيداري کي حرکت روز افزوں پيشقدمي کررہي ہے اور اس کي گہرائي ميں روزبروز اضافہ ہورہا ہے۔
يہ اميد بخش حالات ـ جو ہم مسلم اقوام کے لئے خوشخبريوں کے حامل ہيں ـ ايک طرف سے: مطلوبہ مستقبل کي جانب ہماري اطمينان بخش پيشرفت کا سبب بننے چاہئيں اور دوسري طرف سے ان ہي حالات کے دروس اور اس کي عبرتيں ہميشہ سے زيادہ، مسلم اقوام کي ہوشياري اور کياست کا سبب ہوني چاہئيں۔ يہ عمومي خطاب ـ بلاشک ـ علمائے دين، سياسي قائدين، روشنفکر دانشوروں اور جوانوں کو دوسروں سے کہيں زيادہ متعہد (COMMITTED) بنا ديتا ہے اور ان سے مجاہدت اور پيشروي کا تقاضا کرتا ہے۔
قرآن کريم، گويا اور زندہ، ہم سے مخاطب ہے: "کُنتُم خَيرَ اُمَّةٍ اُخرِجَت لِلنَّاسِ تَأمُرُونَ بِالمَعرُوفِ وَ تَنهَونَ عَنِ المُنکَرِ وَ تُؤمِنُونَ بِاللهِ" (1) اس باعظمت خطاب ميں بني نوعي انساني کے لئے خلق ہوئي ہے۔ اس امت کي تخليق کا ہدف و مقصد، انسان کي نجات اور انسان کي خير و نيکي ہے۔
[اس خطاب ميں] اس امت کا فرض نيکيوں کا حکم دينا اور بديوں سے روکنا اور اللہ پر ايمان راسخ ہے۔ کوئي بھي نيکي اور کوئي بھي معروف استکبار کي شيطاني قوت کے چنگل سے ملتوں کو نجات دلانے سے بہتر و برتر نہيں ہے اور کوئي بھي بدي اور منکَر مستکبرين سے وابستگي اور ان کي خدمت سے زيادہ بھونڈا نہيں ہے۔ آج ملت فلسطين اور غزہ کے قلعہ بند عوام کو مدد پہنچانا، افغانستان، پاکستان، عراق اور کشمير کي ملتوں سے ہمدردي اور ہمراہي کرنا، امريکہ اور صہيوني رياست کي جارحيت کے مقابلے ميں مجاہدت و مزاحمت کرنا، مسلمانوں کے اتحاد کا تحفظ کرنا اور اس اتحاد کو نقصان پہنچانے والے آلودہ ہاتهوں اور غلامي کي زبانوں کا مقابلہ کرنا، اور تمام مسلم ممالک اور خطوں ميں نوجوانوں ميں بيداري، تعہد، اخلاص کو فروغ دينا ان عظيم فرائض ميں سے ہے، جو خواص امت پر عائد ہوتے ہيں۔
حج کا پر شکُوہ منظر، ہميں ان فرائض پر عملدرآمد کے لئے مساعد اور موافق ميدانوں کا پتہ ديتا ہے اور ہميں دو چند ہمت اور دوچند محنت کي دعوت ديتا ہے۔

والسلام عليکم و رحمة اللہ
سيّدعلي حسيني خامنہ اي
يکم ذوالحجةالحرام 1431

اہل البیت (ع) نیوز ایجنسی ـ ابنا ـ کی رپورٹ کے مطابق جمعیت اساتذہ نے اپنے بیان میں کہا ہے: یمن کے مسلمانوں اور اہل تشیع کو کچلنے کے سلسلے میں یمنی حکومت اور افواج کے اقدامات ـ جو کثیر تعداد میں مسلمانوں اور خاص طور پر اہل تشیع کی شہادتوں پر منتج ہوئے ہیں ـ اسلامی ممالک میں شدید غم و غصے کا باعث بنے ہوئے ہیں.

اس بیان میں یمن میں بعض عرب ممالک کی مداخلت اور اسلامی کانفرنس کی خاموشی کی مذمت کرتے ہوئے واضح کیا گیا ہے کہ اہل تشیع کو کچلنے کی نیت سے یمن میں بعض عرب ممالک کی براہ راست مداخلت کے باوجود اسلامی کانفرنس تنظیم، عالمی تنظیموں اور خاص طور پر نام نہاد حقوق انسانی کی تنظیموں کی خاموشی قابل غور اور لمحۂ فکریہ ہے.

حوزہ علمیہ کے بزرگ علماء و اساتذہ نے اپنے اس بیان میں کہا ہے: اس میں شک نہیں ہے کہ موجودہ زمانے میں اسلام دشمن طاقتوں کی ایک سازش نسل کشی اور مسلمانوں کے درمیان اختلاف اور تفرقہ کھڑا کرنا ہے اور اسی راہ پر چل کر وہ در حقیقت اسلام عزیز کی بیخ کنی چاہتے ہیں اور یہ اعمال رسول اللہ (ص) اور اہل بیت نبی (ص) کے لئے صدمے  اور ان کی دل آزاری کا سبب بن رہے ہیں.

جامعۂ مدرسین نے ان خونی واقعات کی شدید مذمت کرتے ہوئے اسلامی کانفرنس تنظیم سے مطالبہ کیا ہے کہ یمن کے تنازعات کو حل کرنے اور یمن کے مظلوم شیعیان اہل بیت (ع) کے قتل عام کا سد باب کرنے کے لئے ضروری اقدامات کا اہتمام کرے. اور دنیا کے آزاد اندیش لوگوں کا بھی فرض بنتا ہے کہ اس وسیع انسان کشی کی شدید مذمت کرکے ان مظالم کے خلاف موقف اپنائیں.

آٓپ کا اسم مبارک فاطمہ ہے۔آپ کا مشہور لقب معصومہ ہے۔آپ کے پدر بزرگوار شیعوں کے ساتویں امام حضرت موسی بن جعفر (ع) ہیں آپ کی مادر گرامی حضرت نجمہ خاتون ہیں اور یہی بزرگوار خاتون آٹھویں امام کی بھی والدہ محترمہ ہیں ۔بس اسی وجہ سے حضرت معصومہ (س) اور امام رضا (ع) ایک والدہ سے ہیں۔
آپ کی ولادت با سعادت اول ذیقعدہ سال ۱۲۳ھجری قمری کو مدینہ منورہ میں ہوئی۔
ابھی زیادہ دن نہ گزرے تھے کہ بچپن ہی میں آپ اپنے شفیق والد گرامی کی شفقت سے محروم ہوگئیں ۔آپ کے والد گرامی کی شہادت، ہارون کے قید خانہٴ بغداد میں ہوئی ۔
والد گرامی کی شہادت کے بعد آپ اپنے عزیز بھائی حضرت علی بن موسی الرضا (ع) کی آغوش تربیت میں آگئیں ۔ ۲۰۰ ہجری میں مامون عباسی کے بے حداصرار اوردھمکیوں کی وجہ سے امام (ع) سفر کرنے پر مجبور ہوئے امام (ع) نے خراسان کے اس سفر میں اپنے عزیزوں میں سے کسی ایک کو بھی اپنے ہمراہ نہ لیا ۔
امام کی ہجرت کے ایک سال بعد بھائی کے دیدار کے شوق میں اور رسالت زینبی اور پیام ولایت کی ادائیگی کے لئے آپ (س) نے بھی وطن کو الوداع کہااور اپنے کچھ بھائیوں اور بھتیجوں کے ساتھ خراسان کی جانب روانہ ہوئیں۔
ہر شہر اور ہرمحلے میں آپ کا والہانہ استقبال ہورہاتھا،یہی وہ وقت تھا کہ جب آپ اپنی پھوپھی حضرت زینب (س) کی سیرت پرعمل کرکے مظلومیت کے پیغام اور اپنے بھائی کی غربت مومنین اور مسلمانوں تک پہنچارہی تھیں اور اپنی اور اہلبیت کی مخالفت کا اظہار بنی عباس کی فریبی حکومت سے کررہی تھیں ،یہی وجہ تھی کہ جب آپ کا قافلہ شہر ساوہ پہنچاتو کچھ دشمنان اہلبیت (ع) جن کے سروں پر حکومت کا ہاتھ تھا راستے میں حائل ہوگئے اور حضرت معصومہ (س) کے کاروان سے ان بد کرداروں نے جنگ شروع کردی ۔نتیجتاً کاروان کے تمام مردوں نے جام شہادت نوش فرمایا۔یہاں تک کہ ایک روایت کے مطابق حضرت معصومہ (س) کو بھی زہر دیا گیا ۔
بہر کیف حضرت معصومہ (س) اس عظیم غم کے اثر سے یا زہر جفا کی وجہ سے بیمار ہوگئیں اب حالت یہ تھی کہ خراسان کے سفرکو جاری و ساری رکھنا ناممکن ہوگیالہٰذا شہر ساوہ سے شہر قم کا قصد کیااور آپ نے پوچھا اس شہر (ساوہ)سے شہر قم کتنا فاصلہ ہے ۔ لوگوں نے آپ کو بتایا تو اس وقت آپ نے فرمایا :مجھے قم لے چلو اس لئے کہ میں نے اپنے والد محترم سے سنا ہے کہ انھوں نے فرمایا :شہر قم ہمارے شیعوں کا مرکز ہے ۔
اس مسرت بخش خبر سے مطلع ہوتے ہی بزرگان قم کے در میان ایک خوشی کی لہر ،سی دوڑ گئی اور وہ سب کے سب آپ کے استقبال میں دوڑپڑے۔موسی بن خزرج جو کہ اشعری خاندان کے بزرگ تھے انھوں نے آپ کی مہار ناقہ کو آگے بڑھ کر تھام لیا ۔اور بہت سے لوگ جو سوارہ اور پیادہ تھے پروانوں کی طرح اس کاروان کے ارد گرد چلنے لگے ۔۲۳ربیع الاول سال ۲۰۱ ہجری وہ عظیم الشان تاریخ تھی جب آپ کے مقدس قدم قم کی سرزمین پر آئے ۔پھر اس محلّے میں جسے آج کل میدان میر کے نام سے یاد کیاجاتاہے حضرت کی سواری موسی بن خزرج کے گھر کے سامنے بیٹھ گئی نتیجتاً آپ کی میزبانی کا عظیم شرف موسی بن خزرج کو مل گیا۔
اس عظیم ہستی نے صرف سترہ(۱۷)دن اس شہر میں زندگی گزاری اور ان ایام میں آپ اپنے خدا سے راز ونیاز کی باتیں کرتیں اور اس کی عبادت میں مشغول رہیں ۔
معصومہ (س) کی جائے عبادت اور قیامگاہ مدرسہ ستیہ جو آج کل ”بیت النور “کے نام سے مشہور ہے  اور آب حضرت (س) کے عقیدتمندوں کی زیارتگاہ بنی ہوئی ہے ۔
آخر کار روز دہم ربیع الثانی اور ایک قول کے مطابق(دوازدہم ربیع الثانی) ۲۰۱ ھ قبل اس کے آپ کی چشم مبارک برادر عزیز کے چہرہ منور کی زیارت کرتی ،غریب الوطنی میں بہت زیادہ غم اندوہ دیکھنے کے بعد بند ہوگئیں۔
قم کی سر زمین آپ کے غم میں ماتم کدہ بن گئی ۔قم کے لوگوں نے کافی عزت واحترام کے ساتھ آپ کی تشییع جنازہ کی۔ باغ بابلان جو کہ اس وقت شہر سے باہر تھاوہاں آپ کی قبر اطہر آمادہ کی گئی ۔اب جو سب سے بڑی مشکل اہل قم کے لئے تھی وہ یہ کہ ایسا کون باکمال شخص ہوسکتاہے جوآپ کے جسم اطہر کو سپرد لحد کرے ایک حکایت کے مطابق ابھی اہل قم اس مشکل کاحل سوچ ہی رہے تھے کہ ناگاہ دوسوار جو نقاب پوش تھے قبلہ کی جانب سے نظر آنے لگے اور بہت بڑی سرعت کے ساتھ وہ مجمع کے قریب آئے نماز پڑھنے کے بعد ان میں سے ایک بزرگوار قبر میں اترے اور دوسرے بزرگوار نے جسم اطہر کو اٹھایا اور اس قبر میں اترے ہوئے بزرگوار کے حوالے کیا تا کہ اس نورانی پیکر کو سپرد خاک کریں۔
یہ دو شخصیتیں جو ابھی کچھ دیر پہلے آئیں تھیں انھوں نے تمام مراسم احسن انداز سے انجام دے کراور کسی سے کچھ کہے بغیر واپس روانہ ہوگئیں۔ یہ دو شخصیتیں حجت پروردگار تھیں یعنی امام رضا (ع) اور حضرت امام جواد (ع) تھے کیونکہ معصومہ (س) کی تجہیز وتکفین ایک معصوم ہی انجام دیتاہے، تاریخ میں ایسی مثالیں موجود ہیں مثلاً حضرت زہرا (س) کے جسم اطہرکی تجہیز وتدفین حضرت علی (ع) کے ہاتھوں انجام پائی، اسی طرح حضرت مریم سلام اللہ علیہاکو حضرت عیسیٰ (ع) نے بنفس نفیس غسل دیا۔
حضرت معصومہ (س) کے جسم اطہر کی تدفین کے بعد موسی بن خزرج نے ایک حصیری سائبان آپ کی قبر اطہر پر ڈال دیا۔اس کے بعد حضرت زینب جو امام جواد (ع) کی اولاد میں سے تھیں انھوں نے ۲۵۶ھ میں پہلا گنبد اپنی عظیم پھوپھی کی قبر اطہر کے لئے تعمیر کروایا ۔
اسی علامت کی وجہ سے اس عظیم خاتون کی تربت پاک محبان اہلبیت (ع) کے لئے زیارت گاہ ہوگئی جہاں نماز مودت ادا کرنے کے لئے محبان اہلبیت (ع) جوق در جوق آنے لگے اور عاشقان ولایت وامامت کے لئے یہ بارگاہ دار الشفاء ہوگئی جس میں مضطرب دلوں کو سکون ملنے لگا ۔

ابو عبداللہ ، جعفر بن محمد بن علي بن الحسن بن علي بن ابي طالب عليہ السلام معروف بہ صادق آل محمد شيعوں کے چھٹے امام ہيں ۔ جو کہ اپنے والد امام محمد باقر عليہ السلام کي شہادت کے بعد 7 ذي الحجہ سن 114 ھ ق کو آنحضرت کي وصيت کے مطابق امامت کے منصب پر فائز ہوۓ ۔

امام جعفر صادق (ع) جمعہ طلوع فحر کے وقت اور دوسرے قول کے مطابق منگل 17 ربيع الاول سن 80 ھ ق کو مدينہ منورہ ميں پيدا ہوۓ ۔ (تاج المواليد (علامہ طبرسي)، ص 43؛ )

آنحضرت کي والدہ کا نام فاطمہ بنت قاسم بن محمد بن ابي بکر جن کي کنيت " ام فروہ " تھي ۔

يہ خاتون اميرالمؤمنين علي عليہ السلا کے يار و وفادار شھيد راہ ولايت و امامت حضرت محمد بن ابي بکر کي بيٹي تھي ۔ اپنے زمانے کے خواتين ميں باتقوي ، کرامت نفس اور بزرگواري سے معروف و مشہور تھي ۔ اور امام صادق (ع) نے ان کي شخصيت کے بارے ميں فرمايا ہے : ميري والدہ ان خواتين ميں ‎سے ہے جنہوں نے ايمان لايا اور تقوي اختيار کيا اور نيک کام کرنے والي اور اللہ نيک کام کرنے والوں کو دوست رکھتا ہے ۔ (منتہي الامال، ج2، ص 121)

امام جعفر صادق(ع) کا نسب والدہ کي طرف سے مسلمانوں کے پہلے خليفے [ابوبکر] اور والد کي طرف سے شيعوں کے پہلے امام اور چوتھے خليفہ [ حضرت علي (ع) ] تک پہنچتا ہے ۔

 آنحضرت بني اميہ کي حکومت کے اواخر اور بني عباسي حکومت کے اوائل ميں زندگي کر رہے تھے اور بني اميہ کے خلاف عوامي بغاوت اور بني عباس کا لوگوں کے ساتھ مذھبي احساسات کے ساتھ استحصال کرکے اور لوگوں سے " الرضا من ال محمد (ص)" کے عنوان سے لے بيعت لے کر حکومت پر قابض ہونے کا نزديک سے مشاھدہ گر تھے اور ان حالات ميں شيعوں اور محبان اھل بيت (ع) کي امامت کے سنگين کام کو انجام ديتے رہے ۔ امام صادق (ع) عبدالملک بن مروان [ پانچواں اموي خليفہ ] کے زمانے ميں پيدا ہوۓ اور اسکے بعد باقي 8 بني اميہ خليفوں اور دو عباسي خليفوں کے ہمعصر تھے اور ان ميں سے اکثر کي طرف سے مصائب اور مظالم ہوتے رہے.

آخر کار 65 سال کي عمر ميں منصور دوانقي کي طرف سے مسموم ہوئے جس سے آنحضرت کي شہادت واقع ہوئي ۔

آنحضرت کي شھادت کي تاريخ کے بارے ميں دو قول نقل ہوۓ ہيں ۔ بعض نے 15 رجب سن 148 ھ ق اور بعض نے 25 شوال سن 148 بيان کيا ہے اور مشہور شيعہ مورخوں اور سيرہ نويسوں کے نزديک دوسرا قول يعني 25 شوال ہي معتبر ہے ۔

آنحضرت کي شھادت کے بعد حضرت امام موسي کاظم (ع) نے بھائيوں اور افراد خاندان کے ہمراہ آنحضرت کے غسل و کفن کے بعد بقيع ميں دفن کيا ۔(منتہي الامال، ج2، ص 155)

حضرت معصومہ(ع) قم کے حرم مقدس میں پاکستان اور دیگر ممالک کے ہزاروں طلباء کرام کے عظیم اجتماع نے رھبر معظم کا پرزور استقبال کیا اور اس وقت تمام آنکھیں اشکبار ہو گئیں جب رھبر معظم نے نہایت محبت وشفقت سے فرمایا:آپ طلباء کرام ایران میں غیر نہیں ہیں اور نہ ہی مہمان بلکہ آپ صاحب خانہ ہیں اور میرے فرزند ہیں۔

اس عظیم اجتماع سے خطاب کرتے ہوئے رہبر انقلاب اسلامی نے معارف و تعلیمات اسلامی کے احیاء کو اسلامی جمہوریہ ایران کا بنیادی ہدف قرار دیا اور فرمایا کہ ان نجات بخش تعلیمات سے مسلم اقوام کی واقفیت امت مسلمہ کے تشخص و وقار کی بازیابی، ترقی و پیشرفت اور آزادی و تقویت کی تمہید ہے۔
رہبر انقلاب اسلامی کے بقول ملت ایران اور اسلامی نظام کے حکام کے لئے امام خمینی رحمۃاللہ علیہ کا سب سے اہم اور پائيدار سبق "امت مسلمہ" کی حقیقت پر توجہ دینا ہے۔
آپ نے فرمایا کہ اسلامی انقلاب نے شروع سے ہی سامراج کے چنگل سے مسلم امہ کی آزادی کی کوششیں کیں، اسی لئے ایران میں اسلامی انقلاب کی فتح کے ساتھ ہی مشرق و مغرب میں تمام مسلمانوں کو ایسا لگا کہ ان کی زندگی میں نسیم حیات بخش کے جھونکے آنے لگے اور ایک نیا راستہ مل گيا ہے۔
رہبر انقلاب اسلامی نے قم میں دینی علوم کے عالمی مرکز "جامعۃ المصطفی" میں تقریبا سو ممالک کے طلبہ کی موجودگی کو اسلام کے حقیقی معارف سے قوموں کی آشنائی کا پیش خیمہ قرار دیا اور فرمایا کہ اس بابرکت موجودگی کا مقصد سیاسی معنی میں انقلاب کو برآمد کرنا نہیں ہے کیونکہ اصولی طور پر انقلاب کوئی ایسی چیز نہیں ہے جسے سیاسی، دفاعی اور سیکورٹی کے وسائل اور سازو سامان سے برآمد کیا جا سکے، اسی لئے اسلامی نظام نے شروعات میں ہی انقلاب کو ایکسپورٹ کرنے کے غلط مفہوم کو مسترد کر دیا تھا۔
رہبر انقلاب اسلامی نے فرمایا کہ قم میں غیر ملکی طلبا اور علماء کا مقصد علمی و تربیتی بلند اہداف ہیں، علم و معرفت جہاں بھی ہو اس کے طالب پیدا ہو جاتے ہیں اور اس مقدس شہر میں آپ کی موجودگی مشتاق دلوں کو اپنی جانب متوجہ کرنے کی اسلامی علوم اور معارف کی قدرت و توانائی کی دلیل ہے۔
آپ نے اسلامی معارف و تعلیمات کو قدرتی طور پر جاذب اور پرکشش قرار دیا اور عوام الناس سے محبت، انکساری اور اچھے اخلاق کو ان معارف و علوم کی ترویج کا بہترین طریقہ بتایا۔
رہبر انقلاب اسلامی نے مسلمان قوموں پر احساس حقارت و خفت مسلط کرنے کی استعماری و استکباری طاقتوں کی دو سو سالہ کوششوں کی یاددہانی کراتے ہوئے فرمایا کہ اسلامی انقلاب نے امت اسلامیہ کے اندر عزت و وقار، عدل و انصاف، پائیداری و استقامت اور تشخص و شناخت جیسے تقدیر ساز مفاہیم کا احیاء کیا اور سامراج کی دیرینہ سازشوں کو ناکام بنا دیا۔
رہبر انقلاب اسلامی نے صبر و استقامت کو اللہ تعالی کی جانب سے پیغمروں کو دیا جانے والا اصلی درس قرار دیا اور فرمایا کہ امام (خمینی رحمۃاللہ علیہ) نے 1963 میں اپنی تحریک کے آغاز سے ہی ملت ایران کو مشکلات و مسائل کے سامنے استقامت و پائيداری کا درس دیا، چنانچہ سخت ترین مراحل میں بھی بڑی آندھیاں اور طوفان بھی اس کے فولادی ارادے اور عزم راسخ میں کوئی تزلزل پیدا نہیں کر سکے۔
رہبر انقلاب اسلامی نے امام خمینی رحمۃاللہ علیہ سے ملنے والے صبر و استقامت کے درس پر قدرداں ملت ایران کی عمل آوری کو اسلام دشمن طاقتوں کی آشکارا اور خفیہ سازشوں کی ناکامی کا باعث قرار دیا اور فرمایا کہ عالمی استبدادی عناصر اس وقت ایران کے خلاف پابندیوں کا بڑا پروپیگنڈا کر رہے ہیں لیکن اس قوم نے تیس برسوں کے دوران اپنے صبر و استقامت سے پابندیوں کے حربے کو ناکارہ بنا دیا اور اسی بصیرت و پائیداری کی برکت اور اللہ تعالی کی عنایت سے اسلامی جمہوریہ ایران اس وقت سیاسی قوت و اقتدار کی چوٹی پر پہنچ چکا ہے۔
رہبر انقلاب اسلامی نے قم میں دسیوں ممالک کے طلبہ کی موجودگی کو "اسلامی-علمی معاشرے" کا نقطہ آغاز قرار دیا اور فرمایا کہ سعادت بخش اسلامی علوم کے حصول کے ساتھ ہی ساتھ مختلف قوموں کی ایک دوسرے کی ثقافتوں سے آشنائی ایک سنہری موقع ہے جس کی قدر کرنی چاہئے۔
رہبر انقلاب اسلامی نے غیر ملکی طلبہ میں نوجوانوں کی اکثریت کا حوالہ دیا اور روحانیت، اللہ سے انس اور توسل کو خالق ہستی سے بندوں کے رابطے کی تقویت اور   لامتناہی توفیقات الہی سے بہرہ مند ہونے کی تمہید اور مقدمہ قرار دیا اور فرمایا کہ امام خمینی رحمۃاللہ علیہ کی ہر بات کی گہری تاثیر کا راز یہ تھا کہ عالمی طاقتوں کے سامنے عظمت و اقتدار کا پہاڑ نظر آنے والی یہ شخصیت اپنے رئوف و لطیف پروردگار کی بارگاہ میں سراپا تضرع اور انکسار بن جاتی تھی۔
رہبر انقلاب اسلامی نے اپنے خطاب میں "جامعۃ المصطفی" کے سربراہ حجت الاسلام اعرافی اور دیگر عہدہ داروں کی خدمات کو سراہا۔
اس ملاقات کے آغاز مین "جامعۃ المصطفی" کے سربراہ نے بتایا کہ اس تعلیمی مرکز میں تقریبا سو ممالک کے طلبہ تحصیل علم میں مشغول ہیں۔ انہوں نے کہا کہ جامعۃ المصطفی کے طلبہ اور اساتذہ عالمی برادری کی ثقافتی اور علمی ضرورتوں کو مد نظر رکھتے ہوئے اسلام کی راہنما تعلیمات کو لوگوں تک منتقل کرنے کی کوشش کرتے ہیں۔

قائد انقلاب اسلامی آیت اللہ العظمی خامنہ ای نے شہر قم میں زبردست اور تاریخی عوامی استقبال اور پھر حضرت معصومہ علیہا السلام کے روضہ اقدس کی زیارت کے بعد روضے سے ملحقہ وسیع و عریض میدان میں ٹھاٹھیں مارتے عوامی اجتماع میں پہنچ کر جذبہ مودت کے اظہار پر شکریہ ادا کیا۔ قائد انقلاب اسلامی نے اپنے خطاب میں قم کو شہر علم و بصیرت اور وادی جہاد و مجاہدت قرار دیا اور فرمایا کہ طول تاریخ میں شہر قم جس طرح علوم اہل بیت پیغمبر علیہم السلام کا مرکز رہا ہے، عصر حاضر میں بھی اسی انداز سے اعلی ترین الہی تعلیمات و معارف کے سرچشمے کی حیثیت سے عالم اسلام کے مشرق و مغرب کو اپنے جید اور عظیم الشان علما کی مجاہدت و بصیرت کی برکتوں سے بہرہ مند کر رہا ہے۔ قائد انقلاب اسلامی نے عصری تاریخ کے حساس اور نازک موڑ پر یعنی "انیس سو ترسٹھ کے عاشور" اور "پانچ جون" پر اہل قم کے لا فانی کردار کا ذکر کرتے ہوئے فرمایا کہ اہل قم نے اس تاریخی موڑ پر امام خمینی رحمت اللہ علیہ کی حمایت کرکے معاشرے میں علماء کی تحریک کو حرکت عطا کر دی اسی طرح انیس سو ستتر میں بھی اپنی بصیرت و آگاہی کی مدد سے عظیم الشان امام (خمینی رحمت اللہ علیہ) کی شان میں استبدادی شاہی حکومت کی گستاخی کی پيچیدہ سازش کی گہرائی کا بھرپر ادراک کرتے ہوئے وہ اپنے نوجوانوں کا خون دیکر اسلامی تحریک کے فروغ میں صف اول میں شامل ہو گئے اور اس شہر کو عظیم الشان اسلامی انقلاب کے سرچشمہ میں تبدیل کر دیا۔ قائد انقلاب اسلامی نے شہر قم کے عوام کو مخلص، صداقت پسند، پاک و پاکیزہ اور مثالی بصیرت کا حامل قرار دیا اور فرمایا کہ اگر اہل قم کی بیداری نہ ہوتی تو خاص اہمیت کے حامل اس شہر کے خلاف تیار کی جانے والی دشمنوں کی سازشیں ناکام نہ ہوتیں۔ قائد انقلاب اسلامی کے بقول شہر قم عوام کی بیداری اور با برکت دینی علمی مرکز کے وجود سے جہاد و بصیرت کا سرچشمہ بن گیا ہے، اہل قم دینی علمی مرکز اور علماء کی قدر و قیمت کو جانتے ہیں اور حالیہ بتیس برسوں میں اسلام اور انقلاب کے دفاع کے میدانوں اپنے با برکت کردار کا لوہا منوا چکے ہیں۔
قائد انقلاب اسلامی نے بزرگ عالم دین آیت اللہ حائری مرحوم کے زمانے سے لیکر آیت اللہ العظمی بروجردی مرحوم کے دور تک قم کے دینی علمی مرکز میں نظر آنے والے عظیم علماء اور مراجع تقلید اور بعد کے دور میں بھی آیت اللہ العظمی گلپایگانی، آیت اللہ العظمی اراکی، آيت اللہ العظمی مرعشی اور آیت اللہ العظمی بہجت جیسی عظیم علمی شخصیات کی جانب اشارہ کرتے ہوئے فرمایا کہ آج بھی قم کے علوم دینیہ کے مرکز میں ایسے عظیم اور بزرگ علماء و افاضل موجود ہیں کہ ان کے وجود کی برکت سے یہ دینی علمی مرکز مایہ برکت اور مظہر مجاہدت بنا ہوا ہے۔ قائد انقلاب اسلامی نے ملک کے مذہبی ترین شہر یعنی قم سے اسلامی انقلاب کی تحریک کے آغاز اور عظیم عالم و فقیہ کی حیثیت سے امام خمینی رحمت اللہ علیہ کی قیادت کو ملت ایران کے انقلاب کی دینی و مذہبی ماہیت کی علامت و ثبوت قرار دیا۔ آپ نے فرمایا کہ انقلاب کے دشمنوں نے بھی ایران کے انقلاب کی دینی ماہیت کا بخوبی ادراک کر لیا اسی لئے وہ اس سعادت بخش ماہیت کو نشانہ بنانے اور نقصان پہچانے کی کوششوں میں مصروف ہیں۔ قائد انقلاب اسلامی آیت اللہ العظمی خامنہ ای نے فرمایا کہ دنیا کی استبدادی طاقتوں نے عوام کے دینی جذبے اور وفاداری کی صفت کو نشانہ بنا رکھا ہے۔ آپ نے فرمایا کہ اگر دینی ماہیت کا معاملہ نہ ہوتا تو ممکن تھا کہ انقلاب کے ذمہ دار افراد بعض مراعات حاصل کرکے دشمنوں کے سامنے لچک دکھاتے لیکن اسلام، ظالم کے سامنے جھکنے کی اجازت ہرگز نہیں دیتا اور عدل و انصاف، آزادی و حریت، معنویت و روحانیت اور ترقی و پیشرفت کا مژدہ سناتا ہے۔ یہی وجہ ہے کہ نظام کے عہدہ داروں نے استعماری طاقتوں کے سامنے کبھی پسپائی اختیار نہیں کی اور آئندہ بھی دین کی برکتوں کے سائے میں اسلام و انقلاب کے دشمنوں سے ان کی مقابلہ آرائی جاری رہے گی۔ قائد انقلاب اسلامی نے دینی حقائق کے انکار اور انہیں کمزور کرنے کے لئے عالمی سامراجی محاذ کی گوناگوں سازشوں کی جانب اشارہ کیا اور فرمایا کہ سلمان رشدی کا ماجرا، مغرب کی بعض دین مخالف فلمیں، اہانت آمیز کارٹون اور قرآن سوزی دین اسلام کے دشمنوں کی ناکام سازشیں ہیں تاہم ملک کے اندر بھی ان کے بعض پیروکار، بے راہروی، دین کے سلسلے میں لاابالی پن اور جھوٹی عارفانہ باتوں کی ترویج کے ذریعے عوام بالخصوص نوجوان نسل کے دینی عقائد کی بنیادوں کو کمزور کرنے کی کوشش کر رہے ہیں۔ قائد انقلاب اسلامی آیت اللہ العظمی خامنہ ای نے اسی ضمن میں اپنے ماہر افراد کی تقویت اور ان کی صلاحیتوں کے استعمال، بصیرت میں روز افزوں اضافے اور الہی وعدوں پر ایمان و ایقان کو ملت ایران کے لئے امام خمینی رحمت اللہ علیہ کے اہم ترین اسباق قرار دیا اور فرمایا کہ امام (خمینی رحمت اللہ علیہ ) نے ہمیں تعلیم دی کہ اگر مومنانہ انداز سے پامردی دکھائی جائے اور تدبیر و تدبر سے کام لیا جائے تو نصرت الہی یقینا آپ کے شامل حال ہو گی۔
قائد انقلاب اسلامی کے بقول اسلامی نظام سے عوام کی وفاداری کو کمزور کرنا دشمن کی دوسری اہم سازش ہے۔ آپ نے فرمایا کہ دینی عنصر کے علاوہ بھرپور اور وسیع عوامی حمایت بھی اسلامی نظام کے حکام کی استقامت و پامردی کی بنیاد ہے اور یہی وجہ ہے کہ دشمن عوام کی وفاداری کو نشانہ بنا رہا ہے۔ قائد انقلاب اسلامی آیت اللہ العظمی خامنہ ای نے عوام کو مایوس کرنے کے لئے افواہیں پھیلانے، حکام بالخصوص مقننہ، مجریہ اور عدلیہ کے سربراہوں کی نسبت عوام میں بد گمانی پھیلانے، ملک کی کمیوں کو بہت بڑھا چڑھا کر پیش کرنے اور ترقی و پیشرفت کو نظر انداز کرنے کو عوام کے اعتماد و وفاداری کا خاتمہ کرنے کے مقصد سے جاری اسلامی نظام کے دشمنوں کی ایک روش قرار دیا۔ قائد انقلاب اسلامی نے فرمایا کہ حالیہ بتیس برسوں میں دین پر ضرب لگانے اور عوام کے جذبہ وفاداری کو کمزور کرنے کی غرض سے جاری دشمنوں کی سازشیں، منصوبہ بندیاں اور سرمایہ کاری کی شکست یقینی رہی ہے اور آئندہ بھی اس طرح کے اقدامات اور منصوبے ملت و نظام کے دشمنوں کو کوئی فائدہ نہیں پہنچا سکیں گے۔ قائد انقلاب اسلامی نے گزشتہ سال عاشور کے روز شر پسندی کے واقعے پر عوام کے فوری اور دانشمندانہ رد عمل کو سازشی عناصر کی ناکامیوں کے تسلسل کی مثال قرار دیا اور فرمایا کہ ان حقائق سے ثابت ہو جاتا ہے کہ عوام کا دینی جذبہ اور ان کی معرفت و وفارادی روز بروز زیادہ عمیق تر ہوتی جا رہی ہے۔ قائد انقلاب اسلامی نے گزشتہ سال کے صدارتی انتخابات میں پچاسی فیصدی ووٹنگ کو اسلامی نظام پر اعتماد اور اس سے عوام کی وفاداری کو ظاہر کرنے والا قومی ریفرنڈم قرار دیا اور فرمایا کہ جھلائے ہوئے دشمن نے اس قومی شراکت کے اثرات کو محو کرنے کے لئے فتنہ انگیزی کی کوشش کی لیکن عوام اس فتنے کے سامنے ڈٹ گئے اور دشمن کو منہ کی کھانی پڑی۔ قائد انقلاب اسلامی نے گزشتہ سال کے فتنے کے خلاف عوام کی ہوشیارانہ اور دانشمندانہ کارکردگی کو ملک کو سیاسی و سماجی بیکٹیریا سے محفوظ بنا دینے والے ٹیکے سے تعبیر کیا اور فرمایا کہ انتخابات کے بعد رونما ہونے والا فتنہ دشمنوں کی توقعات کے بالکل برخلاف ملت ایران کی مزید بیداری پر منتج ہوا۔ قائد انقلاب اسلامی نے سامراجی طاقتوں کی چالوں کا تجزیہ کرتے ہوئے علمائے دین سے عاری اسلام کی ترویج کی دشمنوں کی کوششوں کا حوالہ دیا اور فرمایا کہ انہیں عوام کی تحریک اور بیداری میں علمائے کرام کے موثر کردار کا بخوبی اندازہ ہو گيا ہے، یہی وجہ ہے کہ وہ علمائے دین سے خالی اسلام کی ترویج کی کوششوں میں لگے ہوئے ہیں چنانچہ دشمنوں کی ان سازشوں کے سلسلے میں بہت ہوشیار رہنے کی ضرورت ہے۔ قائد انقلاب اسلامی نے دین کو سیاست سے الگ رکھے جانے اور سیاست سے عاری اسلام کے نظرئے کی ترویج کو دشمن کی ایک اور چال قرار دیا اور فرمایا کہ اسلامی نظام کا مقابلہ کرنے کے لئے دشمن کی جانب سے تیار کیا گيا روڈ میپ اور بنیادی منصوبہ ہمارے لئے بھی ایک روڈ میپ قرار پا سکتا ہے اور وہ اس طرح سے کہ جس نقطے پر بھی ہمیں دشمن کی یلغار بہت شدید دکھائی دے ہم اس پر اور زیادہ توجہ اور تاکید کریں۔
قائد انقلاب اسلامی نے ایران کے خلاف عائد کی جانے والی پابندیوں کا بھی ذکر کیا اور فرمایا کہ ایرانی قوم اور یہ ملک انقلاب کی کامیابی کے شروعاتی دور سے ہی پابندیوں کا سامنا کر رہا ہے اور اسے ان مسائل کا سامنا کرنے کی حکمت عملی معلوم ہے اسی لئے حالیہ دنوں میں عوام پر دباؤ ڈالنے اور انہیں اسلامی نظام سے بیزار کر دینے کی غرض سے تیار کی گئ پابندیاں بھی، جیسا کہ حکام اور عوام بار بار کہہ رہے تھے، عملی طور پر ناکام رہیں اور عوام کی زندگی پر ان کے منفی اثرات بہت زیادہ نہیں پڑ سکے۔ قائد انقلاب اسلامی آیت اللہ العظمی خامنہ ای نے اسی سلسلے میں مزید فرمایا کہ انیس سو اسی کی دہائی میں سخت ترین حالات کا سامنا کرنے والی قوم اس وقت وسیع اور اہم علمی ترقی کی بنیاد پر اپنے مستقبل کے تئیں زیادہ پر امید ہے اور اسی لئے سامراجی طاقتوں کے مقابلے پر ڈٹی ہوئی ہے۔ قائد انقلاب اسلامی نے اپنے خطاب میں عوام اور حکام کے طرز عمل میں بعض نکات کو ملحوظ رکھے جانے کی ضرورت پر بھی زور دیا۔ اس ضمن میں قائد انقلاب اسلامی نے سب سے پہلے قومی اتحاد کی ضرورت پر زور دیا اور فرمایا کہ عوام و خواص کو چاہئے کہ قومی اتحاد کے مسئلے کو پوری سنجیدگی سے لیں، اتحاد کی صرف باتیں کرنا کافی نہیں ہے، کیونکہ قومی اتحاد کے کچھ معیارات ہیں ان پر عمل ضروری ہے۔
مجریہ، مقننہ اور عدلیہ سے عوام و خواص کی یکجہتی میں روز افزوں اضافہ بھی ان نکات میں سے ایک تھا جن پر قائد انقلاب اسلامی نے تاکید فرمائی۔
جذبہ ایمانی کی تقویت، نوجوانوں کی فکری ضروریات کی تکمیل، ان کے سوالات کے تشفی بخش جوابات پر بھی قائد انقلاب اسلامی نے تاکید فرمائی اور دینی تعلیمی مرکز کے عمائدین کو اس کی جانب توجہ دینے کی دعوت دی۔ مولویت کے صحیح تعارف کے لئے علمائے کرام، روشن فکر حضرات اور باخبر لوگوں کی مساعی کی ضرورت پر قائد انقلاب اسلامی نے زور دیا اور بصیرت کی ترویج، دشمن کی شناخت، ملک کی علمی پیش قدمی میں سرعت اور عوامی مشکلات کے ازالے پر تاکید فرمائی۔ قائد انقلاب اسلامی نے عوامی مشکلات بالخصوص معاشی مسائل، بے روزگاری اور دیگر مسائل کے حل کی ضرورت پر بھی زور دیا اور فرمایا کہ بلدیہ، محکمہ پولیس اور دوسرے ایسے ادارے جو براہ راست عوام کے رابطے میں رہتے ہیں اپنے اقدامات سے عوام کی مشکلات کو حل بھی کر سکتے ہیں اور اسی کے ساتھ ہی ان کی ناراضگی کا باعث بھی بن سکتے ہیں لہذا انہیں اپنی کارکردگی کے سلسلے میں بہت محتاط رہنا چاہئے۔ قائد انقلاب اسلامی نے اپنے خطاب میں شہر قم کے سلسلے میں عالمی سطح پر پائی جانے والی حساسیت اور اس شہر پر رکھی جانے والی خاص نظر کی تشریح کی اور فرمایا کہ عالم اسلام کا سب سے عظیم اور سب سے بڑا دینی علمی مرکز، زیارت گاہیں اور روحانی مقامات شہر قم کی قومی اور عالمی خصوصیات ہیں۔ قائد انقلاب اسلامی نے شہر قم کی مشکلات اور ترقیاتی کاموں کے لحاظ سے پسماندگی کا بھی ذکر کیا اور فرمایا کہ اسلامی انقلاب کے بعد اور خاص طور پر گزشتہ چند برسوں میں مشکلات کو حل کرنے کے لئے بہت وسیع کوششیں کی گئیں لیکن اب بھی بہت سی مشکلات باقی ہیں جنہیں زیادہ محنت اور مربوط کوششوں کے ذریعے حل کیا جانا چاہیے

ابنا ـ کي رپورٹ کے مطابق سعودي عرب کے عظيم شيعہ مجتہد آيت اللہ العظمي شيخ محمد علي عَمري کے خانداني ذرائع نے ذرائع ابلاغ کو بتايا ہے کہ سعودي عرب کے يہ بزرگ شيعہ عالم طويل عرصے تک اسلام اور مکتب اہل بيت (ع) کي خدمت کرنے کے بعد آج صبح 120 سال کي عمر ميں، رياض کے ايک ہسپتال ميں انتقال کرگئے ہيں۔ آيت اللہ العظمي شيخ محمد علي عَمري کا آبائي شہر مدينہ منورہ ہے اور انھوں نے طويل عرصے تک شديد وہابي ـ سعودي دباؤ کے باوجود وسيع علمي، تبليغي اور سماجي خدمات سرانجام دي ہيں اور وہابيوں کے شديد دباؤ کے باوجود مدينہ منورہ ميں عظيم مسجد و امام بارگاہ کي بنياد رکھي جہاں شيعيانِ مدينہ سلفيوں کي شديد مخالفتوں کے باوجود اپنے ديني مراسمات بجالايا کرتے ہيں۔  سلفيوں نے کئي بار بدنام زمانہ سعودي مذہبي پوليس کي مدد سے اس مسجد و امام بارگاہ کو بند کرايا ہے اور شيخ عَمري اور کو ان کے رفقائے کار کے ہمراہ قيد و بند کي صعوبتيں جھليني پڑي ہيں۔  قابل ذکر ہے کہ مرحوم آيت اللہ العظمي شيخ محمد علي عََمري نے اپني زندگي کے 45 برس سعودي جيلوں ميں گذارے ہيں۔  عالمي اہل بيت (ع) اسمبلي اور اہل البيت (ع) نيوز ايجنسي ـ ابنا ـ نيز امام مہدي (عج)کلچرل فاونڈيشن مرحوم آيت اللہ العظمي شيخ محمد علي عَمري کے انتقال کي مناسبت سے حضرت بقيةاللہ الاعظم امام مہدي عَجَّلَ اللہ فَرَجَہ الشَّريف، رہبر مسلمين حضرت آيت اللہ العظمي امام سيد علي خامنہ اي، مراجع عظام و علمائے اعلام، مرحوم عالم دين کے خاندان معظم اور شيعيان حجاز کو تسليت و تعزيت عرض کرتي ہيں۔

شيخ العَمري آيت اللہ العظمي امام خميني رحمۃاللہ عليہ کے قريبي دوستوں ميں سے تھے۔ انھوں نے 1941 سے 1955 تک کا عرصہ حصول علم کے سلسلے ميں قم المقدسہ ميں گذارا تھا اور امام خميني (رح) کے کہنے پر مدينہ منورہ واپس جاکر تبليغ و تدريس کا سلسلہ شروع کيا اور شيعيان حجاز کي معنوي قيادت سنبھالي۔  آيت اللہ شيخ عَمري کا سب سے پہلا اعتراض 8 شوال 1383 ہجري (بمطابق 22 فروري 1964) کو يوم انہدام جنت البقيع کي مناسب سے تھا جس کي پاداش ميں انہيں جيل جانا پڑا اور عرصہ دس سال تک قيد و بند کي سختيان برداشت کرني پڑيں۔ انہيں اس عرصے ميں شديد اذيتوں کا نشانہ بنايا گيا۔  آيت اللہ شيخ محمد علي عَمري سنہ 1979 کو خفيہ طور پر سعودي عرب سے نکلے اور اپنے پرانے دوست سے ملنے تہران پہنچے اور تہران ميں امام خميني رحمۃاللہ عليہ سے ملاقات کي اور جب حجاز لوٹے تو سعوديوں نے انہيں گرفتار کرکے تين برس جيل ميں رکھا۔  شيخ العَمري رحمۃاللہ عليہ کي اہمترين تحريک 1987 کو مکہ معظمہ ميں سعوديوں کے ہاتھوں ايراني حجاج کے قتل عام کے موقع پر شروع ہوئي جس کي پاداش ميں انہيں گرفتار کيا گيا اور سعودي ظالم عدالتوں نے انہيں موت کي سزا سنائي جس پر مدينہ اور منطقۃالشرقيہ کے شيعہ اکثريتي علاقوں ميں وسيع مظاہروں کا سلسلہ شروع ہوا اور وہابي عدالت کو ان کي سزائے موت عمر قيد ميں بدلنا پڑي۔ اس زمانے ميں بھي شيخ العمري عمر نوے برس سے زيادہ تھي جس کي بنا پر سعوديوں کو انہيں جيل سے رہا کرنا پڑا۔  يہ بات خاص طور پر قابل ذکر ہے کہ شيخ العَمري صاحب رائے مجتہد ہونے کے باوجود مرجعيت کے دعويدار نہيں تھے .

آیت اللہ صافی گلپایگانی جو کہ عالم تشیع کے مراجع تقلید میں سے ہیں اور دور حاضر کی ایک بلند پایہ علمی فقھی شخصیت ہونے کے ساتھ امام زمانہ عجل اللہ کے موضوع پر ایک عظیم کتاب منتخب الاثر کے مصنف بھی ہیں،ماہ محرم میں تبلیغی خدمات سر انجام دینے والے طلاب حوزہ علمیہ قم کے اجتماع سے خطاب کرتے ہویے فرمایا:آپ سب امام زمان (عج)کے سپاہی اور دین الہی کے خدمت گزار ہیں اور فریضہ تبلیغ در واقع جہاد فی سبیل اللہ ہے۔

انہوں نے اپنی تقریر کے دوران غزہ میں ہونے والے جنگی جرایم اور مظالم کی پر زور مذمت کرتے ہویے فرمایا:پارا چنار کا محاصرہ غزہ سے بھی زیادہ بدتر ہے وہاں ابتداء میں مظلوم شیعوں کے ہاتھ پاوں کاٹے جاتے ہیں پھر ان کو ذبح کیا جاتا ہے ،یہ اسقدر ایک ملک میں وحشتناک جرایم ہورہے ہیں اور کسی جانب سے بھی صداءے احتجاج بلند نہیں ہورہی ،یہ کیسی دنیا ،کیسا بین الاقوامی معاشرہ اور کیسا قانون ہے۔ ۔ ۔

انہوں نے آخر میں فرمایا:جو بھی چاہتا ہے کہ قلب امام زمان (عج) کو مسرور کرے وہ اپنے مظلوم شیعہ برادران کی مدد کرے۔

ابنا ـ کي رپورٹ کے مطابق، ديني ذرائع ابلاغ کے مقام و منزلت کا جائزہ لينے کے لئے شہر مقدس قم کے ٹيلي ويژن مرکز ميں منعقدہ نشست سے خطاب کرتے ہوئے ولايت ٹي وي چينل کے ڈائريکٹر، آيت اللہ حسيني قزويني نے کہا کہ دنيا ميں 300 ٹي وي چينلز شيعہ تعليمات کے خلاف تشہيري مہم چلارہے ہيں اور اس سلسلے ميں مختلف قسم کے شکوک و شبہات پيدا کرتے ہيں اور مختلف قسم کے گھسے پھٹے الزامات لگانے کا سلسلہ آگے بڑھا رہے ہيں جبکہ 40 ہزار سے زائد ويب سائٹس بھي تشيع کے خلاف سرگرم عمل ہيں ايسے ميں عالمي سطح پر ديني ذرائع ابلاغ کا فعال ہونا ماضي سے کہيں زيادہ ضروري ہے تا کہ وہ دنيا کي تشنہ نگاہوں اور پياسي جانوں کو اہل بيت (ع) کي تعليمات کے چشمے سے سيراب کيا جا سکے۔

انھوں نے قم ٹي وي اور ريڈيو کے اعلي اہلکاروں اور بعض علماء کي موجودگي ميں اپنا خطاب جاري رکھتے ہوئے کہا: عالمي سطح پر تشيع کے خلاف اتني وسيع يلغار کے پيش نظر ضرورت اس امر کي ہے کہ شيعہ ذرائع ابلاغ بھي ميدان ميں آئيں اور مکتب اہل بيت (ع) کا تعارف اسي طرح کريں جيسے کہ يہ ہے جبکہ مذکورہ بالا ٹي وي چينلوں اور ويت سائٹوں سے تشيع کا چہرہ بالکل مکدر اور تاريک کرکے پيش کيا جارہا ہے۔
آيت اللہ قزويني نے کہا: اس وقت مخالف چينلوں سے اسلام کا ايک نہايت بھيانک چہرہ دنيا والوں کو دکھايا جارہا ہے جو عالمي سطح پر اسلام کي بدنامي اور مسلمانوں کي جگ ہنسائي کے اسباب فراہم ہورہے ہيں۔
آيت اللہ حسيني قزويني ـ جو جديد دور کے لاجواب مناظر اسلام و تشيع بھي ہيں ـ نے کہا کہ شيعہ علماء، دانشوروں اور ابلاغيات سي تعلق رکھنے والے اہل قلم و دانش عزاداري کي مثبت روشوں پر زور ديں اور کسي بھي شخص يا کسي بھي تاريخي کردار کي توہين اور بےحرمتي سے اجتناب کرتے ہوئے اہل بيت (ع) کا صحيح تعارف کرائيں کيونکہ اس طرح کي تبليغ ـ جس ميں اہل بيت (ع) کي تعليمات و فضائل اور مقام و منزلت اور ان کي سيرت پر روشني ڈالي جائے بہت زيادہ مؤثر ہے جبکہ دوسروں کي توہين تشيع کي تبليغ ميں بنيادي رکاوٹ اور ايک نامعقول امر ہے۔

اہل البیت (ع) خبر ایجنسی ـ ابنا ـ کی رپورٹ کے مطابق الحوثی تحریک نے اپنے ایک بیان میں کہا ہے کہ گذشتہ 24 گھنٹوں کے دوران یمن کے شمال میں مختلف شیعہ علاقوں پر 3800 میزائل، توپ اور مارٹر گولے گرے ہیں اور طیاروں نے صعدہ صوبے کے مختلف علاقوں پر 21 مرتبہ بمباری کی ہے.

بیان میں کہا گیا ہے کہ سعودی فضائیہ نے گذشتہ 24 گھنٹوں کے دوران 21 حملے کرکے شیعیان یمن اور یمن کے عوام و مملکت کے خلاف اپنی شدید دشمنی کا ایک اور ثبوت فراہم کیا ہے.

سعودی طیاروں نے ہزاروں اعلامئے شیعہ علاقوں پر گرائے ہیں جن میں سعودی مفتیوں کے فتوے درج ہیں اور ان فتؤوں میں سعودی افواج کا مقابلہ اور انہیں یمن میں داخلے سے روکنا حرام قرار دیا گیا ہے!!.

الحوثی تحریک نے بھی اپنے بیان میں سعودی جارحیت کے مقابلے کے بارے میں کہا ہے کہ بیرونی جارحیت کے مقابلے میں اپنا دفاع نہ صرف جائز ہے بلکہ قرآن مجید کے مطابق یہ ہر قوم کا مسلّمہ حق ہے.

الحوثی تحریک نے اپنے بیان میں جبل المدود پر سعودی افواج کے نئے حملے کی رپورٹ دیتے ہوئے کہا ہے کہ سعودی افواج کو ان حملوں میں ایک بار پھر شکست کا سامنا کرنا پڑا ہے.

تحریک نے کہا ہے کہ المجدعہ کے علاقے میں بھی سعودی افواج نے خفیہ طور پر ایک حملہ ترتیب دیا تھا تا ہم شیعہ مجاہدین نے سعودی حیلہ گری کا بروقت سراغ لگایا اور ایک گھنٹے کی شدید جھڑپ کے بعد سعودی فوجی کئی لاشیں چھوڑ کر فرار ہوگئے ہیں۔

اس بیان میں بتایا گیا ہے کہ شیعہ مجاہدین نے الجابری کے سعودی فوجی اڈے ـ جو مجاہدین کے قبضے میں ہے ـ پر بھی سعودی عرب کا نیا حملہ ناکام بناتے ہوئے ایک سعودی ٹینک تباہ کردیا ہے اور آل عقاب کے علاقے میں سعودی توپخانے کا جواب توپخانے سے دیا ہے.

اہل البیت (ع) خبر ایجنسی ـ ابنا ـ کی رپورٹ کے مطابق "قدسنا خبر ایجنسی" کے ڈائریکٹر اور مشرق وسطی کے امور کے تجزیہ نگار "مہدی شکیبائی" نے فارس خبر سے گفتگو کرتے ہوئے کہا: سولہویں صدی عیسوی میں عثمانی سلطنت نے حجاز کے بعض علاقوں پر قبضہ کیا اور اہل تشیع کے خلاف پابندیوں میں اضافہ ہوا اور سعودی حکمرانی قائم ہونے کے بعد یہ پابندیاں اور محدودیتیں عروج پر پہنچیں۔ آل سعود کی حکمرانی کے بعد اہل تشیع کی سرکوبی اور انہیں معاشرے میں کسی بھی مرکزی کردار سے محروم کرنا حکمرانوں کے ایجنڈے کا حصہ بن گیا اور درحقیقت شیعہ نسل کشی عبدالعزیز آل سعود کی سربراہی میں آل سعود کی سلطنت کی سیاسی اور بنیادی ترجیحات میں شامل ہوئی.

حجاز میں کئی شیعہ اکثریتی علاقے آباد ہیں جن میں آبادی کا توازن بگاڑنا بھی سعودی حکمرانوں کی پالیسی کا حصہ تھا اور آج بھی ہے اور اس وقت بھی سعودیوں کی پالیسی ہے کہ اہل تشیع کی سرکوبی کے لئے تمام ممکنہ وسائل سے استفادہ کرنے کے ساتھ ساتھ نجد اور دیگر علاقوں کے ہزاروں آبادکاروں اور تاجروں کو منطقة الشرقیہ اور جنوب میں نجران جیسے علاقوں میں آباد کیا جارہا ہے اور اس طرح ان علاقوں کی شیعہ اکثریت کو اقلیت میں تبدیل کرنے کی کوشش کی جارہی ہے؛ اسی مقصد سے شیعہ علاقوں میں مختلف صنعتی ٹاؤن بنائے جارہے ہیں جن میں صرف غیر شیعہ آبادکاروں اور تاجروں کو کام کرنے کی اجازت ہے۔

انھوں نے کہا: اس سلسلے میں سعودیوں کی دیگر پالیسیاں یہ ہیں:

شیعہ علاقوں میں کاشتکاری اور زراعت کا ڈھانچہ تباہ کیا جارہا ہے؛ اہل تشیع کا تجارتی نظام تباہ کیا جارہا ہے؛ اہل تشیع کے املاک و اموال اور دولت و ثروت کو ضبط کیا جا رہا ہے۔ غیر شیعہ تاجروں کو شیعہ تاجروں کے ساتھ لین دین سے منع کیا جارہا ہے اور ان تمام اقدامات کا مقصد صرف یہی ہے کہ شیعہ اکثریتی علاقوں کی آبادی کا توازن بگاڑدیا جائے. ان تمام اقدامات کے ساتھ ساتھ اہل تشیع کو دینی اور مذہبی اعمال و عبادات سے منع کیا جارہا ہے؛ ان کی مساجد بند کی جارہی ہیں؛ انہیں نئی مساجد اور حتی قبرستانوں کی تعمیر کی اجازت نہیں دی جارہی اور ان اقدامات میں حال ہی میں زبردست اضافہ ہوا ہے۔

انھوں نے کہا کہ جو پالیسی آل سعود نے اہل تشیع کے خلاف اپنا رکھی ہے عیناً وہی پالیسی ہے جو صہیونی ریاست مقبوضہ فلسطین میں مسلمانوں کی خلاف اپنائے ہوئی ہے۔

اہل البیت (ع) خبر ایجنسی ـ ابنا ـ کی رپورٹ کے مطابق یہ شیعہ عالم دین الشرقیۃ کے شہر "الخُبَر" میں "اہل سنت کی ایک مسجد" میں نماز جماعت ادا کررہے تھے کہ گرفتار کرلئے گئے. یہ مسجد شیخ محمد باقر ناصر کی رہائشگاہ کے قریب واقع ہے۔

اس رپورٹ کے مطابق سعودی پولیس کے سات اہلکاروں نے شیخ ناصر اور ان کے پانچ ساتھیوں کو نماز عشاء کے بعد گرفتار کرکے الخبر کی حوالات میں منتقل کرلیا ہے.

یادرہے کہ الخُبر میں شیعہ مساجد کی بندش کے بعد شیعہ اور سنی باشندوں کے درمیان طے پانے والے معاہدے کے تحت شیعہ نمازی مغرب کی نماز سنی امام جماعت کی امامت میں ادا کرتے تھے اور نماز عشاء شیخ ناصر کی امامت میں ادا کی جاتی تھی مگر یہ سلسلہ مسجد پر سعودی سیکورٹی فورسز کے حملے اور شیعہ عالم دین اور ان کے ساتھیوں کی گرفتاری کے بعد عملاً ختم ہوگیا ہے۔

جناب ڈاکٹر احمدی نژاد نے ـ وہابیوں کی ریشہ دوانیوں پر تنقید کرنے والے ـ ہال میں حاضر ایک نوجوان ـ کے ایک سوال کا جواب دیتے ہوئے کہا: ہمارے پاس صوبۂ خوزستان میں وہابیت کی سرگرمیوں کی پوری معلومات موجود ہیں مگر مسئلہ یہ ہے کہ جذبات کا اظہار کرکے کسی مسئلے کو حل نہیں کیا جاسکتا اور ہر مسئلے کا علاج صحیح منصوبہ بندی کے ذریعے ہی ممکن ہے۔

انھوں نے کہا کہ بعض مسائل کو اچھالنے سے وہابی تفکر کو تقویت مل سکتی ہے اور اس طرح کے اقدامات وہابیت کے استحکام کا باعث بن سکتے ہیں اور یہ ایک غلطی ہے؛ اگر آپ ملک کے ہمدرد ہیں تو اس سلسلے میں ہونے والے اقدامات کی طرف توجہ دیں.

ڈاکٹر احمدی نژاد نے کہا: خوزستان میں انحرافی فرقوں کی فعالیت کی گنجائش نہیں ہے اور خوزستان کے عوام ان فرقوں کی جڑیں سُکھا دیں گے

پورا اسلامی جمہوریہ ایران امریکہ مردہ باد برطانیہ مردہ باد اور صہیونی ریاست مردہ کے باد کے نعروں سے گونج اٹھا۔ اس سلسلے کا سب سے بڑا اجتماع تہران کے انقلاب اسکوائرپرمنعقدہوا ہے جس میں دسیوں لاکھ عزادارن مظلوم کربلا اور ایران کے انقلابی عوام شریک تھے۔ مظاہرین اپنے ہاتھوں میں بینراورپلے کارڈ اٹھائے ہوئے تھے جن پراسلامی نظام اورولایت فقیہ کے تئیں اپنی پوری وفاداری کا اعلان کیا۔ ان ریلیوں میں اسی طرح امریکہ وسامراج مخالف بینرزبھی بڑی تعداد میں دیکھے جارہے تھے۔ تہران کے تمام راستوں سے انقلاب اسکوائر کی جانب انقلابیوں کا ایک امڈتا ہوا سیلاب آرہا تھا جس نے غیرملکی ذرائع ابلاغ کے نمائندوں کو بھی مبہوت کررکھا تھا۔ اسی اثناء میں سب سے دلچسپ بات یہ تھی کہ بی بی سی اورمغرب کے ديگرذرائع ابلاغ جو تہران میں مٹھی بھرانقلاب دشمن عناصرکی تخریبی کاروائیوں کی حمایت کرتے ہوئے ان کی تعداد بڑھا چڑھا کرپیش کرتے ہيں آج پورے ملک میں عاشورائے حسینی کی حرمت کے تحفظ اورولایت فقیہ کے اصول کی پاسداری ميں کروڑوں کی شرکت سے نکالے جانےوالے جلوسوں پرمبہوت ہوگئے ہيں اورانھیں گویا سانپ سونگھ گیا ہے۔ پورے ملک ميں عاشورہ کی حرمت کے تحفظ کے حق ميں جوجلوس نکالے گئے ان میں عوام ایک بارپھر اپنے اسلامی نظام اورانقلاب سے وفاداری کا اعلان کرتے ہوئے رہبرانقلاب اسلامی کے فرمان پراپنی جان کی بازی لگانے کے عزم کا اعلان کیا۔ 

واضح رہے کہ عاشور کے دن امریکہ، برطانیہ اورصہیونی ریاست کی ایماء پرکچھ شرپسندعناصرنے تہران کی بعض سڑکوں پرنکل کرعزاداری کے جلوسوں پرحملہ کیا تھا اورعاشورہ کے تقدس کوپامال کرنے کے ساتھ ساتھ اسلامی جمہوری نظام کے اصولوں کےخلاف نعرے بازی کی تھی ۔ اس واقعہ پرپورے ایران کے عوام شدید برہم ہيں اورانھوں نےگذشتہ چنددنوں سے اس واقعہ کے خلاف مظاہروں کاسلسلہ  شروع کررکھا ہے اورآج پورے ملک میں بیک وقت یہ مظاہرے کئے گئے.

مظاہرین مطالبہ کررہے ہيں کہ ان سامراجی ایجنٹوں کوسخت سے سخت سزادی جائے جنھوں نےدین اسلام اور عاشورہ کے تقدس کو پامال کرنے کی کوشش کی ہے  عاشورہ کے تقدس کوپامال کرنےوالوں کی امریکی صدرباراک اوبامہ اوربرطانوی وزیرمیلیبینڈ اور صہیونی وزیر اعظم ایہود بارک نے حمایت کی تھی

حضرت آیت‏اللہ علی صافی گلپایگانی، جو آیت‏اللہ محمد تقی بہجت (رح) کی وفات کے بعد ان کے جانشین سمجھے جاتے تھے اور آیت اللہ بہجت کے مقلدین نے بھی ان کی طرف رجوع کیا تھا 99 سال کی عمر میں صوبۂ اصفہان کے شہر "گلپائگان" میں دار فانی کو وداع کہہ گئے.

آیت اللہ شیخ علی گلپائگانی، قم میں مقیم حضرت آیت اللہ العظمی شیخ لطف اللہ صافی گلپائگانی کے بڑے بھائی تھے اور عرصۂ دراز سے علیل اور ہسپتال میں داخل تھے.

گذشتہ روز صبح کے وقت قم میں مقیم مراجع تقلید اور علماء کرام ـ جن میں حضرات آیات وحید خراسانی و شبیری زنجانی ـ بھی شامل تھے آیت‏اللہ لطف‏اللہ صافی گلپایگانی کے گھر میں حاضر ہوئے اور مرحوم مرجع تقلید کی وفات پر تعزیت کا اظہار کیا.

حضرت آیت اللہ شیخ علی صافی گلپائگانی کی مختصر سوانح حیات:

انا للہ و انا اليہ راجعون

آیت اللہ صافی گلپائگانی نہایت نڈر اور شجاع عالم دین تھے جن کے خطابات و تقاریر نہایت بلیغ تھیں اور چونکہ اپ علم و عمل و اخلاص کا مجموعہ تھے لہذا آپ کی تقاریر نہایت مؤثر ہوا کرتی تھیں. آپ نے رضاخانی(سابق شاہ ایران) کے گھٹن زدہ دور میں شجاعت و پامردی کے جوہر دکھائے اور آزادی اور عدل و انصاف اور سماجی نظم و ضبط، احیائے حق اور باطل کی سرکوبی کے سلسلے میں پہلوی خاندان کی آمریت و استبداد کے خلاف زبردست جدوجہد کی اور اس کے استعماری آقاؤں کو رسوا کیا اور اس راہ میں آپ نے بے شمار مسائل و مشکلات کا سامنا کیا. اور کئی بار جلاوطن ہوئے.

مرحوم آیت اللہ شیخ علی صافی گلپائگانی جلیل القدر عالم دین تھے چنانچہ آپ نے متعدد کتابین لکھیں جن میں آپ کی درج ذیل کاوشیں سر فہرست تھیں:

ــ العروة الوثقی کی استدلالی شرح

ــ رسالہ عملیہ (توضیح المسائل فارسی زبان میں)

ــ منتخب الاحکام

ــ مناسک حج

ــ وصال کی انتظار میں

ــ المحجة فی تقریرات الحجة (مرحوم آیت اللہ حجت کوہ کمرہ ای کے دروس کی تقریرات)

ــ راز دل (ایک ہزار صفحات پر مشتمل فارسی دیوان اشعار)

ــ الدلالۃ الى من لہ الولایۃ

ــ تاریخ تحول فقہ شیعہ

ــ اصول الفقہ

ــ آیت اللہ بروجردى کے دروس کی تقریرات

نکتہ وروں نے ہم کو سکھایا خاص بنو اور عام رہو

محفل محفل صحبت رکھو دُنیا میں گمنام رہو

حضرت آیت اللہ علی صافی علمی اور فقہی لحاظ سے بہت اونچے مقام پر فائز تھے اور تقریبا تمام معاصر علماء کو ان کی علمی و فقہی عظمت کا اعتراف تھا اور پھر مرحوم حضرت آیت اللہ العظمی محمد تقی بہجت جیسی عظیم شخصیت نے ان کی عظمت کا اعتراف کرتے ہوئے اپنے مقلدین کو ان کی طرف رجوع کرنے کی وصیت کی تھی مگر آپ عجیب گمنامی میں زندگی بسر کرتے رہے اور زہد و تقوی اور شہرت سے دوری پر کاربند رہے.

آپ کے بھائی آیت اللہ العظمی حاج شیخ لطف اللہ صافی اپنے تعزیتی پیغام میں لکھتے ہیں:

بزرگ شخصیت، عالیقدر فقیہ اور ولائی مرجع تقلیدحضرت آيت اللہ العظمي آقاي حاج شيخ علي صافي لقاء اللہ کی طرف سفر کرگئے، جنہوں نے تقریبا ایک صدی کے عرصے تک اسلام کی خدمت کی اور کلمۂ دین کی ترقی کے لئے جدوجہد کرتے ہوئے امر بالمعروف اور نہی عن المنکر پر کاربندرہے، مختصر یہ کہ وہ حضرت بقيۃ اللہ مولانا المہدي ارواح العالمين لہ الفدا کے مخلص نوکر تھے اور اسی عنوان سے انھوں نے اپنے فرائض سرانجام دیئے.

آپ نے متعدد کتابیں لکھیں جیسے: شرح عروة الوثقي اور اساتذہ کے دروس کی تقریرات ان کی اہم علمی کاوشیں ہیں، باذوق ادیب تھے اور مختلف فضائل سے لیس تھے اور خاص طور پر قرآن مجید کے مفسر تھے اور ان تمام اوصاف سے متصف تھے جو ایسے فقیہ کے لئے ضروری ہیں اور انھوں نے اپنی حیات شریفہ کے آخری ایام تک محراب و منبر سے مسلمانوں کی ہدایت و راہنمائی کا فریضہ سرانجام دیا اور رضاخان کے اسلام مخالف اقدامات کے خلاف ان کا موقف نہایت شفاف اور مستحکم تھا.

بے شک ایسی شخصیت کا فقدان فقاہت، مرجعیت اور علمی حوزات کے لئے ایک ثلمہ اور دراڑ ہے. ہم اس عظیم نقصان کی مناسبت سے حضرت ولي عصر ارواح العالمين لہ الفدا، حوزات علمیہ، علمائے اعلام اور آيات عظام دامت برکاتہم اور مرحوم کے علمی گھرانے کو تعزیت و تسلیت عرض کرتے ہیں۔

اس نیک سیرت عالم دین نے رضاخانی آمریت کے زمانے سے اپنے علمی سفر کا آغاز کیا اور سطوح عالیہ تک اپنے آبائی شہر گلپائگان میں تعلیم حاصل کی اور 1349 ہجری کو انھوں نے قم کی جانب ہجرت کی اور بزرگ علماء اور اساتذہ کے دروس میں حاضر ہوئے جو فقہ کی نامور شخصیات ہیں جیسے بزرگ مراجع تقلید مرحوم آيت اللہ العظمي حجت اور مرحوم آيت اللہ العظمي آقاي حاج سيد محمد تقي خوانساري سے فیض حاصل کیا اور جب آیت اللہ العظمی سید حسین بروجردی قم تشریف لائے تو انھوں نے ان کے فقہ اور اصول کے دروس میں شرکت کی اور استفتاء کے اجلاسوں میں باقاعدہ شرکت کیا کرتے تھے اور آیت اللہ العظمی بروجردی ان کی آراء کو خاص توجہ دیا کرتے تھے اور درس و بحث کی محفل میں مشہور و معروف اور جانے پہچانے تھے۔

شجاعت، لہجے کی صراحت اور غیر اللہ سے بے‌باکي اور بےخوفی اور زہد و قناعت ث دنیاوی چمک دمک سے بے ‌اعتنايي اور دین کے امور میں استقامت ان کی خاص صفات ہیں اور اس دانا فقیہ کی تاريخ زندگي پوری، درس و عبرت ہے. انھوں نے تمام امور میں خدا کو خلق خدا پر ترجیح دی اور کسی کی رضا کو خدا کی رضا پر مقدم نہ رکھا اور کبھی بھی کلمۂ حق کے اظہار میں ہچکچاہٹ اور خوف و ہراس کا شکار نہیں ہوئے حتی کہ وہ بزرگوں کو بھی وعظ و نصیحت کیا کرتے تھے اور وہ بھی ان کی نصیحتوں اور یادآوریوں کو غنیمت سمجھتے تھے

حوزہ علمیہ كے استاد آيت اللہ سبحانی نے غزہ كے حوالے سے اپنے پيغام میں كہا ہے كہ ۲۰۰۹عيسوی كا آغاز غزہ میں اسرائيلی حكومت كی طرف سے كھلی دہشت گردی اور جارحيت سےہوا جس میں كئی سو خواتين اور بچے اب تك خاك و خون میں غلطاں ہو چكے ہیں اوراب یہ جارحيت فضائی ، بری اور بحری تينوں راستوں سے جاری ہے اور عرب ممالك كی طرف سے اب تك كوئی خاص موقف سامنے نہیں آيا ہے جس سے معلوم ہوتا ہے كہ اسرائيل اور بعض عرب ممالك كے درميان اس حوالے سے كوئی خفیہ معاہدہ ہو چكا ہے۔ شايد یہی وجہ سے ہے كہ كچھ عرب ممالك غزہ كے مظلوم فلسطينيوں تك امدادی سامان پہنچانے كے لیے بھی راستے بند كیے ہوئے ہیں۔ رپورٹ كے مطابق ۲۰۰۸ عيسوی كے آخر میں شروع ہونے والا فلسطينيوں كا قتل عام ۱۹۴۸ء كے بے رحمانہ قتل عام كا ہی تسلسل ہے اور وہی تاريخ دہرائی جا رہی ہے۔ كوئی انسانی مكتب اور كوئی آسمانی دين ايسی ہولناك اور بے رحمانہ جارحيت كی اجازت نہیں ديتا ۔ آج اسرائيل اقتدار كے نشے میں یہ كھلی دہشت گردی كر رہا ہے ليكن انہیں یہ جان لينا چاہیے كہ ان كے اقتدار كے دن گنے جا چكےہیں اور زوال بہت قريب ہے۔

"صوت العراق" ويب سائٹ نے لكھا ہے كہ آيتاللہ العظمی شيخ بشير نجفی كے دفتر نے نجف اشرف سے ايك بيان صادر كيا ہے كہ جس میں غزہ كیے ستم ديدہ لوگوں كی مادی اور معنوی حمايت كو ہر مسلمان كی شرعی ذمہ داری قرار ديا ہے۔ بيان میں آيا ہے كہ عرب اور اسلامی ممالك كے درميان اسرائيل كا ناپاك وجود بے گناہوں كا خون بہا نے كا باعث نبا ہے۔ آيت اللہ نجفی نے كہا ہے كہ اسرائيل نےغزہ پر حملے كے دوران عالمی قوانين كی خلاف ورزی كرتے ہوئےممنوعہ اسلحہ استعمال كياہے اور سينكڑوں بے گناہ سويلين افراد كو موت كے گھاٹ اتار ديا ہے ۔ انھوں نے مزيد كہا كہ اسرائيلی جارحيت سےبچے ، خواتين ، مساجد ، ہسپتال اور سكول تك محفوظ نہیں رہے۔ عرب اور اسلامی ممالك كے حكمرانوں پر تنقيد كرتے ہوئے آيت اللہ نجفی نے كہا كہ وہ زبانی كلامی مذمت پر اكتفا نہ كریں بلكہ اسرائيلی وحشيانہ كاروائيوں كو روكنے كے لیے عملی اقدامات كریں۔ انھوں نے تمام مسلمانوں سے اپيل كی كہ غزہ كے ستم ديدہ لوگوں كی حمايت كےلیے بھر پور كردار ادا كریں۔